Gɨye-lɔɔ 20:21 - Gabri Maja

²¹ Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 20:21 ပူးပေါင်းရင်းမြစ်များ

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

Marg 6:12

Ɨni na, kan sayge orge tɔgɛ bɛrnɛ yen̰ge hɨn̰: «Bɨlgɨŋ gɨye-lɔɔdɨgɨŋ.»

Kɔl-gɨ-Ɗari gɨ Lug wal 13:3

Naŋ, aŋ yəgɨŋ, ama hɨn̰ gɨ kɨŋ na bɨl gɨye-lɔɔdɨgɨŋ naŋ na, kɨŋ kɨya mare nɔm na hɨn̰ kan wo̰ bɨ.

Kɔl-gɨ-Ɗari gɨ Lug wal 13:5

Naŋ, aŋ yəgɨŋ, ama hɨn̰ gɨ kɨŋ na bɨl gɨye-lɔɔdɨgɨŋ naŋ na, kɨŋ kɨya mare nɔm na hɨn̰ kan wo̰ bɨ.»

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 15:7

Aŋ yəgɨŋ da waŋ, kɨya wɔyɛ na hɨn̰ wo̰ kɨya ba-lɔɔ ɨsɨna pɨna nɛŋ gɨ bɨle gɨye-lɔɔdi ɗɨn̰ kan ga toyge-dɨngɛsɨ-cayge-dɨngɛsɨ ga ɨrɨm gɨ ke na ɨran̰ dan̰ n̰age di bɨle gɨye-lɔɔdɨge naŋ.»

Kɔl-gɨ-Ɗari gɨ Lug wal 16:28

kɨya wa karmɨnɨ won̰ge bay baage nee. Kuɗa gɨ ban ɨra halage ɗe kan kalɨn̰ ma da ɨrgage a kɨɗɨn̰ ga ni mɨrɨn̰tɨn̰i ga kɛ gaŋ le naŋ ɨni.”

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 16:31

Kan dɨbiige cay nee yeyge hɨn̰: «Bɨga kuduron̰ a cay Ba-gulɔŋ Jesu bɨ, ji kɨya wɔɔ pɔɗɛ dan̰ ka-ƴaadɨn̰.»

Gɨye-lɔɔ 17:30

Gɨye-lɔɔ gɨ da kalaŋ boy wɔlɛ gɨ jɨne gɨ kan sɨlan̰ Kumu naŋ ƴee le, Kumu ay cɨndi cay nee coŋ. Ama haw kɛ na, ban ay noyi bɨn̰ kalaŋ nɔm dan̰ kɨɗɨn̰ nɔm ɗe gɨ kan na bɨl gɨye-lɔɔdɨge.

Gɨye-lɔɔ 19:17

Kalaŋ ga Epɛs nɔm, kalaŋ ga ni Jubɨ bɨ, kalaŋ ga ni Gɨrɛg bɨ, jege kol hɨnga ga ba lee gusɨge le. Kan nɔm hundɔrɔ ƴee gusɨge bɨ, kalaŋ hɨramge guson̰ Ba-gulɔŋ Jesu bɨ.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 2:40

Pɨyɛr yege kɔl gɨ ɗaŋ dan̰ kondi kɨya boyge jɨgan̰ ɗe kan na ayan̰ kuduroyge, kɨya dobɨn̰ bandɨ kuduroyge bɨ, yege hɨn̰: «Ƴagɨŋ pɔɗɛ gɨ da Jesu agɨŋ andɨn̰ duroy kalaŋ ga ka-lɔɔ terɨn̰ ga haw kɛ coŋ.»

Gɨye-lɔɔ 20:23

Ama boy cay ƴaa ga gɨmdəŋ gɨmdəŋ nɔm le, Turnɔ ɗe-kuduroy-bɛrɛ dɨbəŋ sɨmanɨ gɨ: Dangay bɨ, dɔsɛ-ɗugɔ bɨ, na woyge amaŋge nee.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 24:24

Wɔlɛ lam wo̰ kardi nee na, Peligɨs dan̰ tamdi Dursil di na Jubɨ le ɨrgage. Ban gɨy te Pol, kɨya wa ban gey jɔɔ kɔl gɨ ojɨ cay bɔgɛ kudurɔ cay Jesu-Kɨris.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Gɨye-lɔɔ 8:25

Kɨɗɨn̰ ga Pɨyɛr dan̰ Ja̰ leege tɨmon̰ di da Ba-gulɔŋ bɨ, teen̰ge bɛrnɛ kɔl koyi bɨ ɨni na, kan jogɨge Jerusalɛm. A te gɨyəŋ jɔgɛdɨge gɨŋ na, kan tee bɛrnɛ Kɔl-gɨ-Ɗari boy cay ƴaan̰əŋ dan̰ kondige ga a cay gɨsəŋ ga Samari gaŋ.

Magtubu di Pol wal bɨn̰ kalaŋ ga Rɔm 1:14

Ojɨ gɨ ɨŋ gɨ ɔrɛ gusi kalaŋ nɔm, kan ga cɨndɨge hangaŋ bɨ, kan ga cɨndɨge hangaŋ naŋ bɨ. Kan ga solge hɨnga bɨ kan ga sɨlage hɨnga naŋ bɨ. Gɨ nee le woy a canɨ hɨn̰ tugɨla wo̰.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 10:9

Na cɨndi, hɨn̰ gɨ ji na ya dan̰ kɨbɨn̰ gɨ Jesu naa Ba-gulɔŋ bɨ, hɨn̰ gɨ a ɗugon̰ ji na bɨga kuduron̰ cay nee gɨ Kumu na boyii lɨbii duroy kalaŋ ga madɨrdaŋ gaŋ bɨ na, ji kɨya pɔɗɛ.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

Magtubu di Pol wal bɨn̰ kalaŋ ga Rɔm 4:24

Ama walge ojɨn̰ na cayna na-gandi bɨ. Hɨn̰ gɨ na na bɨga kuduroyna a cay Kumu gɨ ba bɔyɛ Ba-gulondɨna Jesu lɨbii duroy kalaŋ ga madɨrdaŋ gaŋ na, ban kɨya bɨlna leen̰ kalaŋ ga dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

1 Korɛ̰t 1:22

Jubɨn̰əŋ ɨngɨrge na hɨnga ga ɗɨn̰ cɨn̰-kɨɗɨn̰ bɨ, Gɨrɛgn̰əŋ malge na cɨn̰-muɗɔlɛ bɨ.

2 Korɛ̰t 7:10

Kɨya wa ɨle gɨ da ungo gɨ Kumu ay leen̰ gɨye le, kɨya wɔɔ na hal gɨ bɨli gɨ kɨya orɨn̰ dan̰ ungo dobii kɨɗɨn̰ pɔɗɛ gaŋ bɨ, ungo gɨ ɨrɨmde koldi karu naŋ bɨ. Ama ɨle gɨ da ungo gɨ a cay gɨsəŋ gaŋ kɛ, gɨ sɔlɛ ba ɨrgan̰ le, wɔɔ na tɨma.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Epɛs 1:15

Na toy di hɨn̰ wo̰ ma ɨŋ-bandi kalɨn̰ ma, ayɨn̰ toy gɨ ɨŋ ba je kol kuduroygɨŋ ga kɨŋ ba ay bɨn̰ Ba-gulɔŋ Jesu bɨ, kol geye gɨ kɨŋ ba gey kan ga woyge dan̰ cɨndɨge nɔm bɨ na,

Kɔlɔs 2:5

Hɨn̰ gɨ ɨŋ na unɔ duroygɨŋ dan̰ kuyoŋdi-gusɨnɨ kalɨn̰ ma ɨrɨmenɨ woy caygɨŋ. Lee gɨ kɨɗɨn̰ ga kɨŋ som dan̰ gɨyəŋdi bɨ, kɨŋ som a te Kɨris gɨŋ dan̰ aye kudurɔ ɗe osu bɨ le, gusɨnɨ mɔŋ.

Pilemo 1:5

Kɨya wa ɨŋ je kol geye kon̰ bɨ kol aye kudurɔ kon̰ bɨ, gɨ ojɨ cay Ba-gulɔŋ Jesu bɨ, ojɨn̰ cay kan ga woyge dan̰ cɨndɨge nɔm bɨ.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.

1 Ja̰ 5:5

Kɛ, na waŋ ba bɔyɛ kɨmbɨl a cay dɔnɔ ga a cay gɨsəŋ gaŋ ga? Kɛ, na ungo gɨ bee kuduroy cay Jesu gɨ ban naa Kurɨn̰-Kumu le naŋ ga?