Gɨye-lɔɔ 20:4 - Gabri Maja

⁴ Kan ga beeyige te gɨyəŋ di tɨrga toyi dɨŋ le gusondɨge ba kɛ: Sopater, kurɨn̰ Pirus gɨ a Bere bɨ, Aristarg dan̰ Sugundus gɨ a Tesalonigɨ bɨ, Gayus gɨ a Dɛrbɨ bɨ, Timote bɨ, Tisig dan̰ Tɨropim, kan na kalaŋ ga a cay gɨsəŋ ga Aji gaŋ bɨ.

Gɨye-lɔɔ 20:4 ပူးပေါင်းရင်းမြစ်များ

Gɨye-lɔɔ 14:20

Ama kɨɗɨn̰ ga ka-aye kudurɔ dayaŋge cayi ɨni na, ban de say daa bɨ jogɨ cay ƴaa-di-gumu dɨŋ. Wan̰dodo dɨŋ ɨni na, ban say or Dɛrbɨ dan̰ Barnabas.

Gɨye-lɔɔ 14:6

Kɨɗɨn̰ ga kan jege kol hɨnga ga kan gey lɔɔ danage na, kan or male kɨɗɨn̰ ga ni dobɨn̰ cayge nee a boy cay ƴaan̰əŋ ga gɨmdəŋ ga Listɨr dan̰ Dɛrbɨ di woy a cay gɨsəŋ ga Ligawoni dan̰ cay ƴaan̰əŋ ga nɨwɨre cayge.

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 17:1

Pol dan̰ Sɨlas gayge cay gɨsəŋ ga Ampipolis bɨ, Apoloni bɨ andɨn̰ge, orɨn̰ge bugoŋ a cay ƴaa-di-gumu di Tesalonigɨ dɨŋ. Ƴaa-daye-di-da-Jubɨn̰əŋ woy a cay ƴaa di nee dɨŋ le.

Gɨye-lɔɔ 17:13

Ama kɨɗɨn̰ ga Jubɨ ga Tesalonigɨ jege gɨ Pol na tee bɛrnɛ kɔl gɨ da Kumu a cay ƴaa-di-gumu di Bere dɨŋ na, kan ɨrgage gosɨrge kalaŋ bɨ, dɨbɨge do̰ ɗe kuduroy kalaŋ na homge cay Pol bɨ.

Gɨye-lɔɔ 19:29

Kɔl gɨ nee le ƴee cay ƴaa-di-gumu nɔm, lee gɨ kalaŋ kondɨ dulomge orge kɨɗɨn̰ dayaŋ gaŋ, bɨ sɨdɨrdege Gayus dan̰ Aristarg ga na kalaŋ ga a cay ƴaa di Masedɨwan dɨŋ bɨ, na Pol ka-pogɨn̰ii bɨ, orɨn̰ge danage.

Gɨye-lɔɔ 2:9

Kan na kalaŋ ga Partɨ bɨ, Mɛdɨ bɨ, Elam bɨ, kalaŋ ga saygage cay ƴaa di Mesopotami bɨ, Jude bɨ, Kapadosɨ bɨ, Po̰ bɨ, Aji bɨ,

Gɨye-lɔɔ 20:16

Kɨya wa Pol gey pɨde Epɛs dɨle ɨre dugo, kɨya gɨ ban gey nɨngɨdɨde tɔgɨ a cay gɨsəŋ ga Aji gaŋ naŋ. Kɨya wa ban gey ɔrɛ haw dan̰ cɨndi tumɔ. Bɨ hɨn̰ gɨ na uja na, ban gey bugoŋ a cay ƴaa-di-gumu di Jerusalɛm tumoy wɔlɛ gɨ ni leen̰ kɨdɨrɛ gɨ ni Pantekot.

Gɨye-lɔɔ 20:18

Kɨɗɨn̰ ga kan ɨrga wayi ɨni na ban yege hɨn̰: «Ayɨn̰ toy gɨ ɨŋ ba dɨbɨ tɨbanɨ a cay gɨsəŋ ga Aji gaŋ le, kɨŋ sol hɨnga lɔɔnɨ ga ɨŋ le daa daa somɨn̰ duroy gɨŋ le kuɗa.

Gɨye-lɔɔ 21:29

Kan ye kɔl gɨ nee le, na kɨya gɨ kan tumɔ solge Tɨropim gɨ na ungo gɨ Epɛs dan̰ Pol a duroy cay ƴaa-di-gumu dɨŋ bɨ, kan ɨrɨm gɨ Pol na gɨ ɗoyi andaŋ danayi boy ƴaa-di-da-Kumu dɨŋ bɨ.

Gɨye-lɔɔ 27:2

Kɨɗɨn̰ ga nee le, ni nay a boy koburo gɨ gumu taa taa gɨŋ gɨ pɨna wo̰ gɨ Adɨramit, gɨ or jɨn̰ gɨba gɨ Aji gɨŋ. Koburo gɨ gumu taa taa le duroŋ danani daa. Ungo gɨ danani na Aristarg ban na ungo gɨ a cay ƴaa-di-gumu di Tesalonigɨ di woy a cay gɨsəŋ ga Masedɨwan gaŋ.

Magtubu di Pol wal bɨn̰ kalaŋ ga Rɔm 16:21

Timote mɨganɨ ba-lɔɔ gɨye ləgɨŋ lapɨya. Kanɨ Lisɨyus bɨ, Jaso̰ bɨ, Sosipatɛr bɨ, kalɨn̰ ma ləgɨŋge lapɨya bɨ.

Magtubu di Pol wal bɨn̰ kalaŋ ga Rɔm 16:23

Gayus gɨ ba ƴɔmɔŋ ɨŋ-bandi Pol tɨrga tayi bɨ, ba ƴɔmɛ Ka-Daye nɔm bɨ, ləgɨŋ lapɨya bɨ. Erasɨ gɨ ba-game gursu di da cay ƴaa-di-gumu bɨ, kurɨndɨna Kartus bɨ, ləgɨŋge lapɨya bɨ.

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 1:19

Kɨya wa Jesu-Kɨris Kurɨn̰-Kumu, ban gɨ ɨŋ-bandi bɨ, Sɨlas bɨ, Timote bɨ, ni ba tee bɛrnɛ di da kɔl koyi bɨgɨŋ le, ban ɨrga na kɨya wɔyɛ na «Əw» bɨ «Naŋ» bɨ, kɨbɨge koge gɨŋ naŋ. Ban na «Əw» di da Kumu dan̰ wɔlɛ pɨna pɨna.

Epɛs 6:21

Ɨŋ mal na ɗe gɨ kɨŋ na sɨla kɔl gɨ ojɨ canɨ bɨ, gɨye-lɔɔnɨ bɨ. Kurɨndɨna Tisig gɨ ɨŋ geyii le, ban lee gɨye gɨ da Ba-gulɔŋ dan̰ kuduroyi ga pɨna bɨ, na ban ba kɨya yogɨŋ kɔl nɔm gɨ ojɨn̰ canɨ bɨ.

Pilib 2:19

Kardi nee lam wo̰ na, ɨŋ sol leen̰ cɨndi gɨ Ba-gulɔŋ Jesu kɨya haŋge gɨyəŋ bəŋ gɨ ni gɨyɨn̰ Timote gusɨgɨŋ. Ɗe kɨɗɨn̰ ga ban se gusɨgɨŋ jɨge na, na dɨban̰ bandɨ kuduronɨ dan̰ kɔl kogɨŋ gɨ ban kɨya ɨrga dɔrɔŋ le.

Kɔlɔs 4:10

Kurɨndɨna Aristarg dan̰ Marg ga woyge dangay dɨŋ danaŋ le ləgɨŋge lapɨya. Barnabas, gɨlmii, ban gɨ ɨŋ ba yəgɨŋ kɔl gɨ ojɨ cayi tumɔ le. Hɨn̰ gɨ ban na bugoŋ na ƴɨmayigɨŋ gusɨgɨŋ kuɗa.

Kɔlɔs 4:7

Tisig kɨya yogɨŋ kɔl nɔm gɨ ojɨ canɨ. Ban na kurɨnɨ gɨ ɨŋ lee-toyi. Ban na ba tɔgɛ bɛrnɛ gɨ ɨre a cay tɨbay dɨŋ bɨ, na mɨganɨ ba lɔɔ gɨye a boy gɨye gɨ da Ba-gulɔŋ gɨŋ bɨ.

1 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ kuduroy geye gɨ da Kumu gɨ Ba-poɗɨna bɨ, dan̰ kuduroy geye gɨ da Jesu-Kɨris gɨ na bee ɨrɨmedɨna cayi bɨ le.

2 Timote 1:2

Na ji-bandi kuronɨ Timote gɨ ɨŋ geyɨn̰ tɔgɨ, ma maŋ wal magtubu di kɛ le bɨn̰. Kuɗa gɨ Bayna Kumu dan̰ Ba-gulondɨna Jesu-Kɨris laage ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 4:12

Ɨŋ gɨy Tisig a cay ƴaa-di-gumu di Epɛs.

2 Timote 4:20

Erasɨ baa a Korɛ̰t. Bɨ ɨŋ ɗe Tɨropim a cay ƴaa di Mile dɨŋ kɨya hɔmɨn̰ɛ leeyi.

Titɨ 3:12

Kɨɗɨn̰ ga ɨŋ na gɨy Artemas naŋ le, Tisig gusɨn̰ na, bɨya gusɨn̰ cɛd ɨre wayaŋ a cay ƴaa di Nigopolis dɨŋ. Kɨya wa ɨŋ ojɨ gɨ ni dɨɗe kɨbɨ kal na nee.

Pilemo 1:24

Ka-lɔɔ gɨye danaŋ, Marg bɨ, Aristarg bɨ, Demas bɨ, Lug bɨ, leegɨŋge lapɨya.

3 Ja̰ 1:1

Na ɨŋ-bandi gɨ muɗoli ba wale magtubu di kɛ le, gɨyɨn̰ bɨn̰ ji-bandi Gayus gɨ ɨŋ geyɨn̰ dan̰ kuduronɨ ga pɨna le.