Gɨye-lɔɔ 21:20 - Gabri Maja

²⁰ Kɨɗɨn̰ ga kan jege kɔl koyi coŋ ɨni na, kan hɨramge Kumu bɨ, jɨgage yen̰ge Pol hɨn̰: «Kurɨndɨni, ji sɨla, a kɛ kalaŋ ga ni Jubɨ dubu kondɨ ayge kuduroyge bɨ, kan nɔm kobɨge na gasɨn̰-kɔl gɨ da Moyis dan̰ ɗugoyge ga pɨna bɨ.

Gɨye-lɔɔ 21:20 ပူးပေါင်းရင်းမြစ်များ

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Kɔl-gɨ-Ɗari gɨ Lug wal 12:1

Wɔlɛdi gɨ nee le, dɨmdɨrdi kalaŋ ɨrgage gusi Jesu jɨn̰ nee nee, ɓalge kalaŋ aru mɔjɨ dan̰ kardɨge nee. Dayge gusii jɨŋ jɨŋ gɨ baa mɨnde gɨ kan kɨya ɗɔdɨrdɛ gusɨge dugo. Jesu ay te yon̰ ka-aye-cay-tɨbayi tumɔ pa dɨm ye hɨn̰: «Ɗagɨŋ muɗɔlɛ cay gusɨgɨŋ kɨya cay subugu di da Parɨsɨn̰an̰əŋ. Subugu di da Parɨsɨn̰an̰əŋ le, na kɔl gɨ kan ye-kɨbɨge-sɔɔ-sɔɔ.

Kɔl-gɨ-Ɗari gɨ Lug wal 15:32

Ama ojɨ gɨ na ləgɨŋ dɔɔ ten̰gɨŋ pɨre bɨ, leen̰gɨŋ gusi-mɔwa bɨ, kɨya wa kurdɨn̰ gɨ ba kɛ le, ban na ungo gɨ ma, ma ban boy lɨbɨ bɨ, ban na ungo gɨ kayaŋ, ma maŋ wayi bɨ.”»

Kɔl-gɨ-Ɗari gɨ Ja̰ wal 12:24

Jagɨŋ, ɨŋ yəgɨŋ na kɔl gɨ cɨndi, hɨn̰ gɨ cɨn̰ gɛmɛ na ba gɨsəŋ bɨ na mara naŋ na, hɨndi kɨya wɔyɛ na kɨɗɨn̰do gaŋ kan̰do tɔɔ dɨŋ haa. Ama hɨn̰ gɨ hɨndi na mara na, hɨndi kɨya wɔ karɨndo dan̰ kondɨwayge.

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 15:1

Ɨni na, kalaŋ ga pɨna wo̰ saygage a cay gɨsəŋ ga Jude gaŋ, ɨrgage gɨlɨn̰ge ka-karme ga a Antɨyɔs kɔl, yege hɨn̰: «Hɨn̰ gɨ kɨŋ na ɗa gɨ kan na walagɨŋ ban̰a dan̰ gɨyəŋ gɨ da gasɨn̰-kɔl gɨ da Moyis naŋ na, Kumu kɨya poɗɨgɨŋ naŋ bɨrɨŋ.»

Gɨye-lɔɔ 15:24

Ni je gɨ kalaŋ ga pɨna wo̰, na sayge duroyni kɛ orge mɔndɛ kuduroygɨŋ bɨ, dorge turnoygɨŋ bɨ, dan̰ kɔl yɔɔdɨge. Ama kalaŋ ga nee le, na ni ba-aye noyni bɨge ojɨn̰ cay kɔl gɨ nee le naŋ bɨrɨŋ.

Gɨye-lɔɔ 15:5

Ama ka-aye kudurɔ ga pɨna wo̰ ga ka-kɔbɛ kardi hɨnga gɨle ga da Parɨsɨn̰an̰əŋ sayge daa kɨɗɨn̰ dayaŋ gaŋ le yege hɨn̰: «Ka-aye kudurɔ ga na Jubɨ naŋ le, naa wa wa kalɨn̰ ma ojɨ gɨ kan walage ban̰a. Bɨ ojɨ gɨ ni na aya noyni bɨge ɗe kan na kɨba te gasɨn̰-kɔl gɨ da Moyis bɨ.»

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 22:3

«Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Gɨye-lɔɔ 4:21

Ka-bɔyɛ kɔl jɨgage teegege gɨm ɗaŋ coŋ, pa dɨm ma jɨga ɗegege daa ƴee. Kan waage gɨyəŋ gɨ ni dɨbɨn̰ kɔl cayge naŋ. Kɨya wa kalaŋ nɔm hɨramge Kumu kɨya cay hɨnga ga ba lee gusɨge le.

Gɨye-lɔɔ 4:4

Duroy kalaŋ ga jege kɔl gɨ da ka-gɨre-gɨye le, kondɨwadɨge ayge kuduroyge. Kalaŋ ga ba ayge kuduroyge le, ɓalge hɨn̰ dubu-bay wo̰.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Magtubu di Pol wal bɨn̰ kalaŋ ga Rɔm 10:2

Ho’o, ɨŋ ɓal lɔɔ tɨmon̰ kol cayge gɨ gusɨge na hɨmbalge a te gɨye gɨ da Kumu gɨŋ hage, ama gusi-hɨmbalwa toge di nee le, ɗa sarnayge na a cay hɨnga-sɔlɛ ga leen̰ cɨndi gaŋ naŋ.

Galad 1:14

Karmɨnɨ Jubɨ ga ɨlge di ni ɓalɨn̰ le, ɨŋ lee gɨye bɨn̰ Kumu dan̰ gɨyəŋ gɨ da kalaŋ ga ni Jubɨ ɗige. Kɨya wa gusɨnɨ-hɨmbalaŋ tɔgɨ a cay hɨnga ga ni te mon̰ ga da mon̰inagɨŋ ɗɨn̰ ga pɨna kondɨ.

Galad 1:24

Lee gɨ kan hɨramge Kumu kol canɨ.

2 Tesalonigɨ 1:10

Hɨnga ga nee le, kɨya lɔɔ gusɨge kɨɗɨn̰ ga ban kɨya ɨrga duroy kalaŋ kayi ga woyge dan̰ cɨndɨge, ɗe kan na dɨbɨn̰ gusoŋ-tɔgɛ cayi. Wɔlɛdi gɨ nee le, ban kɨya ɨrga duroy kalaŋ ga beege kuduroyge cayi bɨ, kan nɔm cɨndɨge kɨya wɔyɛ cayi hɨrɨm bɨ. Kɨŋ-gandi kalɨn̰ ma, kɨŋ kɨya ɨre danage nee, kɨya wa kɨŋ bee kuduroygɨŋ a cay kɔl gɨ ni ba tee bɛrnɛdi bɨgɨŋ le bɨ.