Gɨye-lɔɔ 20:23 - Gabri Maja

²³ Ama boy cay ƴaa ga gɨmdəŋ gɨmdəŋ nɔm le, Turnɔ ɗe-kuduroy-bɛrɛ dɨbəŋ sɨmanɨ gɨ: Dangay bɨ, dɔsɛ-ɗugɔ bɨ, na woyge amaŋge nee.

Gɨye-lɔɔ 20:23 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:28

kɨya wa karmɨnɨ won̰ge bay baage nee. Kuɗa gɨ ban ɨra halage ɗe kan kalɨn̰ ma da ɨrgage a kɨɗɨn̰ ga ni mɨrɨn̰tɨn̰i ga kɛ gaŋ le naŋ ɨni.”

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 21:11

Ban ɨrga wayni bɨ, ay sɔndurɔŋ gɨ da Pol saɗɨn̰ tɨbayi toyi bɨ, kobi koyi bɨ ye hɨn̰: «Kɔl gɨ Turnɔ ɗe-kuduroy-bɛrɛ ba ye ba kɛ: Ba-gulɔŋ sɔndurɔŋ gɨ ba kɛ le, Jubɨn̰əŋ kɨya saɗɨdiige hɨn̰ wo̰, a cay ƴaa-di-gumu di Jerusalɛm dɨŋ bɨ, kɨya dobiige kobɨ kalaŋ ga toyge na Jubɨ naŋ bɨ.»

Gɨye-lɔɔ 21:33

ɨni na, gumu gɨ ba-sɔmɛ cay asɨgarn̰əŋ le, or gusi Pol ƴomii bɨ, ay noyi gɨ kan na saɗɨdɨdayige dan̰ mɔrɨyɔŋ won̰ sɔɔ. Kardi nee ɨni na, ban ɨngɨr hɨn̰: «Kɛ ungo le na waŋ ga bɨ, kɛ ban lee na wa bɨ ga?»

Gɨye-lɔɔ 21:4

Ni way ka-aye-cay-tɨbay Jesu a nee, lee gɨ ni som danage lee wɔlɛ jurgum. Turnɔ di da Kumu jɨbɨge lee gɨ kan yen̰ Pol hɨn̰: «Ɔrɛ a cay ƴaa-di-gumu di Jerusalɛm dɨŋ naŋ.»

Gɨye-lɔɔ 8:29

Turnɔ di da Kumu yen̰ Pilib hɨn̰: «Ɨra tumɔ, ɨra mɨnde bongi pusu gɨ kɛ le.»

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

1 Tesalonigɨ 3:3

Ɗe hɨnga ga ni gɨwase ga ba leeni kɛ le, gabe ungo pɨna duroygɨŋ naŋ. Kɨya wa kɨŋ sol gɨ Kumu ɗe hɨnga ga ni gɨwase ga hɨn̰ wo̰ le, woy duroy hɨnga ga Kumu ƴom cay tɨbayige ojɨn̰ cayna.

1 Timote 4:1

Turnɔ di da Kumu ye daa pɨraŋ ye hɨn̰ a boy wɔlɛ kagadi gɨŋ le, kalaŋ ga pɨna kɨya ɗɔɔge aye kudurɔ koge coŋ, kɨya lun̰doŋge kardi turnɔn̰əŋ ga ka-nare kalaŋ bɨ, kardi gɨle hɨnga ga sayga gusi turnɔn̰əŋ ga ɨsɨndəŋ bɨ.

2 Timote 2:12

Hɨn̰ gɨ nana ƴɨmagɨŋ usa na, Na kɨya dɔɔ-ƴaa danayi bɨ. Hɨn̰ gɨ nana man̰agɨŋ cay kɨbɨnagɨŋ, Gɨ na na sɨlayigɨŋ naŋ na, Ban kalɨn̰ ma kɨya man̰e cay kɨbi, Gɨ ɗi na sɨlanagɨŋ naŋ bɨ.