Gɨye-lɔɔ 22:1 - Gabri Maja

¹ Ban yege hɨn̰: «Karmɨnɨ bɨ, ban̰anɨ bɨ, Jagɨŋ kɔl gɨ ɨŋ ba kɨya yogɨŋ haw kɛ dorɨn̰ kɔl canɨ coŋ.»

Gɨye-lɔɔ 22:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:11

«Kɨɗɨn̰ ga kan kɨya ƴomgɨŋge orɨn̰ danagɨŋ duroy ƴaa-daye-di-da-Jubɨn̰əŋ wala, tumoy kɛrɨmbɛlɛŋ wala, tumoy ka-dɔɔ cay ƴaa na, ɗɔɔgɨŋ ɗugoygɨŋ algɨŋ cay kɔl gɨ kɨŋ kɨya dɔrɛ gɨ ni ƴon̰ caygɨŋ naŋ bɨ, a cay kɔl gɨ kɨŋ kɨya dɨbɨge cay nee naŋ bɨ,

Kɔl-gɨ-Ɗari gɨ Lug wal 21:14

Sɨlagɨŋ kuɗa, kɔl gɨ kɨŋ kɨya dɨbɨge cay nee gɨ ni dorɨn̰ kɔl caygɨŋ le, ɨrɨme gɨŋ koldi kuduroygɨŋ tumɔ naŋ.

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Gɨye-lɔɔ 19:33

Kalaŋ ga pɨna wo̰ duroy dɨmdɨrdi kalaŋ le, dorge te kɔl le bɨn̰ge ungo gɨ pɨna wo̰ gɨ gusondi na Alegjandɨr gɨ kalaŋ ga ni Jubɨ nongige ɗeyge tumɔ. Ban say lee kobi: Gɨ ɗi na gey yɔɔ kɔl bɨn̰ kalaŋ, gɨ kalaŋ ga ni Jubɨ naa ka te kɔl naŋ.

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 23:6

Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

Gɨye-lɔɔ 24:10

Kɨɗɨn̰ ga ba-kɨbɨ kɨlma gɨ gumu dobɨ kobi a cay Pol gɨ ban na ya kɔl gaa ma, Pol yey hɨn̰: «Ɨŋ sol gɨ ji na ba-bɔyɛ kɔl a cay te wɔɔ gɨ da kalaŋ ga ba kɛ le, ɨlge kondɨ labɨde. Lee gɨ ɨŋ ɨre tumon̰ na dan̰ kuduronɨ ga pɨna kɨya dorɨn̰ kɔl ɗe gɨ aŋ na dorɨn̰ kɔl canɨ coŋ.

Gɨye-lɔɔ 25:16

Ama ɨŋ dɨbɨge cay nee yege gɨ dan̰ te hada da kalaŋ ga Rɔm na, ba-bɔyɛ kɔl kɨya ɗɔɔ kalaŋ ga orɨn̰ dan̰ kɔl dan̰ gusɨge le yɔɔ kɔl koge dorɨn̰ kɔl cayge pa dɨm ma, kan kɨya dobii kobɨ ka-se kɔl cayi le ƴee.

Gɨye-lɔɔ 25:8

Pol dor kɔl cayi coŋ yen̰ hɨn̰: «Ɨŋ laa hɨnga ga dan̰ gɨyəŋdɨge naŋ pɨna wo̰ hangɨɗan̰ cay Gasɨn̰-kɔl ga da kalaŋ ga ni Jubɨ wo̰ naŋ bɨ, laan̰ hɨnga ga ɨsɨni dan̰ ƴaa-di-da-Kumu naŋ bɨ, dan̰ kɨlma gɨ gumu gɨ ni Sejar naŋ bɨ.»

Gɨye-lɔɔ 26:24

Pol dor kɔl dorɨn̰ kɔl cay kɨɗɨn̰ ga nee gaŋ le, ɨni na Pɛstus yey dan̰ tumoyi di daa ye hɨn̰: «Pol, ji sɨwagɨ! Tɨrabe kon̰ gɨ kondi le dɨbɨ sɨwagɨ can̰!»

Gɨye-lɔɔ 28:17

Lee wɔlɛ sɨbɨ ɨni na, Pol tee kalaŋ ga ni Jubɨ ga gɨmdəŋ gɨmdəŋ ga a cay ƴaa-di-gumu di Rɔm dɨŋ a tayi. Kɨɗɨn̰ ga kan dayge cayge ɨni na, ban yege hɨn̰: «Karmɨnɨ, ɨŋ laa hɨnga ga ɨsɨni pɨna jɨbɨn̰ te wɔɔ gɨ da kalaŋ kana coŋ naŋ bɨ, jɨbɨn̰ hɨnga ga ni hada ga da mon̰inagɨŋ coŋ naŋ bɨ. Ama kan ƴɔmɔŋge a Jerusalɛm dɔbɔŋge a kobi kalaŋ ga ni Rɔmɛn̰əŋ.

Gɨye-lɔɔ 7:2

Ɨni na, Etɛn dɨbɨge cay nee yege hɨn̰: «Karmɨnɨ bɨ, ban̰anɨ bɨ, jagɨŋ. Kɨɗɨn̰ ga mon̰iigɨŋ Abɨraham ba ban̰ a cay gɨsəŋ ga Mesopotami gaŋ ƴee, pa dɨm ma kɨya sɔ orɨn̰ somɨn̰ Haran le, Kumu gɨ ba gusoŋ-tɔgɛ andaŋ cayi yey hɨn̰:

Magtubu di Pol wal bɨn̰ kalaŋ ga Rɔm 2:15

Na hɨn̰ wo̰ ma kan gɨl gɨ gɨye-lɔɔ gɨ gasɨn̰-kɔl ba gey gɨ kan na laa le, na hɨnga ga kan walge na a kuduroyge ɨni bɨ, ɨrɨmedɨge na lee tɨmon̰di cay nee bɨge bɨ. Kɨya wa ɨrɨmedɨge gɨlge hɨnga ga ɗari bɨ, ga ɨsɨn bɨ.

1 Korɛ̰t 9:3

Kɔl gɨ ɨŋ kɨya jogɨn̰ bɨn̰ ka-dɨbe kɔl canɨ ƴon̰ canɨ ba kɛ:

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 7:11

Kumu ay ɨle kogɨŋ leen̰ gɨye, haw kɛ na sɨlagɨŋ hɨnga ga ɨle kogɨŋ ba lee! Kɨŋ ɨre cɨn̰ kandi lɔɔ gaŋ dan̰ kuduroygɨŋ ga pɨna. Kɨŋ say haw wo̰ dor kɔl dorɨn̰ kɔl caygɨŋ bɨ, kuduroygɨŋ mundoŋ kol ɨsɨna bɨ. Kɨŋ hɨndar hɨnga ga ɨsɨna kɨya ɨrgan̰ bɨ, tabɨlaŋnɨ say ləgɨŋ tɔgɨ bɨ. Kuduroygɨŋ say lee gɨ kɨŋ ɗal ba-lɔɔ ɨsɨna le. Ɨni na, kɨŋ gɨl dan̰ te gɨyəŋ nɔm gɨ kɨŋ na unɔ a boy kɔl gɨ nee gɨŋ le.

Pilib 1:17

Ama ga ɗaŋ ga ka-lɔɔ jangɨ le, tɨgage bɛrnɛ di da Kɨris na dan̰ ɨrɨme gɨ duroŋ mɨra naŋ. Kan geyge ɗɔɔ gusɨge tumɔ. A boy ɨrɨmedɨge gɨŋ na, tɔgɛ bɛrnɛ toge di kan ba te le na kɨya lɔɔ gɨ, ɨŋ na kɨya won̰ kuduroy-hɔmɛ a dangay dɨŋ ɗɨn̰ gɨ tumɔ coŋ ƴee.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

2 Timote 4:16

Wɔlɛ bɔyɛ kɔl hɨnge gɨŋ gɨ cay wase gɨ ɨŋ dorɨn̰ kɔl ƴen̰ canɨ le, ungo pɨna wo̰ ɨra karɨnɨ naŋ, ama kan nɔm ɗəŋge coŋ. Kuɗa gɨ Kumu ɗɔɔ kɔl gɨ nee le ƴɔmɛ cayge naŋ.

1 Pɨyɛr 3:15

Ama Kɨris gɨ na Ba-gulɔŋ le, dɨrayigɨŋ sigɨŋ dan̰ cɨndi a ɗugoygɨŋ. Sɨmagɨŋ a cay tɨbaygɨŋ dɨŋ dan̰ wɔlɛ pɨna pɨna, ɗe agɨŋ dorɨn̰ te hɨnga ga kɨŋ ba bee ɨrɨmedɨgɨŋ cay nee le, tumoy kalaŋ ga ka-ɨngɨrgɨŋ toyge le.