Gɨye-lɔɔ 21:40 - Gabri Maja

⁴⁰ Ba-sɔmɛ cay asɨgarn̰əŋ le ɗe Pol dor kɔl. Ɨni na, Pol ɨre a cay kɨɗɨn̰ ga ni non̰ jɨn̰ daa duroy ƴaa gɨŋ le bɨ, ban lee kobi, ɨni na, kalaŋ nɔm ɨrege sɨndɨŋ. Bɨ Pol say yege kɔl dan̰ kɨbɨ əbɨro.

Gɨye-lɔɔ 21:40 ပူးပေါင်းရင်းမြစ်များ

Kɔl-gɨ-Ɗari gɨ Lug wal 23:38

Kan walge kɔl a boy sɨya gɨ habɨli gɨŋ dege cay sɨya-gɨ-dagɨli gɨŋ daa yege hɨn̰: «Na kɨlma gɨ da Jubɨn̰əŋ.»

Kɔl-gɨ-Ɗari gɨ Ja̰ wal 19:13

Kɨɗɨn̰ ga Piladɨ je kɔl gɨ nee le ɨni na, ban andɨn̰ dan̰ Jesu doŋ. Bɨ Piladɨ or sɔmɛ a cay kali di ni bon̰ kɔl dɨŋ, a cay kɨɗɨn̰ ga say daa lam gaŋ ga leege dan̰ garma, na kɨɗɨn̰ ga hogi daa, ga nee le ma kan teegege dan̰ kɨbɨ əbɨro naa Gabada le.

Kɔl-gɨ-Ɗari gɨ Ja̰ wal 19:17

Jesu gusi ba-aye sɨya koyi gɨ dagɨli, den̰ kɨɗɨn̰ andɨn̰ a cay ƴaa-di-gumu di Jerusalɛm dɨŋ doŋ bɨ, orɨn̰ andɨn̰ kɨɗɨn̰ ga teegege Isi-ca, gɨ kan teege dan̰ kɨbɨ əbɨro naa Golgota le.

Kɔl-gɨ-Ɗari gɨ Ja̰ wal 19:20

Jubɨn̰əŋ kondɨ ɗoŋsɨge kɔl le, kɨya wa kɨɗɨn̰ ga kan gagɨlɨn̰ge Jesu cay sɨya-gɨ-dagɨli gɨŋ nee le, woy mɨnde dan̰ cay ƴaa-di-gumu. Walge kɔl le na dan̰ kɨbɨ əbɨro bɨ, kɨbɨ latḛ bɨ, kɨbɨ Gɨrɛg bɨ.

Kɔl-gɨ-Ɗari gɨ Ja̰ wal 5:2

A cay ƴaa-di-gumu di Jerusalɛm dɨŋ le, umboŋ gɨ kan gaɗɨge been̰ge kaŋ nee ga ni pɨlɨn̰, gɨ pɨna wo̰ woy mɨnde dan̰ kɨbɨ ƴaa gɨ da gamge. Dabaŋ won̰ bay woy kɨbɨ nee. Kan teege umboŋ gɨ kan gaɗɨge been̰ kaŋ le, dan̰ kɨbɨ əbɨro na Betjada.

Gɨye-lɔɔ 1:19

Kalaŋ nɔm ga somge a cay ƴaa-di-gumu di Jerusalɛm dɨŋ le, jege koldi lee gɨ ɗege guson̰ kɨɗɨn̰ ga nee le, naa “Hagɛldama” duroy na “yagedi kɨbar”.

Gɨye-lɔɔ 12:17

Ban leege kobi gɨ kan na sɨgɨyage dugo. Bɨ ban dorge te gɨyəŋ gɨ Ba-gulɔŋ ba lee dorii dangay dɨŋ le bɨge. Bɨ ban yege ɗaŋ coŋ hɨn̰: «Ɨragɨŋ yan̰ Jag dan̰ karmɨna ga ɗaŋ koldi.» Kardi nee ban andaŋ or kɨɗɨn̰ ga ɗaŋ gaŋ.

Gɨye-lɔɔ 13:16

Ɨni na, Pol say daa leege kobi gɨ kan na sɨma kɨɗɨn̰ pɨna bɨ yege hɨn̰: «Kɨŋ kalaŋ ga Ɨsɨrayɛl, kɨŋ ka-bɔgɛ kɔl cay Kumu, jagɨŋ kɔl hɨnge.

Gɨye-lɔɔ 19:33

Kalaŋ ga pɨna wo̰ duroy dɨmdɨrdi kalaŋ le, dorge te kɔl le bɨn̰ge ungo gɨ pɨna wo̰ gɨ gusondi na Alegjandɨr gɨ kalaŋ ga ni Jubɨ nongige ɗeyge tumɔ. Ban say lee kobi: Gɨ ɗi na gey yɔɔ kɔl bɨn̰ kalaŋ, gɨ kalaŋ ga ni Jubɨ naa ka te kɔl naŋ.

Gɨye-lɔɔ 21:35

Kɨɗɨn̰ ga Pol ay te nɔɔ jɨn̰ daa cay hɨnga ga ni non̰ daa na, asɨgarn̰əŋ say ayige daa kɨya gɨ dɨmdɨrdi kalaŋ orɨn̰ge danayi tɔgɨ.

Gɨye-lɔɔ 22:2

Kɨɗɨn̰ ga kan jege gɨ ban yege kɔl dan̰ kɨbɨ əbɨro na, kan jɨga somge sɨndɨŋ ɗɨn̰ gɨ tumɔ coŋ. Ɨni na, Pol yege hɨn̰:

Gɨye-lɔɔ 26:14

Ni-gandi nɔm, ni turoŋ laydaŋ dugo. Ɨni na, ɨŋ je noy ungo gɨ pɨna wo̰ yəŋ kɔl dan̰ kɨbɨ əbɨro ye hɨn̰: “Sol, Sol, na kɨya wa ma man̰ gɨləŋ cɨn̰ wo̰ ga? Ɨre gɨ ji ba ɨrəŋ ɨŋ-bandi Kumu osu kɛ le, gusɨn̰ kon̰ ba kɨya leen̰ kalɨn̰ wo̰ dugo.”

Gɨye-lɔɔ 6:1

Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Wasɨn̰a 16:16

Turnɔn̰əŋ ga ɨsɨndəŋ le dayge cay kɛrɨmbɛlɛŋ ga nee le kɨɗɨn̰ pɨna. Kɨɗɨn̰ ga nee le gusondɨge dan̰ kɨbɨ əbɨro na Armagedo̰.

Wasɨn̰a 9:11

Kɨlma gɨ da kuun̰əŋ le, na ba-ƴɔbɛ gɨ som a duroy umboŋ gɨ ɗɨgi mɨrɨg gɨ kagadi unɔ gɨŋ. Kɨlma koge le, gusondi gɨ dan̰ kɨbɨ əbɨro na «Abado̰» bɨ, dan̰ kɨbɨ Gɨrɛg na «Apolɨyo̰» bɨ.