Gɨye-lɔɔ 21:19 - Gabri Maja

¹⁹ Pol leege lapɨya bɨ, ban dorge kol hɨnga nɔm ga Kumu lee dan̰ gɨyəŋ gɨ da gɨye koyi, a duroy kalaŋ ga toyge na Jubɨ naŋ.

Gɨye-lɔɔ 21:19 ပူးပေါင်းရင်းမြစ်များ

Matɨyo 23:7

Kan geyge gɨ kalaŋ na laage lapɨya dan̰ hurɔmɔ a gɛgɛr gɨŋ bɨ, gamge gɨ kalaŋ na tɨgage “Ka-gɨlɨn̰ kalaŋ hɨnga” bɨ.

Gɨye-lɔɔ 1:17

Judasɨ le, tumɔ kan ɗoŋgɨsiige duroyni bɨ, gɨye gɨ ni ba lee le kalɨn̰ ma, kan biige kɨway gɨ ojɨ cay danani bɨ.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 15:4

Kɨɗɨn̰ ga kan bugoŋge a cay ƴaa-di-gumu di Jerusalɛm dɨŋ ɨni na, Ka-Daye bɨ, ka-gɨre-gɨye bɨ, kan ga muɗoldoŋ bɨ, ƴomgege gusɨge. Bɨ kan dor kol hɨnga nɔm ga Kumu ba lee dan̰ gɨyəŋ koge le, dɨbɨge sɨmayge.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 12:12

Hɨnga ga gɨl gɨ ɨŋ naa ba-gɨre-gɨye le, lee gusɨge duroygɨŋ lee gɨ kɨŋ sol dan̰ cɨndɨgɨŋ. Kan ba kɛ: Na dɨbe-ɗugɔ duroy hɨnga ga ni gɨwase gaŋ nɔm bɨ, na hɨnga ga ni beli ga gɨl bɨ, na hɨnga ga ɗɨn̰ cɨn̰-kɨɗɨn̰ bɨ, na hɨnga ga ni lɔɔ ga dan̰ dɔnɔ bɨ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.