Gɨye-lɔɔ 2:32 - Gabri Maja

³² «Jesu ban gɨ nee le, Kumu boyi lɨbii bɨ, na-gandi nɔm na soliigɨŋ dan̰ cɨndɨnagɨŋ bɨ, nana tɨmon̰ kayi bɨ.

Gɨye-lɔɔ 2:32 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 13:30

Ama Kumu boyi lɨbii duroy kalaŋ ga madɨrdaŋ gaŋ.

Gɨye-lɔɔ 13:33

Ma ban lee hɨnga ga nee le haw kɛ bɨni ni-gandi kongɨn̰ii. Kɨya wa Jesu gɨ ba ma le, ban boyi lɨbii duroy kalaŋ ga madɨrdaŋ gaŋ, hɨn̰ gɨ kan ba walge a duroy magtubu sɔɔdo dɨŋ da Kɨbe-Kɨra Sɔm le. Walge yege hɨn̰: “Ji na kuronɨ, Ayɨn̰ toy labɨde na, ɨŋ na ban̰.”

Gɨye-lɔɔ 17:31

Kɨya wa ban boy wɔlɛ gɨ ban kɨya bon̰ kɔl dan̰ gɨyəŋdi cay kalaŋ nɔm ga a cay gɨsəŋ gaŋ le. Ban kɨya bɔyɛ kɔl cay kalaŋ dan̰ gɨyəŋ gɨ da ungo gɨ ban dorii ɗeyi. Ungo le ma ama ban boyi lɨbii, gɨlɨn̰ kalaŋ nɔm gɨ ban na kɨya bɔyɛ kɔl na dan̰ gɨyəŋ gɨ da ungo gɨ nee le, leen̰ cɨndi.»

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Gɨye-lɔɔ 3:26

Na kɨya caygɨŋ ma Kumu dor marɨna ba-gɨye koyi gɨygi kɨya caygɨŋ pa dɨm ma kɨya torɨn̰-kɨbi caygɨŋ bɨ, kɨya bɨlɨn̰ waŋ waŋ kalɨn̰ ma a kɨbɨ gɨye-lɔɔdi gɨ ɨsɨni gɨŋ coŋ bɨ.»

Gɨye-lɔɔ 4:10

Naa hɨn̰ wo̰ na, kuɗa gɨ kɨŋ nɔm sɨla bɨ. Kuɗa gɨ te wɨn̰je gɨ da Ɨsɨrayɛl nɔm sɨlage bɨ. Jesu-Kɨris gɨ Najarɛt gɨ kɨŋ ba gagɨli cay sɨya-gɨ-dagɨli gɨŋ ma, Kumu ba boyi lɨbii duroy kalaŋ ga madɨrdaŋ gaŋ le. Na kɨya cayi bɨ, cay gusondi bɨ, ma ba-modo gɨ kɛ le wan̰ pɔɗɛ ɨrɨn̰ daa tumoygɨŋ kɛ.

Gɨye-lɔɔ 4:33

Ka-gɨre-gɨye dorge te kɔl leen̰ tɨmon̰ bɔyɛ lɨbe gɨ da Ba-gulɔŋ Jesu, dan̰ dɔnɔ di gumu bɨ kan nɔm le, Kumu lee ɗarwa danage tɔgɨ bɨ.

Gɨye-lɔɔ 5:30

Kumu gɨ da mon̰inagɨŋ le boy Jesu gɨ kɨŋ ba gagɨli cay sɨya-gɨ-dagɨli gɨŋ dɨɗii le lɨbii.

1 Korɛ̰t 15:15

Hɨn̰ gɨ kalaŋ ga mage na kɨya bɔyɛge lɨbe leen̰ cɨndi naŋ na, ni na ka-lɔɔ tɨmon̰ gɨ da Kumu gɨ leen̰ cɨndi naŋ, kɨya wa ni poy kɔl si kɨbɨ Kumu ye hɨn̰: «Kumu na boy Kɨris lɨbii, ama ban bɨyayi lɨbii naŋ.»

1 Korɛ̰t 6:14

Ama Kumu gɨ ba bɔyɛ Ba-gulɔŋ lɨbe le, hɨn̰ gɨ ni na mara kalɨn̰ ma, ban kɨya boyni lɨbɨni dan̰ gɨyəŋ gɨ da dɔnɔ toy bɨ.

2 Korɛ̰t 4:14

Kɨya wa ungo gɨ ba bɔyɛ Ba-gulɔŋ lɨbii le ni sol gɨ ni-gandi kalɨn̰ ma, ban kɨya boyni lɨbni dan̰ Jesu pɨna bɨ, kɨya ɗoni a gusi mɨnde pɨna danagɨŋ bɨ.

Galad 1:1

Na ɨŋ-bandi Pol ba-gɨre-gɨye, ba gɨyɨn̰ dan̰ magtubu di kɛ le. Ɨŋ gɨr gɨye na dan̰ te tumɔ da kalaŋ naŋ bɨ, dan̰ kuduroy geye koge naŋ bɨ, ama na dan̰ te tumɔ da Jesu-Kɨris bɨ, da Bayna Kumu gɨ boyi lɨbii duroy kalaŋ ga madɨrdaŋ gaŋ bɨ.

Epɛs 1:20

kɨɗɨn̰ ga ban boyi lɨbii duroy kalaŋ ga madɨrdaŋ gaŋ bɨ, ayi orɨn̰ danayi gɨɗɨgɨ-Kumu gɨŋ orɨn̰ si cay kobi gɨ bara gɨŋ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.