Gɨye-lɔɔ 2:46 - Gabri Maja

⁴⁶ Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 2:46 ပူးပေါင်းရင်းမြစ်များ

Matɨyo 6:22

«Tii na lamba da kuyoŋdi-gusɨn̰: Kɨɗɨn̰ ga tɨdɨn̰ na wɨya kuɗa na, kuyoŋdi-gusɨn̰ nɔm kɨya sɔmɛ na duroy asɨn̰a gɨŋ.

Kɔl-gɨ-Ɗari gɨ Lug wal 11:41

Bɨn̰gɨŋ Kumu ɗugoygɨŋ hɨn̰ hɨnga ga ni loon̰ wandɨ wo̰ na, hɨnga nɔm kɨya bɨle arɨn̰a cərərə bɨgɨŋ.

Kɔl-gɨ-Ɗari gɨ Lug wal 24:30

Kɨɗɨn̰ ga ban som dugo danage kɨbɨ dɔɔ gɨŋ na, ban ay dan̰ mapa tor-kɨbi cay nee pa dɨm ma, ƴom boy duroy nee bɨge ƴee.

Kɔl-gɨ-Ɗari gɨ Lug wal 24:53

Ay toy a boy wɔlɛdi gɨ nee gɨŋ le, kan ɨrege dan̰ wɔlɛ pɨna pɨna a duroy gulɔŋ ƴaa-di-da-Kumu dɨŋ, kɨya hɨramɨn̰ge Kumu.

Gɨye-lɔɔ 16:34

Ban orɨn̰ dan̰ Pol bɨ, Sɨlas bɨ, a tayi. Bɨ bɨge hɨnga ga ni dɔɔ diige bɨ, leen̰ge gusi-mɔwa dan̰ ka-ƴaadi, kɨya cay bɔgɛ gɨ kan bee kuduroyge cay Kumu.

Gɨye-lɔɔ 2:42

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Gɨye-lɔɔ 20:7

Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

Gɨye-lɔɔ 3:1

Wɔlɛ gɨ pɨna wo̰, Pɨyɛr dan̰ Ja̰ ɨre nayge kɨya ɔrɛ boy duroy gulɔŋ ƴaa-di-da-Kumu dɨŋ, kɨya olɨn̰ Kumu dan̰ tɨwa sɨbɨ di ni borundo.

Gɨye-lɔɔ 5:21

Kan jege kɔl gɨ da ba-ƴɔbɛ gɨ daa nii le, lee gɨ kan andaŋge dan̰ jogɨɗu cururu, orge ɨre duroy gulɔŋ ƴaa-di-da-Kumu dɨŋ, kɨya gɨlɨn̰ kalaŋ hɨnga. Mangɨl gɨ da ka-cay ka-bɔgɛ kɨbar ɨrga bugoŋ ɨni na, ban bɨ, kalaŋ ga danayi bɨ, teege ka-bɔyɛ kɔl ga gɨmdəŋ ga da kalaŋ ga ni Jubɨ bɨ, kan ga muɗoldoŋ ga da te wɨn̰je gɨ da Ɨsɨrayɛln̰əŋ bɨ, dayɨn̰ge cayge pɨna bɨ, gɨyge kardi ka-gɨre-gɨye ga woyge ƴaa dangay dɨŋ le, ɗe kan na ɨrgan̰ danage.

Gɨye-lɔɔ 5:42

Kan gɨlɨn̰ kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Jesu-Kɨris bɨ, dan̰ wɔlɛ pɨna pɨna a duroy gulɔŋ ƴaa-di-da-Kumu dɨŋ bɨ, a duroy ƴaadɨge dɨŋ bɨ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 10:16

Kɨŋ ɨrɨm a cay kobo gɨ ni tɔrɛ-kɨbɨ gɨ ni ba leen̰ Kumu ho’o koldɨge le: Kɨɗɨn̰ ga na ba si hɨnga ga boy nee le kɛ bɨgana pɨna dan̰ kɨbardi Kɨris le naŋ ga? Bɨ mapa di na ba boy dugo le: Kɨɗɨn̰ ga na ba di le kɛ bɨgana pɨna dan̰ kuyoŋdi Kɨris le naŋ ga?

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

Epɛs 6:5

Kɨŋ ga ni gɔyɔŋ jagɨŋ kɔl kɨbɨ ka-gulondɨgɨŋ ga cay gɨsəŋ gaŋ bɨ, bɨgagegɨŋ kɔl bɨ, hurɔmɔ bɨ. Laagɨŋ gɨye bɨge dan̰ kuduroygɨŋ ga pɨna, hɨn̰ gɨ kɨŋ ba leen̰ gɨye bɨn̰ Kɨris wo̰ bɨ.

Kɔlɔs 3:22

Ay kɨŋ gɔyɔŋ, jagɨŋ kɔl kɨbɨ ka-gulondɨgɨŋ ga a cay gɨsəŋ gaŋ kɛ mɨjag mɨjag. Laagɨŋ gɨye mɨjag mɨjag, na kɨya cay cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama laagɨŋ na dan̰ kuduroygɨŋ ga pɨna kɨya wa kɨŋ hɨndar na Kumu.