Gɨye-lɔɔ 21:27 - Gabri Maja

²⁷ Kɨɗɨn̰ ga baa mɨnde gɨ wɔlɛ gɨ jurgum gɨ ojɨ gɨ ni dorɨn̰ gusɨ mɨra ɓal dɛj ɨni na, kalaŋ ga ni Jubɨ ga saygage a cay gɨsəŋ ga Aji gaŋ solge Pol duroy ƴaa-di-da-Kumu dɨŋ na, kan gosɨrge dɨmdɨrdi kalaŋ bɨ, ƴomge Pol.

Gɨye-lɔɔ 21:27 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:12

«Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 14:2

Ama Jubɨn̰əŋ ga ba ayage kuduroyge naŋ le, gosɨrge kalaŋ ga toyge na Jubɨ naŋ, lee gɨ kan ɨrɨmge gɨ ni lɔɔ hɨnga ga ɨsɨni dan̰ karmɨni ka-aye kudurɔ.

Gɨye-lɔɔ 14:5

Jubɨ bɨ, kalaŋ ga toyge na Jubɨ naŋ bɨ, bugoŋge pɨna dan̰ ka-dɔɔ cayge age na leen̰ Pol dan̰ Barnabas ɨsɨna bɨ, worɨn̰dɨge dan̰ oru dɨɗɨge coŋ bɨ.

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 17:13

Ama kɨɗɨn̰ ga Jubɨ ga Tesalonigɨ jege gɨ Pol na tee bɛrnɛ kɔl gɨ da Kumu a cay ƴaa-di-gumu di Bere dɨŋ na, kan ɨrgage gosɨrge kalaŋ bɨ, dɨbɨge do̰ ɗe kuduroy kalaŋ na homge cay Pol bɨ.

Gɨye-lɔɔ 18:12

Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ,

Gɨye-lɔɔ 2:9

Kan na kalaŋ ga Partɨ bɨ, Mɛdɨ bɨ, Elam bɨ, kalaŋ ga saygage cay ƴaa di Mesopotami bɨ, Jude bɨ, Kapadosɨ bɨ, Po̰ bɨ, Aji bɨ,

Gɨye-lɔɔ 20:19

Ɨŋ lee gɨye gɨ da Ba-gulɔŋ dɨle dogɨn̰ jorgɨnɨ bɨ, dan̰ ɨle bɨ, duroy cɨn̰-n̰age dɨŋ bɨ, kɨya wa Jubɨ ga pɨna boyge kolnɨ gɨ ni looŋ ɨsɨna.

Gɨye-lɔɔ 24:11

Ɨŋ or n̰ɨre Kumu a Jerusalɛm bɨ, kɨɗɨn̰ ga ɨŋ bugoŋ le, ɨŋ laa wɔlɛ ɗɨn̰ wɔlɛ mɔjɨ-cay-sɔɔ naŋ ƴee. Gɨ nee le, ji na ɨngɨr naa waŋ waŋ kalɨn̰ ma kɨya yon̰.

Gɨye-lɔɔ 24:18

Na hɨnga ga nee le ma maŋ lee, kɨɗɨn̰ ga kalaŋ ga ni Jubɨ ga pɨna wo̰ ga saygage jɨn̰ cay gɨsəŋ ga Aji gaŋ, wayaŋge a duroy ƴaa-di-da-Kumu dɨŋ. Kɨɗɨn̰ ga kan wayaŋge na, na nee dɨm ma maŋ dɨɗɨ kɨbɨ dorɨn̰ gusɨnɨ mɨra ƴee. Ɨŋ gusɨra kalaŋ naŋ bɨ, ɨŋ laa kɔl naŋ bɨ. Na kalaŋ ga nee le ma ojɨ gɨ kan ni ba kɨya se kɔl canɨ tumon̰ labɨde, hɨn̰ gɨ kan ni na ɨran̰ dan̰ kɔl danaŋ leen̰ cɨndi.

Gɨye-lɔɔ 26:21

Na kɨya cay kɔl gɨ nee le ma, Jubɨn̰əŋ ƴɔmɔŋge duroy ƴaa-di-da-Kumu dɨŋ bɨ, geyge dɨɗəŋ bɨ.

Gɨye-lɔɔ 4:3

Kan ƴomgege bɨ, beegege dangay dɨŋ bɨrɨŋ kɨɗɨn̰ wolge daa, kɨya wa tɨwa ɗobɨ ɨni.

Gɨye-lɔɔ 5:18

Kan donge ka-gɨre-gɨye beegege dangay dɨŋ di woy ojɨ cay kalaŋ nɔm.

Gɨye-lɔɔ 6:12

Kan gosɨrge karɨn̰ Ɨsɨrayɛl bɨ, kan ga muɗoldoŋ bɨ, kan ka-gɨlɨn̰ kalaŋ gasɨn̰-kɔl gɨ da Moyis bɨ, cay Etɛn. Bɨ kardi nee ɨni na, kan andaŋge cayi dus bɨ, ƴomiige orɨn̰ge danayi tumoy ka-bɔyɛ kɔl ga da kalaŋ ga ni Jubɨ.

Gɨye-lɔɔ 6:9

Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.

2 Korɛ̰t 11:26

Ɨŋ or tɨrga tɨba kondɨ, lee gɨ ɨŋ way hɨnga ga ɓal tɨma a cay kuray gɨŋ bɨ, kobɨ ka-dɨɗe kalaŋ bɨ, kobɨ karmɨnɨ ga ni te wɔɔ hɨnge gaŋ bɨ, kobɨ te kalaŋ ga toyge na Jubɨ naŋ bɨ. Ɨŋ way hɨnga ga ɓal tɨma a cay ƴaa-di-gumu dɨŋ bɨ duroy daldɨŋ bɨ. Ɨŋ way hɨnga ga ɓal tɨma a cay kuray gɨ gumu taa taa gɨŋ bɨ, kobɨ ka-aye kudurɔ ga cɨndi naŋ bɨ.

1 Tesalonigɨ 2:16

Ni-gandi ni tee bɛrnɛ bɨn̰ kalaŋ ga toyge na Jubɨ naŋ ɗe na poɗɨn̰ge, ama Jubɨn̰əŋ ga nee le narnige coŋ. Hɨn̰ wo̰ na, kan kɨya dɨɗe kɨbɨ hada gɨ da ɨsɨna koge yɔd. Ama kagadi gɨŋ na, kuduroy-hɔmɛ di da Kumu ba cayge.