Gɨye-lɔɔ 24:12 - Gabri Maja

¹² Ungo wayaŋ kɨɗɨn̰ man̰e-kɔl gɨŋ dan̰ kalaŋ naŋ bɨ, kɨɗɨn̰ dɨbe do̰ duroy dɨmdɨrdi kalaŋ naŋ bɨ, a duroy ƴaa-di-da-Kumu dɨŋ wala, a boy ƴaa-daye-di-da-Jubɨn̰əŋ dɨŋ, wala a duroy cay ƴaa-di-gumu dɨŋ naŋ bɨ.

Gɨye-lɔɔ 24:12 ပူးပေါင်းရင်းမြစ်များ

Marg 9:14

Jesu bɨ, Pɨyɛr bɨ, Jag bɨ, Ja̰ bɨ, kɨɗɨn̰ ga ɨrgage bugoŋ gusi ka-aye-cay-tɨbayi ga ɗaŋ ɨni na, solge dɨmdɨrdi kalaŋ nɨwɨrege cayge daa bɨ, ka-gɨlɨn̰ kalaŋ gasɨn̰-kɔl gɨ da Moyis ɨrege man̰ge kɔl danage bɨ.

Kɔl-gɨ-Ɗari gɨ Ja̰ wal 18:21

Kɛ ji ɨngɨrəŋ ɨŋ-bandi na kɨya wa ga? Kɔl gɨ ɨŋ ba ye le ɨngɨrɨn̰ kalaŋ ga ba jege kɔl hɨnge le: Kɔl gɨ ɨŋ ba ye le kan solge kuɗa.»

Gɨye-lɔɔ 24:18

Na hɨnga ga nee le ma maŋ lee, kɨɗɨn̰ ga kalaŋ ga ni Jubɨ ga pɨna wo̰ ga saygage jɨn̰ cay gɨsəŋ ga Aji gaŋ, wayaŋge a duroy ƴaa-di-da-Kumu dɨŋ. Kɨɗɨn̰ ga kan wayaŋge na, na nee dɨm ma maŋ dɨɗɨ kɨbɨ dorɨn̰ gusɨnɨ mɨra ƴee. Ɨŋ gusɨra kalaŋ naŋ bɨ, ɨŋ laa kɔl naŋ bɨ. Na kalaŋ ga nee le ma ojɨ gɨ kan ni ba kɨya se kɔl canɨ tumon̰ labɨde, hɨn̰ gɨ kan ni na ɨran̰ dan̰ kɔl danaŋ leen̰ cɨndi.

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 25:8

Pol dor kɔl cayi coŋ yen̰ hɨn̰: «Ɨŋ laa hɨnga ga dan̰ gɨyəŋdɨge naŋ pɨna wo̰ hangɨɗan̰ cay Gasɨn̰-kɔl ga da kalaŋ ga ni Jubɨ wo̰ naŋ bɨ, laan̰ hɨnga ga ɨsɨni dan̰ ƴaa-di-da-Kumu naŋ bɨ, dan̰ kɨlma gɨ gumu gɨ ni Sejar naŋ bɨ.»

Gɨye-lɔɔ 28:17

Lee wɔlɛ sɨbɨ ɨni na, Pol tee kalaŋ ga ni Jubɨ ga gɨmdəŋ gɨmdəŋ ga a cay ƴaa-di-gumu di Rɔm dɨŋ a tayi. Kɨɗɨn̰ ga kan dayge cayge ɨni na, ban yege hɨn̰: «Karmɨnɨ, ɨŋ laa hɨnga ga ɨsɨni pɨna jɨbɨn̰ te wɔɔ gɨ da kalaŋ kana coŋ naŋ bɨ, jɨbɨn̰ hɨnga ga ni hada ga da mon̰inagɨŋ coŋ naŋ bɨ. Ama kan ƴɔmɔŋge a Jerusalɛm dɔbɔŋge a kobi kalaŋ ga ni Rɔmɛn̰əŋ.