Gɨye-lɔɔ 21:26 - Gabri Maja

²⁶ Wan̰dodo dɨŋ ɨni na, Pol orɨn̰ dan̰ ban̰aŋ ga poɗɨn̰ le bɨ. Ay te ɔrɛ dɔrɛ gusi mɨra danage. Kardi nee ɨni na, ban andaŋ duroy ƴaa-di-da-Kumu dɨŋ bɨ. Yege wɔlɛ gɨ kan kɨya dɨɗɨn̰ kɨbɨ dɔrɛ gusɨge mɨra bɨ, wɔlɛ gɨ kan kɨya ɨrgan̰ dan̰ hɨnga ga ni bogɨn̰ kɨbar bɨn̰ Kumu ga ojɨ cayge pɨna pɨna bɨ.

Gɨye-lɔɔ 21:26 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 11:55

Wɔlɛ gɨ ni leen̰ kɨdɨrɛ Pakɨ gɨ da Jubɨn̰əŋ ba mɨnde. Lee gɨ kalaŋ ga a cay gɨsəŋ ga da Jubɨn̰əŋ kondɨ ɨrgage Jerusalɛm tumɔ, tumoyi kɨdɨrɛ gɨ ni Pakɨ kɨya dorɨn̰ gusɨge mɨra.

Gɨye-lɔɔ 21:24

Ɨran̰ danage kobɨn̰ bɨ, ɨra dɔrɛ gusɨn̰ mɨra danage bɨ, bee hɨnga kol cayge ɗe kan dɨlɨn̰ cayge bɨ. Kɨɗɨn̰ ga nee le, kalaŋ nɔm kɨya sɔlɛge gɨ ji naa ba lɔɔ hɨnga ga gasɨn̰-kɔl gɨ da Moyis ba ye bɨ, kɔl gɨ ba ye ojɨ can̰ le, kan kɨya sɔlɛ leen̰ kɔl gɨ kalɨn̰ wo̰ dugo.

Gɨye-lɔɔ 24:18

Na hɨnga ga nee le ma maŋ lee, kɨɗɨn̰ ga kalaŋ ga ni Jubɨ ga pɨna wo̰ ga saygage jɨn̰ cay gɨsəŋ ga Aji gaŋ, wayaŋge a duroy ƴaa-di-da-Kumu dɨŋ. Kɨɗɨn̰ ga kan wayaŋge na, na nee dɨm ma maŋ dɨɗɨ kɨbɨ dorɨn̰ gusɨnɨ mɨra ƴee. Ɨŋ gusɨra kalaŋ naŋ bɨ, ɨŋ laa kɔl naŋ bɨ. Na kalaŋ ga nee le ma ojɨ gɨ kan ni ba kɨya se kɔl canɨ tumon̰ labɨde, hɨn̰ gɨ kan ni na ɨran̰ dan̰ kɔl danaŋ leen̰ cɨndi.

1 Korɛ̰t 9:20

Hɨn̰ gɨ ɨŋ na sɨma duroy Jubɨn̰əŋ na, ɨŋ lee gusɨnɨ leen̰ Jubɨ bɨ, kɨya wan̰ Jubɨn̰əŋ bɨn̰ Kɨris. Ɨŋ sɨma te gasɨn̰-kɔl gɨŋ naŋ. Ama hɨn̰ gɨ ɨŋ na sɨma duroy ka-bɔgɛ kɔl cay gasɨn̰-kɔl gɨ da Moyis na, ɨŋ bee kɔl cay gasɨn̰-kɔl gɨ da Moyis gɨŋ. Ɨŋ lee hɨn̰ wo̰ ɗe aŋ na wan̰ kan ga somge te gasɨn̰-kɔl gɨŋ bɨn̰ Kɨris.