Gɨye-lɔɔ 20:31 - Gabri Maja

³¹ Hɨn̰ wo̰ na, sɨgɨŋ muɗɔlɛ cay gusɨgɨŋ gɨŋ bɨ. Hɨngɨŋ cay ɨlge gɨ sɨbɨ, gɨ son̰do bɨ, tɨwa di ɨni bɨ, ɨŋ ba dɨl halgɨŋ pɨna pɨna dan̰ ɨle cɨnɨ naŋ le.

Gɨye-lɔɔ 20:31 ပူးပေါင်းရင်းမြစ်များ

Matɨyo 13:25

Ama duroy son̰do di pɨna dɨŋ wo̰ kɨɗɨn̰ ga kalaŋ woyge kuŋ ɨni na, ba-baadi ɨrga gɨsɨ cɨn̰-tɨngɨrɨn̰ duroy yage ga ni gɛmɛ gaŋ bɔb bɨ, ɗe gusi orɨn̰.

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 19:8

Pol or boy ƴaa-daye-di-da-Jubɨn̰əŋ dɨŋ bɨ, dor kɔl dan̰ cɨn̰-bandɨ ɓal kɨdɨrɛ sɨbɨ. Ban dor kɔl gɨ ojɨ cay dɔɔ-ƴaa di da Kumu, malɨn̰ gɨyəŋ gɨ ni ɨrgan̰ dan̰ kan ga ka-jɔɔ kɔl koyi le, a te gɨyəŋ gɨŋ.

Gɨye-lɔɔ 20:11

Pol jogɨ nɔɔ daa a cay ƴaa gɨŋ boy mapa dii danani. Kardi nee na, ban say dor kɔl bɨrɨŋ andɨn̰ te kɨɗɨn̰ dɨm ma san̰ orɨn̰ tɨrga toyi ƴee.

Gɨye-lɔɔ 20:19

Ɨŋ lee gɨye gɨ da Ba-gulɔŋ dɨle dogɨn̰ jorgɨnɨ bɨ, dan̰ ɨle bɨ, duroy cɨn̰-n̰age dɨŋ bɨ, kɨya wa Jubɨ ga pɨna boyge kolnɨ gɨ ni looŋ ɨsɨna.

Gɨye-lɔɔ 20:7

Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

Gɨye-lɔɔ 24:17

«Ɨŋ unɔ boy cay ƴaa-di-gumu di Jerusalɛm dɨŋ ɓal ɨlge kondɨ bɨ, ɨŋ jɨga a Jerusalɛm na kɨya ɨrgan̰ dan̰ hɨnga ga ni bee, bɨn̰ te wɔɔ gɨ da kalaŋ kange ga ka-n̰age bɨ, kɨya bɨn̰ Kumu bɨ.

1 Korɛ̰t 4:14

Ɨŋ wal kɔl gɨ kɛ le na kɨya dɨbɨn̰ dasi caygɨŋ naŋ, ama na kɨya halgɨŋ hɨn̰ karɨnɨ ga ɨŋ lee-toyge wo̰.

Pilib 3:18

Ɨŋ ye kɔl gɨ nee le, kɨya wa kalaŋ ga geyge kɔl gɨ da sɨya-gɨ-dagɨli gɨ da Kɨris naŋ woyge nee dan̰ kondiige, hɨn̰ gɨ ɨŋ ba yəgɨŋ tɨba kondɨ le, ma maŋ jɨga yəgɨŋ haw kɛ dan̰ kaŋdi cɨnɨ.

Kɔlɔs 1:28

Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

2 Tesalonigɨ 2:5

Kɨɗɨn̰ ga ɨŋ baa duroygɨŋ le ɨŋ yəgɨŋ koldi, kɛ kɨŋ hɨn cay nee naŋ ga?

2 Tesalonigɨ 3:8

Hɨnga ga ni di le, na ungo mani ɨngɨrii ɗe bɨni naŋ. Ama ni lee gɨye gɨlalɨn̰ ƴomɨn̰ kɨjan̰e dan̰ son̰do dan̰ tɨwa di ɨni bɨ, ɗe ani na nɨn̰in̰ ungo pɨna duroygɨŋ naŋ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Wasɨn̰a 16:15

Ɨni na, Ba-gulɔŋ ye hɨn̰: «Sɨlagɨŋ, ɨŋ kɨya andaŋ caygɨŋ dus na hɨn̰ ba-hase wo̰. Tumoy wolwa woy na kɨya cay ungo gɨ som-bɨra bɨ, ƴom cay tɨbay badɨge kayi gam pḛḛ gusi. Na toy di hɨn̰ wo̰ ma, ban kɨya andaŋ toyi kalɨn̰ naŋ bɨ dasi kɨya doyi cɨn̰ kalaŋ naŋ bɨ.»