Gɨye-lɔɔ 23:6 - Gabri Maja

⁶ Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

Gɨye-lɔɔ 23:6 ပူးပေါင်းရင်းမြစ်များ

Matɨyo 10:16

«Jagɨŋ, ɨŋ-bandi ɨŋ kɨya gɨygɨŋ duroy kalaŋ, na hɨn̰ gamge a duroy gaye ga coŋ gaŋ wo̰. Na toy di hɨn̰ wo̰ ma, ɗagɨŋ muɗɔlɛ cay gusɨgɨŋ gɨŋ hɨn̰ kumbulo wo̰ bɨ, ɗagɨŋ gɨ kuduroygɨŋ bɛrɛ-kən̰jəŋ hɨn̰ guu di bɛrɛ-kən̰jəŋ wo̰ bɨ.

Matɨyo 22:23

Kalaŋ ga ni Sadusɨn̰ɛ ga yege gɨ kalaŋ ga ma na kɨya bɔyɛ lɨbe naŋ le, ɨrgage gusi Jesu wɔlɛdi gɨ nee le bɨ ɨngɨriige yeyige hɨn̰:

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Gɨye-lɔɔ 22:3

«Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Gɨye-lɔɔ 22:30

Wan̰dodo dɨŋ na, ba-sɔmɛ cay asɨgarn̰əŋ le gey sɔlɛ te hɨnga ga leen̰ cɨndi, ga kalaŋ ga ni Jubɨ ba sɨn̰ge kɔl a cay Pol le. Bɨ ban tor mɔrɨyɔŋ gusi coŋ bɨ. Ban te ka-cay ka-bɔgɛ kɨbar bɨ, ka-bɔyɛ kɔl cay kalaŋ ga ni Jubɨ bɨ. Ɗe kan na dayage cayge. Kardi nee na, ban ɨrgan̰ dan̰ Pol sii tumoyge.

Gɨye-lɔɔ 22:5

Mangɨl gɨ da ka-cay ka-bɔgɛ kɨbar bɨ, dayaŋ gɨ da kan ga muɗoldoŋ bɨ, ɓalge lɔɔ tɨmon̰ danaŋ a cay kɔl gɨ nee le. Ɨŋ ƴee magtubu na kobɨge kan, kɨya orɨn̰ bɨn̰ karmɨni Jubɨ ga a cay ƴaa-di-gumu di Damas dɨŋ. Lee gɨ ɨŋ say orɨn̰ Damas, kɨya orɨn̰ ƴomɨn̰ ka-aye kudurɔ ga somge nee, kɨya ɨrgan̰ danage a cay ƴaa-di-gumu di Jerusalɛm dɨŋ, ɗe kan na gɨlge cɨn̰.»

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 23:15

Kɨŋ-gandi dan̰ ka-cay ka-bɔgɛ kɨbar bɨ, ga muɗoldoŋ bɨ na, bɨgagɨŋ noygɨŋ pɨna dan̰ ka-bɔyɛ kɔl ga gɨmdəŋ bɨ, ɨran̰gɨŋ wayan̰ ba-cay asɨgarn̰əŋ le, ɨngɨriigɨŋ ɗe ban ɨrgan̰ dan̰ Pol bɨgɨŋ agɨŋ jogɨn̰ kobɨn̰ te kɔl koyi le sol ɗaŋ coŋ. Ɨni na, ni-gandi na ni kɨya ƴɔmɛ cay tɨbayni bɨ, kɨɗɨn̰ ga kan kɨya ɨrgan̰ danayi na, ni kɨya dɨɗii te gɨyəŋ gɨŋ.»

Gɨye-lɔɔ 23:20

Marɨna le jɨga dɨbi cay nee hɨn̰: «Kalaŋ ga ni Jubɨ saɗɨge kɨbɨge pɨna kɨya ɨngɨrɨn̰ge gɨ ji na ɨren̰ dan̰ Pol wan̰do tumoy ka-bɔyɛ kɔl ga gɨmdəŋ. Bɨ ke na gɨ lɔɔ hɨn̰ gɨ ke na gey na kɔbɛ te kɔl koyi sɔlɛ ɗaŋ coŋ wo̰.

Gɨye-lɔɔ 23:7

Kɨɗɨn̰ ga kɔl gɨ ban ye le baa dugo wo̰ bɨ ga ma, man̰e-kɔl say duroy Parɨsɨn̰an̰əŋ dan̰ Sadusɨn̰ɛn̰əŋ bɨ. Kan ga ba dayaŋge le cudroŋge dugo bɨ.

Gɨye-lɔɔ 24:15

Ɨŋ bee ɨrɨmenɨ a cay Kumu hɨn̰ gɨ kan kalɨn̰ ma ba been̰ge kuduroyge cayi wo̰ bɨ. Gɨ kalaŋ ga dan̰ durɔ ɗɨngar bɨ, ga dan̰ durɔ ɗɨngar naŋ bɨ, ga mage le, Kumu kɨya boyge lɨbge.

Gɨye-lɔɔ 24:21

Gajanaŋ na nonɨ di ɨŋ dor daa duroyge yen̰ kɔl le ma: “Kan gey gɨ ni bɔyɛ kɔl canɨ labɨde, na kɨya gɨ ɨŋ bee kuduronɨ cay bɔyɛ lɨbe gɨ da kalaŋ ga madɨrdaŋ gaŋ.”»

Gɨye-lɔɔ 28:20

Na toy di hɨn̰ wo̰ ma, maŋ ɨngɨr gɨ ni solgɨŋ bɨ, are-kɔl danagɨŋ bɨ. Leen̰ cɨndi na, na kɨya cay ungo gɨ a te wɨn̰je gɨ da Ɨsɨrayɛl gɨ kan ba beege ɨrɨmedɨge cayi gɨ na kɨya ɨrga le, ma maŋ tobɨn̰ mɔrɨyɔŋ ga kɛ le a kɔbɔŋ.»

Pilib 3:5

Wɔɔŋge lee wɔlɛ margɨm bɨ walaŋge ban̰a, ɨŋ na a te wɔɔ gɨ da te wɨn̰je gɨ da Ɨsɨrayɛl bɨ, a te wɨn̰je gɨ da Bɛ̰jamɛ̰ gɨŋ bɨ, ɨŋ na Əbɨro gɨ Əbɨron̰əŋ ba wɔɔŋge bɨ. Gɨ ojɨn̰ cay hɨnga ga ni lɔɔ ga da gasɨn̰-kɔl ga da Jubɨn̰əŋ na, ɨŋ na a te kalaŋ ga da Parɨsɨn̰an̰əŋ gaŋ.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

Əbɨro 6:19

Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.