Gɨye-lɔɔ 20:24 - Gabri Maja

²⁴ Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 20:24 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:28

kɨya wa karmɨnɨ won̰ge bay baage nee. Kuɗa gɨ ban ɨra halage ɗe kan kalɨn̰ ma da ɨrgage a kɨɗɨn̰ ga ni mɨrɨn̰tɨn̰i ga kɛ gaŋ le naŋ ɨni.”

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Kɔl-gɨ-Ɗari gɨ Ja̰ wal 17:4

Ɨŋ gɨl gusoŋ-tɔgɛ kon̰ a cay gɨsəŋ gaŋ kɛ bɨ, gɨye gɨ ji bəŋ gɨ ɨŋ na laa le kalɨn̰ ma ɨŋ dɨɗɨ kɨbi bɨ.

Gɨye-lɔɔ 1:17

Judasɨ le, tumɔ kan ɗoŋgɨsiige duroyni bɨ, gɨye gɨ ni ba lee le kalɨn̰ ma, kan biige kɨway gɨ ojɨ cay danani bɨ.

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 13:25

Kɨɗɨn̰ ga baa mɨnde gɨ Ja̰ ba-lɔɔ batɛm kɨya dɨɗe kɨbɨ gɨye koyi na, ban ye hɨn̰: “Kɛ kɨŋ ɨrɨm gɨ ɨŋ na waŋ ga? Ɨŋ na ungo gɨ kɨŋ som gamii le naŋ ƴee. Ama sɨlagɨŋ ungo gɨ pɨna wo̰, tɨlga karɨnɨ nee gɨ gangɨdi gɨyabe ga a tɨbayi kalɨn̰ ma ɨŋ ɓala pɨndɨre naŋ.”

Gɨye-lɔɔ 14:3

Naa hɨn̰ wo̰ kalɨn̰ ma, Pol dan̰ Barnabas somge Ikonɨyɔm kardige sɨngɨɗɨ. Kan ɗe kuduroyge na a cay Ba-gulɔŋ yen̰ge kɔl dan̰ cɨn̰-bandɨ. Ba-gulɔŋ kalɨn̰ ma baa danage lee gɨ kan leege tɨmon̰ di da ɗarwa toyi di ban lee danage le, lee gɨ kan leen̰ge hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ.

Gɨye-lɔɔ 15:7

Kɨɗɨn̰ ga kan man̰ge kɔl ɨl pɨvb ɨni na, Pɨyɛr say daa duroyge bɨ yege hɨn̰: «Karmɨnɨ, kɨŋ sol gɨ Kumu dɔrɔŋ karɨnɨ sɨngɨɗɨ cay wase duroygɨŋ bɨ, gɨyəŋ gusi kalaŋ ga toyge na Jubɨ naŋ, ɗe gɨ kan na jan̰ bɛrnɛ di da Kɔl-gɨ-Ɗari gɨ kɨya andaŋ kɨbɨnɨ bɨ, bɨgan̰ge kuduroyge cay nee.

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 20:23

Ama boy cay ƴaa ga gɨmdəŋ gɨmdəŋ nɔm le, Turnɔ ɗe-kuduroy-bɛrɛ dɨbəŋ sɨmanɨ gɨ: Dangay bɨ, dɔsɛ-ɗugɔ bɨ, na woyge amaŋge nee.

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Magtubu di Pol wal bɨn̰ kalaŋ ga Rɔm 11:6

Ama hɨn̰ gɨ hɨnga ga nee le na laa gusɨge naa dan̰ gɨyəŋ gɨ da ɗarwa na, laa gusɨge na dan̰ gɨyəŋ gɨ da gɨye-lɔɔdɨge naŋ. Hɨn̰ gɨ Kumu na tɨrage naa dan̰ gɨyəŋ gɨ da gɨye-lɔɔdɨge na, ɗarwa kɨya bɨle na ɗarwa naŋ ɨni.

Magtubu di Pol wal bɨn̰ kalaŋ ga Rɔm 4:4

Ɨrɨmgɨŋ a cay kɔl gɨ kɛ le: Hɨn̰ gɨ ungo na laa gɨye na, ban kɨya wɔɔ cay kobi, cay kobi gɨ nee le na hɨnga ga biige kalɨn̰ naŋ. Na hɨnga ga ojɨ gɨ kan kɨya bii.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

2 Korɛ̰t 4:1

Kumu sol cɨn̰-n̰age toni, lee gɨ ban bɨni gɨye gɨ nee le. Na toy di hɨn̰ wo̰ ma, gusɨni marani naŋ.

2 Korɛ̰t 4:12

Na toy di hɨn̰ wo̰ ma, ni-gandi ni som duroy tɨma dɨŋ ɗe agɨŋ na wan̰ sɔmɛ-bɨra gɨ dan̰ tumoyi.

2 Korɛ̰t 5:8

Ho’o, na sɨlan̰ hɨnga pɨna naŋ, hɨnga ga mona tɔgɨ na, na gɨ na na ɗa kuyoŋdi-gusɨna gɨ ba kɛ coŋ ɨran̰ sɨman̰ gusi Ba-gulɔŋ.

2 Korɛ̰t 7:4

Ɨŋ ye kɔldɨgɨŋ daa daa dan̰ gusi-mɔwa. Gusɨnɨ mɔŋ kol caygɨŋ gɨɗaŋ. Kɨŋ dobɨ bandɨ kuduronɨ dan̰ bandɨ di ɗɨn̰ cɨn̰-kɨɗɨn̰. Ɨŋ orɨn̰ dan̰ gusi-mɔwa a duroy hɨnga ga ni dɔsɛ-ɗugɔ kani nɔm ga ni ba way le.

Galad 1:1

Na ɨŋ-bandi Pol ba-gɨre-gɨye, ba gɨyɨn̰ dan̰ magtubu di kɛ le. Ɨŋ gɨr gɨye na dan̰ te tumɔ da kalaŋ naŋ bɨ, dan̰ kuduroy geye koge naŋ bɨ, ama na dan̰ te tumɔ da Jesu-Kɨris bɨ, da Bayna Kumu gɨ boyi lɨbii duroy kalaŋ ga madɨrdaŋ gaŋ bɨ.

Epɛs 1:6

Ɗe gɨ ana na hɨramii kɨya cay gusoŋ-tɔgɛ koyi bɨ, kɨya cay ɗarwa di gumu di ban lee danana kɨya cay bugoŋ gɨ na bugoŋ pɨna dan̰ kurondi, ungo gɨ ban lee-toy tɔgɨ.

Epɛs 3:13

Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Pilib 2:30

Kɨya wa ba mɨnde gɨ ban ni kɨya mare kɨya cay gɨye gɨ da Kɨris. Ban ay gusi dɨbɨ coŋ ƴen̰ ban̰dɨgɨŋ leen̰ gɨye kɨya gɨ toygɨŋ hen̰.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Tesalonigɨ 2:2

Hɨn̰ gɨ kɨŋ ba sol le, tumɔ pa dɨm ma gɨ ni kɨya bugoŋ tagɨŋ le, gɨlnige-cɨn̰ bɨ, yagɨdɨnige bɨ, a cay ƴaa-di-gumu di Pilib dɨŋ. Ama Kumu bɨni bandɨ lee gɨ ni tee bɛrnɛ di Kɔl-gɨ-Ɗari koyi, dɨle hundɔrɔ duroy kondɨwadi kɨmbɨl.

1 Tesalonigɨ 3:3

Ɗe hɨnga ga ni gɨwase ga ba leeni kɛ le, gabe ungo pɨna duroygɨŋ naŋ. Kɨya wa kɨŋ sol gɨ Kumu ɗe hɨnga ga ni gɨwase ga hɨn̰ wo̰ le, woy duroy hɨnga ga Kumu ƴom cay tɨbayige ojɨn̰ cayna.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 3:11

Ji sol tabɨ bɨ, n̰age bɨ, ga ɨŋ wayi a cay ƴaa-di-gumu di Antɨyɔs dɨŋ bɨ, Ikonɨyɔm dɨŋ bɨ, Listɨr dɨŋ bɨ le. Sɨla! Ɨŋ way n̰age tɔgɨ, ama Ba-gulɔŋ dɔrɔŋ kɨbɨ hɨnga ga nee le nɔm coŋ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

Titɨ 1:3

Kɨɗɨn̰ ga tɨwa di Kumu gɨsɨ ɓal ɨni na, Kumu ba-pɔɗɨna wasɨn̰ cay kɔl koyi. Kɔl gɨ nee le, ban bəŋ kɔbɔŋ bɨ, ay noy bəŋ gɨ ɨŋ na tɨga bɛrnɛdi bɨ.

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Əbɨro 10:34

Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.