Gɨye-lɔɔ 22:18 - Gabri Maja

¹⁸ Bɨ ɨŋ sol Ba-gulɔŋ boy hɨnga ga buyoŋ cɨnɨ gaŋ le bɨ, ban yəŋ hɨn̰: “Saa haw. Andaŋ haw ɗaa cay ƴaa-di-gumu di Jerusalɛm coŋ. Kɨya wa kalaŋ ga a kɛ le, kɨya ƴɔɔge tɨmon̰ ton̰ di ji ba kɨya lɔɔ le naŋ.”

Gɨye-lɔɔ 22:18 ပူးပေါင်းရင်းမြစ်များ

Matɨyo 10:14

Hɨn̰ gɨ kalaŋ na ƴɨmagɨŋge gusɨge naŋ bɨ, jage kɔl kogɨŋ naŋ bɨ na, andaŋgɨŋ duroy ƴaa di nee le, wala duroy cay ƴaa-di-gumu di nee dɨŋ le coŋ. Bɨ ɗagɨdagɨŋ bundu di cay tɨbaygɨŋ dɨŋ ɗɨga ɗɨga dɨran̰gɨŋ naji togɨŋ bɨgage cayge.

Matɨyo 10:23

Kɨɗɨn̰ ga kan na gɨlgɨŋ-cɨn̰ a cay ƴaa-di-gumu di pɨna dɨŋ na, gɨrgɨŋ ɨragɨŋ a cay ƴaadi ɗaŋ dɨŋ. Aŋ yəgɨŋ daa waŋ na cɨndi: Kɨŋ kɨya gɔrɛ a cay ƴaan̰əŋ ga gɨmdəŋ ga Ɨsɨrayɛl gon̰ cayge nɔm togɨn̰-bɛrnɛ naŋ ƴee bɨ ga ma, Kurɨn̰-ungo kɨya caga.

Kɔl-gɨ-Ɗari gɨ Lug wal 21:21

Ɨni na, ɗa gɨ kalaŋ ga a cay gɨsəŋ ga Jude le, gɨrge ɨra a cay garman̰əŋ gaŋ bɨ, ɗa gɨ kan ga somge a Jerusalɛm le, andaŋge doŋ bɨ, ɗɔɔ gɨ kan ga baa boy yagegɨŋ jɔgɛge a boy cay ƴaa-di-gumu dɨŋ naŋ bɨ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Gɨye-lɔɔ 9:29

Ban ar kɔl dan̰ Jubɨ ga ka-yɔɔ kɨbɨ Gɨrɛg bɨ, man̰ kɔl danage bɨ. Ɨni na, kan ga nee le malge gɨyəŋ gɨ ni dɨɗii.

1 Korɛ̰t 9:1

Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?