Gɨye-lɔɔ 22:5 - Gabri Maja

⁵ Mangɨl gɨ da ka-cay ka-bɔgɛ kɨbar bɨ, dayaŋ gɨ da kan ga muɗoldoŋ bɨ, ɓalge lɔɔ tɨmon̰ danaŋ a cay kɔl gɨ nee le. Ɨŋ ƴee magtubu na kobɨge kan, kɨya orɨn̰ bɨn̰ karmɨni Jubɨ ga a cay ƴaa-di-gumu di Damas dɨŋ. Lee gɨ ɨŋ say orɨn̰ Damas, kɨya orɨn̰ ƴomɨn̰ ka-aye kudurɔ ga somge nee, kɨya ɨrgan̰ danage a cay ƴaa-di-gumu di Jerusalɛm dɨŋ, ɗe kan na gɨlge cɨn̰.»

Gɨye-lɔɔ 22:5 ပူးပေါင်းရင်းမြစ်များ

Kɔl-gɨ-Ɗari gɨ Lug wal 22:66

Kɨɗɨn̰ ga kɨɗɨn̰ wol yarara ɨni na, ka-muɗɔlɛ ga da Jubɨn̰əŋ, dan̰ ka-cay ka-bɔgɛ kɨbar nɔm, dan̰ ka-gɨlɨn̰ kalaŋ gasɨn̰-kɔl gɨ da Moyis dayaŋge bɨ, orɨn̰ge dan̰ Jesu tumoy ka-bɔyɛ kɔl cay Jubɨn̰əŋ.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Gɨye-lɔɔ 2:29

«Karmɨnɨ ga ban̰aŋ dan̰ ga kandɨ, ɗe aŋ yəgɨŋ kɔl gɨ ojɨ cay mon̰ina Dabid daa waŋ: Dabid ma bɨ, ɨmgiige bɨ, labɨde cay kamɨn̰aŋdi woy a duroyna kɛ ƴee.

Gɨye-lɔɔ 22:1

Ban yege hɨn̰: «Karmɨnɨ bɨ, ban̰anɨ bɨ, Jagɨŋ kɔl gɨ ɨŋ ba kɨya yogɨŋ haw kɛ dorɨn̰ kɔl canɨ coŋ.»

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 23:6

Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

Gɨye-lɔɔ 26:10

Lee gɨ ɨŋ lee hɨnga ga nee le, a boy cay ƴaa-di-gumu di Jerusalɛm dɨŋ. Ka-cay ka-bɔgɛ kɨbar bəŋge gɨyəŋ, lee gɨ ɨŋ or ƴɔmɛ te kalaŋ ga woyge dan̰ cɨndɨge kondɨ beege dangay dɨŋ. Bɨ kɨɗɨn̰ ga kan dɨɗɨge le, ɨŋ gey a cay kɔl gɨ da kan ga ka-dɨɗedɨge le bɨ.

Gɨye-lɔɔ 26:11

Ɨŋ kobɨ kardi ƴaa-daye-di-da-Jubɨn̰əŋ pɨna pɨna, gɨlɨn̰ ka-bɔgɛ kuduroyge cay Kɨris cɨn̰-gɨle-cɨn̰ bɨ, ɨŋ si tɔgɨ cayge ɗe kan na yagɨdan̰ ban gɨ kan bee kuduroyge cayi le bɨ. Kuduroy-ɨlwa tɨnge di ba ləŋ cayge le, lee gɨ ɨŋ mal cay tɨbayge bɨrɨŋ andɨn̰ a cay ƴaa ga gɨmdəŋ ga ɗaŋ gaŋ.

Gɨye-lɔɔ 26:12

«Na toy di hɨn̰ wo̰ ma, ɨŋ say wɔlɛ gɨ pɨna gɨŋ, or a cay ƴaa-di-gumu di Damas dɨŋ. Dan̰ dɔnɔ nɔm di ni loon̰ gɨye bɨ, dan̰ te tumɔ di da ka-cay ka-bɔgɛ kɨbar di ayɨn̰ge te tumɔ toge duroy magtubu dɨŋ bəŋ.

Gɨye-lɔɔ 28:17

Lee wɔlɛ sɨbɨ ɨni na, Pol tee kalaŋ ga ni Jubɨ ga gɨmdəŋ gɨmdəŋ ga a cay ƴaa-di-gumu di Rɔm dɨŋ a tayi. Kɨɗɨn̰ ga kan dayge cayge ɨni na, ban yege hɨn̰: «Karmɨnɨ, ɨŋ laa hɨnga ga ɨsɨni pɨna jɨbɨn̰ te wɔɔ gɨ da kalaŋ kana coŋ naŋ bɨ, jɨbɨn̰ hɨnga ga ni hada ga da mon̰inagɨŋ coŋ naŋ bɨ. Ama kan ƴɔmɔŋge a Jerusalɛm dɔbɔŋge a kobi kalaŋ ga ni Rɔmɛn̰əŋ.

Gɨye-lɔɔ 28:21

Kan jɨga dɨbiige cay nee yeyige hɨn̰: «Ni-gandi a kɛ le, ni wa kɔl gɨ kan wala magtubu dɨŋ kol can̰ gɨ sayga a Jude naŋ bɨ, karmɨni ga saygage a nii le, ungo pɨna wo̰ duroyge ɨre yani koldɨn̰, wala yani hɨnga ga ɨsɨni ga uja can̰ naŋ bɨ.

Gɨye-lɔɔ 3:17

«Ama haw kɛ, karmɨnɨ ga ban̰aŋ dan̰ ga kandɨ, ɨŋ sol gɨ na sɔlɛ di naŋ ma, kɨŋ-gandi bɨ, kɨrɨmbɛlɛŋ kagɨŋ bɨ, ba leen̰ hɨnga ga nee le.

Gɨye-lɔɔ 4:5

Kɨɗɨn̰ ga kɨɗɨn̰ wol cayge ɨni na, ka-dɔrɛ tumoyi kalaŋ ga ni Jubɨ bɨ, kan ga muɗoldoŋ ga da kalaŋ ga ni Jubɨ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, dayge cayge a Jerusalɛm.

Gɨye-lɔɔ 5:21

Kan jege kɔl gɨ da ba-ƴɔbɛ gɨ daa nii le, lee gɨ kan andaŋge dan̰ jogɨɗu cururu, orge ɨre duroy gulɔŋ ƴaa-di-da-Kumu dɨŋ, kɨya gɨlɨn̰ kalaŋ hɨnga. Mangɨl gɨ da ka-cay ka-bɔgɛ kɨbar ɨrga bugoŋ ɨni na, ban bɨ, kalaŋ ga danayi bɨ, teege ka-bɔyɛ kɔl ga gɨmdəŋ ga da kalaŋ ga ni Jubɨ bɨ, kan ga muɗoldoŋ ga da te wɨn̰je gɨ da Ɨsɨrayɛln̰əŋ bɨ, dayɨn̰ge cayge pɨna bɨ, gɨyge kardi ka-gɨre-gɨye ga woyge ƴaa dangay dɨŋ le, ɗe kan na ɨrgan̰ danage.

Gɨye-lɔɔ 9:14

Haw kɛ na, na ka-cay ka-bɔgɛ kɨbar nɔm ba biige te tumɔ ɗe gɨ ban na ƴɨman̰ kalaŋ nɔm ga ba teege gusondɨn̰.»

Galad 1:13

Kɨya wa kɨŋ je kol gɨye-lɔɔnɨ gɨ jɨne, kɨɗɨn̰ ga ɨŋ ba leen̰ gɨye bɨn̰ Kumu dan̰ gɨyəŋ gɨ da kalaŋ ga ni Jubɨ le. Ɨŋ gɨlɨn̰ Ka-Daye ga da Kumu kayi cɨn̰-gɨle-cɨn̰ dan̰ man̰e tɔgɨ bɨ, ɨŋ leege hɨnga ga ɨsɨni tɔgɨ bɨ.

Pilib 3:6

Gɨ ojɨ cay gusi-hɨmbalwa na, ɨŋ lun̰doŋ kardi gasɨn̰-kɔl osu bɨrɨŋ gɨ ɨŋ gɨlɨn̰ Ka-Daye cɨn̰-gɨle-cɨn̰ gɨɗaŋ. Ungo wo̰ kɨya ɓale dɨbe kɔl canɨ gɨ ɨŋ na hangɨɗɨ cay gasɨn̰-kɔl naŋ, kɨya wa ɨŋ bee kɔl cay nee ɗəndəŋ.

1 Timote 4:14

Hɨnga ga Kumu bɨn̰ kalɨn̰ dan̰ gɨyəŋ gɨ da kɔl gɨ kan ɗege kɨbɨ ka-yɔɔ-kɔl-gɨ-Kumu-ba-yɔɔ gɨ kan yege kol can̰ bɨ, dan̰ gɨyəŋ gɨ da dayaŋ gɨ da kan ga muɗoldoŋ ga ɗege kobɨge can̰ bɨ le, ji ɗɔɔ ba aye ɨrɨmedɨn̰ cay nee coŋ naŋ.