Gɨye-lɔɔ 2:40 - Gabri Maja

⁴⁰ Pɨyɛr yege kɔl gɨ ɗaŋ dan̰ kondi kɨya boyge jɨgan̰ ɗe kan na ayan̰ kuduroyge, kɨya dobɨn̰ bandɨ kuduroyge bɨ, yege hɨn̰: «Ƴagɨŋ pɔɗɛ gɨ da Jesu agɨŋ andɨn̰ duroy kalaŋ ga ka-lɔɔ terɨn̰ ga haw kɛ coŋ.»

Gɨye-lɔɔ 2:40 ပူးပေါင်းရင်းမြစ်များ

Matɨyo 12:34

Kɨŋ te wɔɔ gɨ da karɨn̰ karin̰əŋ le kɨŋ ɨsɨndəŋ, ma hɨn̰ wo̰ na, na mɨna ma magɨŋ gɨ ɓale yɔ kɔl gɨ ɗari ga? Kɨya wa na kɔl gɨ wanɨn̰ kuduroy ungo jɨŋ jɨŋ ba basaŋ doŋ kɨbi.

Matɨyo 16:4

Te kalaŋ ga haw kɛ ga ɨsɨn bɨ, ga ka-bɨle kardɨge bɨn̰ Kumu bɨ, malge na sɔlɛ-hɨnga ga ɗɨn̰ cɨn̰-kɨɗɨn̰. Ama kan kɨya lɔɔ hɨnga ga ɗɨn̰ cɨn̰-kɨɗɨn̰ ga ɗaŋ bɨge naŋ, na ga da Jonasɨ pɨna hage ƴɔbɨ.» Kardi nee ban say ɗege, orɨn̰ kɨɗɨn̰ ga ɗaŋ gaŋ.

Matɨyo 17:17

Ɨni na, Jesu ay kɔl yege hɨn̰: «Kɨŋ te kalaŋ ga aye kudurɔ kogɨŋ unɔ bɨ kɨŋ na ka-masa bɨ! Kɛ, ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ga? Kɛ, na ca mɨna ma maŋ kɨya haye kuduronɨ caygɨŋ ga? Ɨren̰gɨŋ danayi bəŋ kɛ.»

Matɨyo 23:33

Kɨŋ na kumbulo, te wɔɔ gɨ da karɨn̰-kari! Tɨwa di ni gehɛn na hɨnga ga ni gɨle-cɨn̰ ga kɨya loogɨŋ, kɨya cay ɨsɨna kogɨŋ le. Kɨŋ kɨya ɓale mɨn̰e na mɨna ga?

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Lug wal 16:28

kɨya wa karmɨnɨ won̰ge bay baage nee. Kuɗa gɨ ban ɨra halage ɗe kan kalɨn̰ ma da ɨrgage a kɨɗɨn̰ ga ni mɨrɨn̰tɨn̰i ga kɛ gaŋ le naŋ ɨni.”

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Kɔl-gɨ-Ɗari gɨ Ja̰ wal 21:25

Jesu lee hɨnga ga ɗaŋ kondɨ nee coŋ. Hɨn̰ gɨ kan na walage hɨnga ga nee le pɨna pɨna nɔm duroy magtubu dɨŋ na, ɨŋ ɨrɨm gɨ kɨɗɨn̰ ga cay gɨsəŋ gaŋ nɔm kɨya ɓale gɨ ni bogɨn̰ magtubu di kɛ le nɔm boy nee naŋ.

Gɨye-lɔɔ 10:42

Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ.

Gɨye-lɔɔ 15:32

Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 20:11

Pol jogɨ nɔɔ daa a cay ƴaa gɨŋ boy mapa dii danani. Kardi nee na, ban say dor kɔl bɨrɨŋ andɨn̰ te kɨɗɨn̰ dɨm ma san̰ orɨn̰ tɨrga toyi ƴee.

Gɨye-lɔɔ 20:2

Ban kayde cay gɨsəŋ ga nee le bɨ, dobɨ bandɨ gɨɗaŋ kuduroy ka-aye kudurɔ ga somge nee. Ban say nee or bɨrɨŋ bugoŋ a cay gɨsəŋ ga Gɨrɛs gaŋ.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 20:9

Marɨna gɨ pɨna wo̰ gɨ gusondi na Etis som a cɨn̰ holoŋdi ƴaa gɨŋ. Kɨɗɨn̰ ga Pol dor kɔl kardi sɨngɨɗɨ tɔgɨ na, kuŋ ƴom cɨn̰ marɨna le, lee gɨ ban woy kuŋ sɨlag bɨ, ban sɨroŋ cɨn̰ holoŋdi ƴaa gɨ woy cay mɨgay gɨ sɨbɨdi gɨŋ daa le ba vbib dugo. Kɨɗɨn̰ ga kan ɨrga age na ayi daa na, kan wayge na tɨmaydi.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 6:17

Na toy di hɨn̰ wo̰ ma Ba-gulɔŋ Kumu ye hɨn̰: «Andaŋgɨŋ duroy kalaŋ ga nee le coŋ, Dɨragɨŋ gusɨgɨŋ coŋ gusɨge, Cɨlegɨŋ hɨnga pɨna wo̰ ga lee kɨni naŋ, Ɨni na ɨŋ kɨya ƴomgɨŋ gusɨnɨ.»

Galad 5:3

Ɨŋ jɨga ye kɔl gɨ kɛ le ɗaŋ coŋ, gɨ waŋ waŋ gɨ na ɗa gusi gɨ kan na walayi ban̰a, dan̰ wale ban̰a dan̰ te gɨyəŋ gɨ da gasɨn̰-kɔl gɨ da Moyis na, ojɨ gɨ ban gɨ lɔɔ kɨbɨ gasɨn̰-kɔl nɔm dɨɗe.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

1 Tesalonigɨ 2:11

Hɨn̰ gɨ kɨŋ ba sol le, hɨnga ga ni ba lee danagɨŋ le, woy na hɨn̰ hɨnga ga karɨn̰aŋ ban̰an̰ge ba lee dan̰ karɨndɨge wo̰.

1 Timote 4:16

Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.