Waŋ waŋ gɨ na ja kɔl gɨ ojɨ cay dɔɔ-ƴaa di daa nii ma na sɨla duroy naŋ na, Haban̰ Ba-lɔɔ ɨsɨna ɨrga boɗɨ hɨnga ga kan gɨsɨge ɗugoy le coŋ, na ban ma na gasi gɨse ga bugoŋ a te gɨyəŋ gɨ gay duroy yagegɨŋ le.
Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»
«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.
Jesu jɨga dɨbii cay nee hɨn̰: «Ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmgege tɨma toge. Ama ji bandi na, ji ɨra tɔgɛ bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨn̰ kalaŋ.»
Hɨnga ga ba leege cɨn̰ kula le, na kɔl gɨ ban ye hɨn̰ kan na gɨ sɔlɛ cɨndi naŋ bɨrɨŋ ɨni le. Kardi nee ɨni na, kan beeyige bɨrɨŋ andɨn̰ danayi kɨbɨ koburo gɨ gumu taa taa gɨŋ.
Ama kɨɗɨn̰ ga Pilib tee bɛrnɛ di da Jesu-Kɨris bɨ di da dɔɔ-ƴaa di da Kumu bɨ na, kalaŋ ga Samari beege kuduroyge a cay Kɔl-gɨ-Ɗari gɨŋ. Lee gɨ ban̰aŋ bɨ, kandɨ bɨ, ɨrgage gusi ɗe ban na leege batɛm nɔm.
Leen̰ cɨndi na, ɨŋ gey gɨ kɨŋ na sɨla kardi wɔrɨn̰ɛ gɨ osi tɔgɨ gɨ ɨŋ ɨre kɨbɨ nee worɨn̰ kol caygɨŋ bɨ, kol karmɨni ga ban̰aŋ dan̰ ga kandɨ ga a Lawdise bɨ, kol kalaŋ ga ɗaŋ ga sɨlaŋge dan̰ cɨndɨge naŋ bɨ.