Gɨye-lɔɔ 22:14 - Gabri Maja

¹⁴ Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Gɨye-lɔɔ 22:14 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Gɨye-lɔɔ 13:17

Kumu gɨ da te wɨn̰je gɨ da Ɨsɨrayɛl ba-dɔrɛ mon̰inagɨŋ. Ban ba ɗoge gɨ kan na wɔɔ tɔgɨ kɨɗɨn̰ ga kan somɨn̰ge a cay gɨsəŋ ga Ejɨpt gaŋ le. Kardi nee ɨni na, ban dorge a cay gɨsəŋ ga Ejɨpt gaŋ coŋ, dan̰ gɨyəŋ gɨ da dɔnɔ di da kobi.

Gɨye-lɔɔ 22:15

Kɨya wa ojɨ gɨ ji kɨya bɨləŋ tɨmon̰ toyi tumoy kalaŋ nɔm bɨ, yoge kol hɨnga nɔm ga ji ba je bɨ, sol bɨ.

Gɨye-lɔɔ 22:18

Bɨ ɨŋ sol Ba-gulɔŋ boy hɨnga ga buyoŋ cɨnɨ gaŋ le bɨ, ban yəŋ hɨn̰: “Saa haw. Andaŋ haw ɗaa cay ƴaa-di-gumu di Jerusalɛm coŋ. Kɨya wa kalaŋ ga a kɛ le, kɨya ƴɔɔge tɨmon̰ ton̰ di ji ba kɨya lɔɔ le naŋ.”

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 26:16

Haw kɛ na, sa ɨr dan̰ tɨban̰ daa bɨ ɨŋ kɨya yon̰ na kɨya wa ma maŋ gɨl gusɨnɨ bɨn̰ le. Ɨŋ dorɨn̰ ɗe gɨ ji na bɨl ba-gɨye hɨnge bɨ, tɨmon̰ hɨnge bɨ. Ji kɨya yon̰ kalaŋ kol hɨnga ga ɨŋ ba haŋgɨ cayge bɨn̰ haw kɛ bɨ, kol hɨnga nɔm ga ɨŋ kɨya haŋge cayge bɨn̰ kardi nee bɨ.

Gɨye-lɔɔ 5:30

Kumu gɨ da mon̰inagɨŋ le boy Jesu gɨ kɨŋ ba gagɨli cay sɨya-gɨ-dagɨli gɨŋ dɨɗii le lɨbii.

Gɨye-lɔɔ 7:52

Na ka-yɔɔ-kɔl-gɨ-Kumu-ba-yɔɔ ga ani ma mon̰igɨŋ dɨle gɨlge cɨn̰ ga? Kan dɨɗɨge ka-yɔɔ-kɔl-gɨ-Kumu-ba-yɔɔ ga teege bɛrnɛ caga gɨ da marɨna ba-gɨye koyi Kɨris, gɨ gɨye-lɔɔdi or dan̰ durɔ ɗɨngar bɨge. Bɨ kɨɗɨn̰ ga ban caga ɨni na, kɨŋ ay cayi bɨ, dɨɗii coŋ bɨ.

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Gɨye-lɔɔ 9:17

Ananɨyas andaŋ or ƴen̰ or dɨbe kobi cayi bɨ yey hɨn̰: «Kurnɨ Sol, Ba-gulɔŋ Jesu gɨ andaŋ can̰ a te gɨyəŋ gɨŋ gɨ ji ba ɨrgan̰ le, ban ba gɨyigəŋ ɗe gɨ cɨndɨn̰ na jɨga sɨla kɨɗɨn̰ bɨ, ɗe Turnɔ ɗe-kuduroy-bɛrɛ na ƴa kuduron̰ pɨl pɨl bɨ.»

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

1 Korɛ̰t 11:23

Hɨnga ga Ba-gulɔŋ ba gɨləŋ ɨŋ-bandi ma maŋ ba gɨlgɨŋ jɨn̰ tumɔ le ba kɛ: A duroy son̰do di kan ba kɨya dobɨn̰ Ba-gulɔŋ Jesu kobɨ kalaŋ le, ban say ay dan̰ mapa,

1 Korɛ̰t 15:3

Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

1 Korɛ̰t 15:8

Kardi nee gɛs na, ɨŋ-bandi gɨ ɨŋ woy hɨn̰ kɨye gɨ wɔlɛdi ɓala naŋ ma wooyge wo̰ le, ban andaŋ dus gusɨnɨ kardɨge kan nɔm bɨ.

1 Korɛ̰t 9:1

Kɛ ɨŋ na ungo gɨ ɨŋ sɨma dan̰ canɨ naŋ ga? Kɛ ɨŋ na ba-gɨre-gɨye naŋ ga? Kɛ Jesu gɨ na Ba-gulondɨna le ɨŋ sɨlayi dan̰ cɨnɨ naŋ ga? Gɨye hɨnge gɨ ɨŋ ba lee bɨn̰ dan̰ Ba-gulɔŋ le kɛ na kɨŋ-gandi naŋ ga?

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Galad 1:12

Kɨya wa ɨŋ ƴa na kobɨ ungo naŋ bɨ, ungo ba gɨləŋ naŋ bɨ. Ama na Kumu ba wasɨn̰e cay Jesu-Kɨris bəŋ.

Galad 1:15

Ama Kumu dan̰ ɗarwa toyi, ban dɔrɔŋ kɨɗɨn̰ ga ɨŋ ban̰ kuduroy ƴonɨ gaŋ ƴee bɨ, təŋ gɨ ɨŋ na laa gɨye bii.

2 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris gɨ dan̰ gɨyəŋ da kuduroy geye gɨ da Kumu. Beege gɨye gɨ ni tɔgɛ bɛrnɛ gɨ ojɨ cay sɔmɛ-bɨra gɨ dan̰ cɨndi gɨ Kumu ye gɨ ɗi na kɨya bɨni le kɔbɔŋ. Ni way sɔmɛ-bɨra gɨ cɨndi gɨ nee le, na kɨya cay bugoŋ pɨna dan̰ Jesu-Kɨris.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

1 Pɨyɛr 2:22

Ban laa hɨnga ga ɨsɨni pɨna naŋ bɨ, ungo ja kɔl gɨ ni nare cɨn̰-kɨɗɨn̰ kɨbi naŋ bɨ.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.