Gɨye-lɔɔ 20:7 - Gabri Maja

⁷ Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

Gɨye-lɔɔ 20:7 ပူးပေါင်းရင်းမြစ်များ

Marg 16:9

[Jesu boy lɨbɨ dan̰ te jogɗu cururu dan̰ wɔlɛ gɨ ni dɨmasɨ. Kalaŋ ga soliige cay wase le na Mari di cay gulondo na Magɨdala di Jesu tay turnɔ ga ɨsɨni won̰ jurgum a gusoo coŋ le.

Kɔl-gɨ-Ɗari gɨ Lug wal 22:19

Kardi nee ban ay dan̰ mapa, leen̰ Kumu ho’o, tumɔ pa dɨm ma ban boy duroy nee bɨge yege hɨn̰: «Mapa gɨ kɛ le, na kuyoŋdi-gusɨnɨ gɨ ɨŋ bɨgɨŋ. Laagɨŋ hɨn̰ wo̰ agɨŋ hɨnɨn̰ canɨ.»

Kɔl-gɨ-Ɗari gɨ Lug wal 24:35

Ka-aye-cay-tɨbay Jesu ga sɔɔ le, say dorge kol hɨnga ga ba andaŋ cayge a te gɨyəŋ gɨŋ bɨ, tɨdɨge di buyoŋ a cay Jesu kɨɗɨn̰ ga ban ƴom mapa boy duroy nee bɨ.

Kɔl-gɨ-Ɗari gɨ Ja̰ wal 20:1

Dan̰ wɔlɛ gɨ ni dɨmasɨ dan̰ te kɨɗɨn̰ cururu, gɨ kɨɗɨn̰ ba ɨndi ƴee na, Mari di cay ƴaado na Magɨdala or a cay kamɨn̰aŋ gaŋ. Bɨ hɨndi sol garma gɨ kan lɨgɨn̰ge kɨbɨ kamɨn̰aŋ le yawɨraŋ walaŋ.

Kɔl-gɨ-Ɗari gɨ Ja̰ wal 20:19

Borundo di da dɨmasɨ di nee le na, ka-aye-cay-tɨbay Jesu somge ƴen̰ lɨgɨge kɨbɨ-ƴaa cayge rɛj rɛj kɨya wa kan hɨndarge na Jubɨn̰əŋ. Ɨni na, Jesu ɨrga ɨre duroyge bɨ, leege lapɨya yege hɨn̰: «Gusi-dɔbɛ baa danagɨŋ.»

Kɔl-gɨ-Ɗari gɨ Ja̰ wal 20:26

Dɨmasɨ di ɗaŋ dɨŋ na, ka-aye-cay-tɨbayi jɨgage dayaŋge ɗaŋ coŋ a duroy ƴaa gɨ nee gɨŋ le. Tomas woy danage boy wɔlɛdi gɨ nee le, kɨbɨ-ƴaa lugudoŋ gag gag daa. Naa hɨn̰ wo̰ kalɨn̰ ma, Jesu andaŋ ɨre duroyge, leege lapɨya yege hɨn̰: «Gusi-dɔbɛ baa danagɨŋ.»

Gɨye-lɔɔ 16:10

Kardi hɨnga ga ba buyoŋ cɨn̰ Pol hɨn̰ dḛḛ wo̰ le, kɨɗɨn̰di ga nee gaŋ le bɨ, ni mal gɨyəŋ gɨ ni ɔrɛ a Masedɨwan, kɨya wa ni sol kuɗa gɨ Kumu teeni gɨ ni na ɨra tɔgɛ bɛrnɛ Kɔl-gɨ-Ɗari a cay gɨsəŋ ga nee gaŋ le.

Gɨye-lɔɔ 2:42

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 20:11

Pol jogɨ nɔɔ daa a cay ƴaa gɨŋ boy mapa dii danani. Kardi nee na, ban say dor kɔl bɨrɨŋ andɨn̰ te kɨɗɨn̰ dɨm ma san̰ orɨn̰ tɨrga toyi ƴee.

Gɨye-lɔɔ 20:31

Hɨn̰ wo̰ na, sɨgɨŋ muɗɔlɛ cay gusɨgɨŋ gɨŋ bɨ. Hɨngɨŋ cay ɨlge gɨ sɨbɨ, gɨ son̰do bɨ, tɨwa di ɨni bɨ, ɨŋ ba dɨl halgɨŋ pɨna pɨna dan̰ ɨle cɨnɨ naŋ le.

Gɨye-lɔɔ 20:5

Kan ga nee le nɔm orge tumoyni gamnige a cay ƴaa-di-gumu di Tɨrowas dɨŋ.

Gɨye-lɔɔ 20:9

Marɨna gɨ pɨna wo̰ gɨ gusondi na Etis som a cɨn̰ holoŋdi ƴaa gɨŋ. Kɨɗɨn̰ ga Pol dor kɔl kardi sɨngɨɗɨ tɔgɨ na, kuŋ ƴom cɨn̰ marɨna le, lee gɨ ban woy kuŋ sɨlag bɨ, ban sɨroŋ cɨn̰ holoŋdi ƴaa gɨ woy cay mɨgay gɨ sɨbɨdi gɨŋ daa le ba vbib dugo. Kɨɗɨn̰ ga kan ɨrga age na ayi daa na, kan wayge na tɨmaydi.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

1 Korɛ̰t 10:16

Kɨŋ ɨrɨm a cay kobo gɨ ni tɔrɛ-kɨbɨ gɨ ni ba leen̰ Kumu ho’o koldɨge le: Kɨɗɨn̰ ga na ba si hɨnga ga boy nee le kɛ bɨgana pɨna dan̰ kɨbardi Kɨris le naŋ ga? Bɨ mapa di na ba boy dugo le: Kɨɗɨn̰ ga na ba di le kɛ bɨgana pɨna dan̰ kuyoŋdi Kɨris le naŋ ga?

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 16:2

Dan̰ wɔlɛ gɨ ni dɨmasɨ dɨmasɨ nɔm le, ojɨ gɨ waŋ waŋ kalɨn̰ ma duroygɨŋ gɨsɨ dan̰ gɨyəŋ gɨ da hɨnga ga ban orɨn̰ gɨ ni dorɨn̰ kɨbɨ gursu toy ɗɔ a tayi. Hɨn̰ wo̰ na kɨɗɨn̰ ga ɨŋ na bugoŋ na kɨŋ kɨya orɨn̰ dan̰ n̰agedi hɔgɛ hɨnga naŋ ɨni.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Wasɨn̰a 1:10

Turnɔ di da Kumu naa gɨsɨngɨ canɨ a boy wɔlɛ gɨ da Ba-gulɔŋ gɨŋ, ƴɔmɔŋ lee gɨ ɨŋ je noy ungo gɨ ye dan̰ dɔnɔ hɨn̰ burun̰ji wo̰ a karɨnɨ.