Gɨye-lɔɔ 2:4 - Gabri Maja

⁴ Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 2:4 ပူးပေါင်းရင်းမြစ်များ

Matɨyo 10:19

Kɨɗɨn̰ ga kan kɨya ƴomgɨŋge orɨn̰ge danagɨŋ kɨɗɨn̰ bɔyɛ kɔl gaŋ na, ɗɔɔgɨŋ ɗugoygɨŋ algɨŋ kɛ na koldi wa ma magɨŋ kɨya yɔ ga, naŋ bɨ, cay jɨba di ni yon̰ naŋ bɨ, kɨya wa Kumu kɨya bɨgɨŋ kɔl gɨ ni yɔ a tɨwadi di nee dɨŋ le.

Marg 16:17

Kalaŋ ga na bɨgage kuduroyge cay nee na, kɨya lɔɔge hɨnga ga ɗɨn̰ cɨn̰-kɨɗɨn̰ ga ba kɛ: “Kan kɨya taye turnɔ ga ɨsɨndəŋ dan̰ gusonɨ bɨ, kɨya yɔɔge kɔl dan̰ kɨbɨ gɨ hɨrɨwa bɨ.

Kɔl-gɨ-Ɗari gɨ Lug wal 1:15

Kɨya wa ban kɨya bɨləŋ ungo gɨ gumu tumoyi Ba-gulɔŋ. Ban kɨya sɔɔ cɛrɛ di suru naŋ bɨ, kɨya sɔɔ cɛrɛ gɨ ɗaŋ gɨ man̰i naŋ bɨ. Turnɔ ɗe-kuduroy-bɛrɛ kɨya ƴɔɔ kuduroy pɨl pɨl kɨɗɨn̰ ga ban ba baan̰ a kuduroy ƴoyi ƴee le.

Kɔl-gɨ-Ɗari gɨ Lug wal 1:41

Kɨɗɨn̰ ga Elijabɛd je noy lapɨya di da Mari le na, kɨye gɨ a kudurɔɔ le, say lee gusi guɗu guɗu daa a kudurɔɔ. Bɨ Turnɔ ɗe-kuduroy-bɛrɛ ƴee Elijabɛd guso.

Kɔl-gɨ-Ɗari gɨ Lug wal 1:67

Turnɔ ɗe-kuduroy-bɛrɛ ƴee kuduroy Jagari gɨ ni kɨye bayi le pɨl pɨl, lee gɨ ban ye-kɔl-gɨ-Kumu-ba-yɔɔ hɨn̰:

Kɔl-gɨ-Ɗari gɨ Lug wal 12:12

Kɨya wa na Turnɔ ɗe-kuduroy-bɛrɛ le ba kɨya gɨlgɨŋ kɔl gɨ kɨŋ kɨya yɔ a boy tɨwadi di nee le.»

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Kɔl-gɨ-Ɗari gɨ Lug wal 4:1

Kɨɗɨn̰ ga Jesu sayga kɨbɨ kuray gɨ teeyige Jurdḛ gɨŋ na, Turnɔ ɗe-kuduroy-bɛrɛ ƴee gusi nɔm. Turnɔ di da Kumu golii orɨn̰ danayi duroy daldɨŋ.

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 20:22

Kɨɗɨn̰ ga ban ye kɔl gɨ nee le hɨn̰ wo̰ ɨni na, ban pɨye habe cayge puu bɨ yege hɨn̰: «Ƴagɨŋ Turnɔ ɗe-kuduroy-bɛrɛ!

Gɨye-lɔɔ 1:5

Kɨya wa Ja̰ leen̰ kalaŋ batɛm na duroy kaŋ gaŋ, ama baa wɔlɛ dḛ wo̰ gɨ Kumu kɨya loogɨŋ batɛm da Turnɔ ɗe-kuduroy-bɛrɛ.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 10:46

Kɨya wa kan jege noyge di kan yen̰ kɔl dan̰ kɨbɨ gɨ da kalaŋ ga ɗaŋ bɨ, dɨbɨn̰ge gusoŋ-tɔgɛ a cay Kumu bɨ. Ɨni na, Pɨyɛr yege hɨn̰:

Gɨye-lɔɔ 10:47

«Kalaŋ ga ba kɛ le, wayige Turnɔ ɗe-kuduroy-bɛrɛ hɨn̰ na-gandi wo̰ bɨ, kɛ ungo gɨ ɓale nare gɨ kan na laage batɛm coŋ ga?»

Gɨye-lɔɔ 11:15

Kɨɗɨn̰ ga ɨŋ ay te kɔl kɨya yɔ ƴee bɨ ga ma, Turnɔ ɗe-kuduroy-bɛrɛ gɨsɨn cayge hɨn̰ gɨ ba gɨsɨnɨn̰ cayna cay wase le wo̰ bɨ.

Gɨye-lɔɔ 11:24

Kɨya wa Barnabas na ungo gɨ kuɗa bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ, aye kudurɔ koyi man̰edi unɔ bɨ. Na toy di hɨn̰ wo̰ ma, kondɨwadi kalaŋ beege kuduroyge cay Ba-gulɔŋ bɨ, dayaŋge dan̰ ka-aye kudurɔ bɨ.

Gɨye-lɔɔ 13:52

Naa hɨn̰ wo̰ kalɨn̰ ma, ka-aye-cay-tɨbay Jesu somge dan̰ gusi-mɔwa bɨ, Turnɔ ɗe-kuduroy-bɛrɛ ƴee kuduroyge pɨl pɨl nee bɨ.

Gɨye-lɔɔ 13:9

Kɨɗɨn̰ ga nee le Turnɔ ɗe-kuduroy-bɛrɛ ƴee kuduroy Sol gɨ kan teeyige Pol le pɨl pɨl, lee gɨ ban si cɨndi jɛr jɛr cayi,

Gɨye-lɔɔ 15:8

Ɨni na, Kumu gɨ ba sɔlɛ kuduroy kalaŋ le, lee tɨmon̰ kol cayge. Na toy di hɨn̰ wo̰ ma ban bɨge Turnɔ ɗe-kuduroy-bɛrɛ, hɨn̰ gɨ ban ba bɨna na-gandi wo̰ bɨ.

Gɨye-lɔɔ 19:6

Pol dɨbɨ kobi cayge ɨni na, Turnɔ ɗe-kuduroy-bɛrɛ gɨsɨn cayge. Kɨɗɨn̰di ga nee gaŋ le, kan say ye kɔl dan̰ kɨbɨ gɨ toyi kan̰di kan̰di bɨ, yen̰ge-kɔl-gɨ-Kumu-ba-yɔɔ bɨ.

Gɨye-lɔɔ 2:11

Kalaŋ ga ni Jubɨ ga ka-ƴaa bɨ, kan ga bɨle gusɨge Jubɨ bɨ, kan ga Kɨrɛtɨ bɨ, Arabɨn̰əŋ bɨ. Naa hɨn̰ wo̰ kalɨn̰ ma kalaŋ ga nee le, dorge te hɨnga lɔɔ ga da Kumu ga ɗɨn̰ cɨn̰-kɨɗɨn̰, ɗe gɨ na jegɨŋ dan̰ kɨbɨ wɔɔdɨnagɨŋ.

Gɨye-lɔɔ 2:3

Ɨni na, kan solge hɨnga andɨdaŋ gɨlɨn̰ hɨn̰ kɨlen̰ tɨwa wo̰ busdoŋ bɨ, sugudɔŋ cayge pɨna pɨna nɔm bɨ.

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Gɨye-lɔɔ 4:8

Kɨɗɨn̰ ga nee le bɨ, Turnɔ ɗe-kuduroy-bɛrɛ ƴee kuduroy Pɨyɛr pɨl pɨl bɨ, ban dɨbɨge cay nee yege hɨn̰:

Gɨye-lɔɔ 6:3

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Gɨye-lɔɔ 6:5

Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Gɨye-lɔɔ 6:8

Etɛn na ungo gɨ ɗarwa di da Kumu bɨ, dɔnɔ di da Kumu bɨ, ƴee gusi pɨl pɨl. Ban lee hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli ga gɨmdəŋ duroy karɨn̰ Ɨsɨrayɛl bɨ.

Gɨye-lɔɔ 7:55

Ama ban na, Turnɔ ɗe-kuduroy-bɛrɛ ƴee kuduroy pɨl pɨl. Ban ay cɨndi solɨn̰ gɨɗɨgɨ-Kumu ɨni na, sol asɨn̰a gɨ da Kumu bɨ, sol Jesu ɨre dan̰ tɨbay daa a cay kobɨ Kumu gɨ bara gɨŋ bɨ.

Gɨye-lɔɔ 8:17

Lee gɨ Pɨyɛr dan̰ Ja̰ dɨbɨge kobɨge cayge ɨni na, kan wan̰ge Turnɔ ɗe-kuduroy-bɛrɛ.

Gɨye-lɔɔ 9:17

Ananɨyas andaŋ or ƴen̰ or dɨbe kobi cayi bɨ yey hɨn̰: «Kurnɨ Sol, Ba-gulɔŋ Jesu gɨ andaŋ can̰ a te gɨyəŋ gɨŋ gɨ ji ba ɨrgan̰ le, ban ba gɨyigəŋ ɗe gɨ cɨndɨn̰ na jɨga sɨla kɨɗɨn̰ bɨ, ɗe Turnɔ ɗe-kuduroy-bɛrɛ na ƴa kuduron̰ pɨl pɨl bɨ.»

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

1 Korɛ̰t 12:10

bɨn̰ ungo gɨ ɗaŋ dɔnɔ di ni loon̰ beli bɨ, bɨn̰ ungo gɨ ɗaŋ dɔnɔ di ni yon̰ kɔl-gɨ-Kumu-ba-yɔɔ bɨ, bɨn̰ ungo gɨ ɗaŋ coŋ dɔnɔ di ni dorɨn̰ cɨn̰ turnɔn̰əŋ bɨ, bɨn̰ ungo gɨ ɗaŋ dɔnɔ di ni yon̰ kɔl dan̰ kɨbɨ gɨ toy kan̰di kan̰di gɨ ungo sɨla naŋ bɨ, bɨn̰ ungo gɨ ɗaŋ coŋ dɔnɔ di ni solɨn̰ duroy kɨbɨ gɨ ungo sɨla naŋ gɨ toy kan̰di kan̰di gɨ nee le bɨ.

1 Korɛ̰t 13:1

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

1 Korɛ̰t 13:8

Wandɨ kɨya kaɗɨn̰e naŋ bɨrɨŋ. Te yɔɔ-kɔl-gɨ-Kumu-ba-yɔɔ kɨya ayaŋ bɨ. Wɔlɛ kɨya caga gɨ dɔnɔ di ni yon̰ kɨbɨn̰əŋ ga ungo sɨla toyge naŋ kɨya ayaŋ bɨ, wɔlɛ kɨya caga gɨ te sɔlɛ-hɨnga kɨya kaga bɨ.

1 Korɛ̰t 14:18

Ɨŋ leen̰ Kumu ho’o kɨya wa ɨŋ ye kɨbɨ gɨ ungo sɨla naŋ ɗɨgɨŋ kɨŋ-gandi nɔm.

1 Korɛ̰t 14:5

Ɨŋ gey tɔgɨ gɨ kɨŋ-gandi nɔm kɨŋ na ya kɨbɨ gɨ ungo sɨla naŋ. Ama hɨn̰ gɨ kɨŋ na ya-kɔl-gɨ-Kumu-ba-yɔɔ na kɨya mɔŋ tɔgɨ cɨla nee ƴee coŋ. Ba-yɔɔ-kɔl-gɨ-Kumu-ba-yɔɔ ɗɨn̰ ba yɔ kɨbɨ gɨ ungo sɨla naŋ. Ama hɨn̰ gɨ ba yɔ kɨbɨ gɨ ungo sɨla naŋ na dɨra duroy kɔl le ɗe jɨbɨn̰ te Ka-Daye nɔm na, ba-yɔɔ-kɔl-gɨ-Kumu-ba-yɔɔ ɗii naŋ

Epɛs 3:19

Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.

Epɛs 5:18

Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

Epɛs 6:18

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

2 Pɨyɛr 1:21

Kɨya wa na kuduroy geye gɨ da ungo ba andɨn̰ dan̰ kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ naŋ, ama na kol jɨbe gɨ Turnɔ ɗe-kuduroy-bɛrɛ ba jɨbɨge ma kalaŋ yen̰ge kɔl gɨ Kumu ɗe kɨbɨge le.