Gɨye-lɔɔ 21:13 - Gabri Maja

¹³ Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Gɨye-lɔɔ 21:13 ပူးပေါင်းရင်းမြစ်များ

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 20:37

Kɨɗɨn̰ ga nee le, kalaŋ nɔm bugoŋge daa dan̰ ɨle bɨ, bugoŋge kordi Pol bɨ, ƴomiige gasɨbiige bɨ.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

1 Korɛ̰t 15:31

Ay, karmɨnɨ ga ban̰aŋ dan̰ ga kandɨ, dan̰ wɔlɛ pɨna pɨna ɨŋ ɨre kɨbɨ tɨma dɨŋ: Na cɨndi gɨ kol caygɨŋ le canɨ ayaŋ daa kol bugoŋ gɨ kɨŋ bugoŋ pɨna dan̰ Ba-gulɔŋ Jesu-Kɨris.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Pilib 2:26

Ama tabɨlaŋdɨgɨŋ nɔm leeyi tɔgɨ bɨ, jɔɔ gɨ kɨŋ je kɔl hɔmɨn̰ɛdi le say bii ɨrɨme tɔgɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

2 Timote 1:4

Kɨɗɨn̰ ga ɨŋ hɨn a cay kaŋdi cɨndɨn̰ na, tabɨlaŋ sɔlɛdɨn̰ ləŋ gɨɗaŋ. Hɨn̰ gɨ ɨŋ na jɨga sɨlan̰ na, gusɨnɨ kɨya mɔŋ tɔgɨ.

2 Timote 4:6

Wɔlɛ hɨnge gɨ ni ɗon̰ cay gɨsəŋ ga kɛ coŋ le, woy mɨnde. Sɔmɛ-bɨra hɨnge woy na hɨn̰ cɛrɛ di suru gɨ kan beege cay hɨnga ga ni bogɨn̰ kɨbar gaŋ wo̰.

2 Pɨyɛr 1:14

Kɨya wa ɨŋ sol gɨ ɨŋ kɨya ɗɔɔ kuyoŋdi-gusɨnɨ gɨ ba kɨya mare gɨ ba woy kɛ le coŋ mɨnde, hɨn̰ gɨ Ba-gulondɨna Jesu-Kɨris ba yəŋ koldi tumɔ le.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.