Gɨye-lɔɔ 22:3 - Gabri Maja

³ «Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Gɨye-lɔɔ 22:3 ပူးပေါင်းရင်းမြစ်များ

Kɔl-gɨ-Ɗari gɨ Lug wal 10:39

Mart orɨn̰ dan̰ tumdo di pɨna wo̰ di dḛ, kan tooge na Mari. Hɨndi som dugo a tɨbay Ba-gulɔŋ kɨya tɔgɨyɛ hɨnga gɨle koyi.

Kɔl-gɨ-Ɗari gɨ Lug wal 2:46

Wɔlɛ sɨbɨdi gɨŋ na, kan wayige na a duroy gulɔŋ ƴaa-di-da-Kumu dɨŋ, Jesu som a duroy ka-gɨlɨn̰ kalaŋ gasɨn̰-kɔl gɨ da Moyis, je kɔl koge bɨ, ɨngɨrge kɔl cay nee bɨ.

Kɔl-gɨ-Ɗari gɨ Lug wal 8:35

Kalaŋ andaŋge kɨya sɔlɛ-hɨnga ga ba pɨde le. Kan ɨrgage bugoŋge gusi Jesu bɨ, wayge ungo gɨ turnɔ ga ɨsɨndəŋ ba andaŋ gusi le som dugo tumoyi. Ban dobɨ badɨge bɨ cɨndi ɨre ɗɛrɛrɛ nee bɨ, ɨni na hundɔrɔ leege.

Gɨye-lɔɔ 11:25

Kardi nee ɨni na, Barnabas say or a Tars kɨya male Sol.

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 15:41

Pol gɔdɨrde cay gɨsəŋ ga Siri gaŋ bɨ, ga Sɨlisi gaŋ bɨ. Dobɨn̰ bandɨ kuduroy Ka-Daye gaŋ ɗe gɨ kan na ɨrɨn̰ge usa a cay aye kudurɔ koge gɨŋ bɨ.

Gɨye-lɔɔ 21:20

Kɨɗɨn̰ ga kan jege kɔl koyi coŋ ɨni na, kan hɨramge Kumu bɨ, jɨgage yen̰ge Pol hɨn̰: «Kurɨndɨni, ji sɨla, a kɛ kalaŋ ga ni Jubɨ dubu kondɨ ayge kuduroyge bɨ, kan nɔm kobɨge na gasɨn̰-kɔl gɨ da Moyis dan̰ ɗugoyge ga pɨna bɨ.

Gɨye-lɔɔ 21:39

Pol jɨga dɨbii cay nee yeyi hɨn̰: «Ɨŋ na Jubɨ gɨ wɔɔŋge a Tars, a cay gɨsəŋ ga Sɨlisi gaŋ. Ɨŋ na kɨye gɨ ba cay ƴaa-di-gumu di gusɔndɔ ye tɔgɨ. Ɨŋ olɨn̰, ɗaŋ aŋ yen̰ kalaŋ kɔl.»

Gɨye-lɔɔ 23:34

Ban ƴee magtubu le ɗongɨsɨ bɨ, ban ɨngɨr Pol ye hɨn̰: «Kɛ ji na ungo gɨ a cay gɨsəŋ ga ani gaŋ ga?» Ban dɨbii cay nee hɨn̰: «Ɨŋ na ungo gɨ wɔɔŋge na cay gɨsəŋ ga Sɨlisi gaŋ.»

Gɨye-lɔɔ 23:6

Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

Gɨye-lɔɔ 26:5

Kan sɔlɔŋge na jɨne wo̰, hɨn̰ gɨ kan na gey na, kan ɓal gɨ ni lɔɔ tɨmon̰ kol canɨ. Gɨ ɨŋ na gor dan̰ gɨyəŋ gɨ da gɨle hɨnga ga da Parɨsɨn̰an̰əŋ bɨ, kalaŋ ga ni Jubɨ ga lun̰doŋge kardi gɨle hɨnga ga da kalaŋ ga ni Jubɨ tɔgɨ ɗɨn̰ Parɨsɨn̰an̰əŋ le unɔ.

Gɨye-lɔɔ 26:9

Hɨnge ɨŋ-bandi na, tumɔ ɨŋ ɨrɨm kuduronɨ ye hɨn̰, kuɗa gɨ ɨŋ na laa hɨnga nɔm ga togɨnɨ ɓal gɨ ni lɔɔ le, ɗe aŋ na mondɨn̰ dan̰ guson̰ Jesu gɨ Najarɛt le coŋ.

Gɨye-lɔɔ 5:34

Ama ungo gɨ pɨna wo̰ say daa duroy ka-bɔyɛ kɔl cay Jubɨn̰əŋ. Ungo gɨ nee le na Parɨsɨn̰a, gusondi na Gamalɨyɛl. Ban na ba-gɨlɨn̰ kalaŋ gasɨn̰-kɔl gɨ karɨn̰ Ɨsɨrayɛl nɔm yege koldi kuɗa. Ban say daa ɨngɨr gɨ kan na andan̰ dan̰ ka-gɨre-gɨye doŋ dḛ dɨm.

Gɨye-lɔɔ 6:9

Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.

Gɨye-lɔɔ 9:1

Boy wɔlɛdi gɨ nee le, ɨrɨme kol gɨ da dɔrɛ turnoy ka-aye-cay-tɨbay Ba-gulɔŋ bɨ, dɨɗedɨge bɨ, duroŋ kuduroy Sol naŋ.

Gɨye-lɔɔ 9:11

Ba-gulɔŋ jɨga yey hɨn̰: «Sa ɨra a te gɨyəŋ gɨ kan teege naa gɨyəŋ gɨ dan̰ durɔ ɗɨngar bɨ, andaŋ a boy duroy gulɔŋ gɨ da Judasɨ gɨŋ bɨ, ɨngɨr kol ungo gɨ pɨna wo̰ gɨ kan teeyige na Sol gɨ Tars. Kɨya wa haw kɛ ban som ol Kumu a kɨɗɨn̰ ga nee gaŋ.

Gɨye-lɔɔ 9:30

Kɨɗɨn̰ ga karmii jege koldi ɨni na, kan orɨn̰ge danayi a Sejare bɨ, gɨyɨn̰ge danayi a Tars bɨ.

Magtubu di Pol wal bɨn̰ kalaŋ ga Rɔm 11:1

Aŋ ɨngɨrgəŋ ɗaŋ coŋ sol: Kɛ, Kumu ɗe te kalaŋ kayi ga na te wɨn̰je gɨ da Ɨsɨrayɛl le coŋ yɔd ga? Cə, na hɨn̰ wo̰ naŋ bɨrɨŋ! Ɨŋ-bandi dan̰ gusɨnɨ kalɨn̰ ma ban pɔɗɔŋ bɨ, ɨŋ na a te wɨn̰je gɨ da Ɨsɨrayɛl gɨŋ bɨ, a te mon̰ gɨ da Abɨraham gɨŋ bɨ, a te wɔɔ gɨ da Bɛ̰jamɛ̰ gɨŋ bɨ.

2 Korɛ̰t 11:22

Kan na Əbɨro ga? Ɨŋ na Əbɨro bɨ. Kan na karɨn̰ Ɨsɨrayɛl ga? Ɨŋ na kɨye Ɨsɨrayɛl bɨ. Kan na a te wɨn̰je gɨ da Abɨraham ga? Ɨŋ na a te wɨn̰je gɨ da Abɨraham bɨ.

Galad 1:14

Karmɨnɨ Jubɨ ga ɨlge di ni ɓalɨn̰ le, ɨŋ lee gɨye bɨn̰ Kumu dan̰ gɨyəŋ gɨ da kalaŋ ga ni Jubɨ ɗige. Kɨya wa gusɨnɨ-hɨmbalaŋ tɔgɨ a cay hɨnga ga ni te mon̰ ga da mon̰inagɨŋ ɗɨn̰ ga pɨna kondɨ.

Galad 1:21

Kardi nee na, ɨŋ say or a cay gɨsəŋ ga Siri gaŋ dan̰ ga Sɨlisi gaŋ bɨ.