Gɨye-lɔɔ 2:23 - Gabri Maja

²³ Gɨlmi gɨ nee le, kɨŋ dobii kobɨ ka-lɔɔ terɨn̰ ɗe kan dɨɗiige a cay sɨya-gɨ-dagɨli gɨŋ, dan̰ gɨyəŋ gɨ Kumu ojɨ jɨne hayi.

Gɨye-lɔɔ 2:23 ပူးပေါင်းရင်းမြစ်များ

Matɨyo 20:19

kɨya dobiige kobɨ kalaŋ ga toyge na Jubɨ naŋ ɗe na asiige bɨ, kɨya somdiige dan̰ bɨraw bɨ, kɨya gagɨliige cay sɨya-gɨ-dagɨli gɨŋ bɨ ɗe na marɨn̰. Ama wɔlɛ sɨbɨdi gɨŋ ɨni na, ban kɨya bɔyɛ lɨbe.»

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Matɨyo 27:35

Kɨɗɨn̰ ga kan gagɨliige a cay sɨya-gɨ-dagɨli gɨŋ coŋ ɨni na, asɨgarn̰əŋ lobɨge badɨge kayi gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ.

Marg 15:24

Kardi nee ɨni na, kan gagɨliige a cay sɨya-gɨ-dagɨli gɨŋ bɨ, asɨgarn̰əŋ lobge badɨge kayi gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ, kɨya solɨn̰ge ungo gɨ kɨya ƴɔɔ badɨge kayi le.

Kɔl-gɨ-Ɗari gɨ Lug wal 22:22

Ho’o, kɨya wa ɨŋ-bandi Kurɨn̰-ungo le, ɨŋ kɨya mare hɨn̰ gɨ Kumu ba ojɨ wo̰, ama cɨn̰-n̰age kɨya bɔɔ cay ban gɨ ba-aye canɨ.»

Kɔl-gɨ-Ɗari gɨ Lug wal 22:37

Kɔl gɨ nee le kɨya ɔrɛ kɨɗɨn̰di gaŋ kol canɨ kɨya gɨ kan walge duroy Magtubu di da Kumu dɨŋ yege hɨn̰: “Kan ɗongɨsiige pɨna dan̰ ka-lɔɔ ɨsɨna.” Na cɨndi kɔl gɨ walge kol canɨ le kɨya ɔrɛ kɨɗɨn̰di gaŋ.»

Kɔl-gɨ-Ɗari gɨ Lug wal 23:33

Kɨɗɨn̰ ga kan bugoŋge a kɨɗɨn̰ ga kan teege naa «isi ca» gaŋ na, kan gagɨliige a cay sɨya-gɨ-dagɨli gɨŋ daa, dan̰ ka-kuduroy-ɨndɨwa won̰ge sɔɔ a cay sɨya-gɨ-dagɨli koge gɨŋ bɨ. Pɨna a cay kobi gɨ bara gɨŋ bɨ, pɨna a cay kobi gɨ masa gɨŋ bɨ.

Kɔl-gɨ-Ɗari gɨ Lug wal 24:20

Ka-cay ka-bɔgɛ kɨbar kani nɔm, dan̰ ka-cay ka-dɔrɛ tumoyni ƴomiige dobiige kobɨ kalaŋ ga Rɔm, boyge kɔl tɨma si cay bɨ, asɨgarn̰əŋ gagɨli cay sɨya-gɨ-dagɨli gɨŋ bɨ.

Kɔl-gɨ-Ɗari gɨ Ja̰ wal 19:18

Kan gagɨliige a cay sɨya-gɨ-dagɨli gɨŋ. Na a kɨɗɨn̰ ga nee gaŋ le ma kan gagɨldege kalaŋ ga pɨna wo̰ won̰ge sɔɔ a cay sɨya-gɨ-dagɨli koge gɨŋ danayi. Pɨna a cay kobi gɨ bara gɨŋ bɨ, pɨna a cay kobi gɨ masa gɨŋ bɨ, ban duroyge.

Kɔl-gɨ-Ɗari gɨ Ja̰ wal 19:24

Ɨni na, asɨgarn̰əŋ yen̰ge gusɨge kɔl duroyge yege hɨn̰: «Gumɔjɨ le sagɨdenagɨŋ naŋ, ama jɨbɨnagɨŋ ɓɛlɛ ana solɨn̰gɨŋ, ungo gɨ ɓɛlɛ na ƴɨmayi na, ɗe ay.» Lee gɨ kɔl gɨ kan walge duroy Magtubu Kɨbe-Kɨra dɨŋ le, na or a kɨɗɨn̰di gaŋ, kɔl le ba kɛ: «Kan gosɨnɨn̰ge gusɨge badɨge kange bɨ, Jɨbɨge ɓɛlɛ a cay gumɔjɨ hɨnge gɨ ƴen̰ gɨŋ bɨ.» Na ban ma na hɨnga ga asɨgarn̰əŋ leege le.

Gɨye-lɔɔ 13:27

Kalaŋ ga Jerusalɛm bɨ, kɛrɨmbɛlɛŋ kage bɨ, sɨlage gɨ Jesu le naa Kɨris ban gɨ Kumu dorii kɨya poɗɨge le naŋ. Kan sɨlage te kɔl gɨ da ka-yɔɔ-kɔl-gɨ-Kumu-ba-yɔɔ, gɨ kalaŋ ba ɨre ɗongɨsɨge dan̰ wɔlɛ dɔrɛ gɨlale gɨ da Jubɨ nɔm le naŋ bɨ, kan say boyge kɔl gɨ ni tɨma cayi. Na hɨn̰ wo̰ ma kan leen̰ge hɨnga ga kan ba walge koldɨge, duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ojɨn̰ cayi le.

Gɨye-lɔɔ 15:18

Sɨlagɨŋ kɔl gɨ Ba-gulɔŋ ba ye le ba kɔ. Hɨnga ga ban ba lee haw kɛ le, Na hɨnga ga ban ƴom cay tɨbayge na jɨne hage.”»

Gɨye-lɔɔ 2:36

«Hɨn̰ wo̰ na, kuɗa gɨ waŋ waŋ gɨ a te wɨn̰je gɨ da Ɨsɨrayɛl sɨla kɔl gɨ kɛ le kuɗa: Jesu gɨ kɨŋ ba gagɨlii a cay sɨya-gɨ-dagɨli gɨŋ le, na ban ma Kumu bɨlii Ba-gulɔŋ bɨ, Kɨris ban gɨ Kumu dorii nee bɨ.»

Gɨye-lɔɔ 3:18

Kumu ye tumɔ dan̰ noy ka-yɔɔ-kɔl-gɨ-Kumu-ba-yɔɔ nɔm, gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰. Na hɨnga ga nee le ma ban lee ɗe or kɨɗɨn̰dɨge gaŋ.

Gɨye-lɔɔ 4:28

Kan leege hɨnga nɔm ga ji ba ojɨ tumɔ dan̰ dɔnɔ ton̰ bɨ, dan̰ kuduroy geye kon̰ bɨ le.

Gɨye-lɔɔ 5:28

«Ni nargɨŋ gɨlɨn̰ kalaŋ kɔl dan̰ guson̰ ungo gɨ nee le bɨ, ni yəgɨŋ koldi arɨn̰ carara bɨ. Ama ba woy kɛ na, kɨŋ gɨlɨn̰ kalaŋ kɔl ɗe ƴee kɨɗɨn̰ cay ƴaa-di-gumu di Jerusalɛm nɔm bɨ, kɨŋ dar gɨ ɗe kɨbardi ungo gɨ nee le, na jɨge ƴɨma cayni bɨ.»

Gɨye-lɔɔ 5:30

Kumu gɨ da mon̰inagɨŋ le boy Jesu gɨ kɨŋ ba gagɨli cay sɨya-gɨ-dagɨli gɨŋ dɨɗii le lɨbii.

Gɨye-lɔɔ 7:52

Na ka-yɔɔ-kɔl-gɨ-Kumu-ba-yɔɔ ga ani ma mon̰igɨŋ dɨle gɨlge cɨn̰ ga? Kan dɨɗɨge ka-yɔɔ-kɔl-gɨ-Kumu-ba-yɔɔ ga teege bɛrnɛ caga gɨ da marɨna ba-gɨye koyi Kɨris, gɨ gɨye-lɔɔdi or dan̰ durɔ ɗɨngar bɨge. Bɨ kɨɗɨn̰ ga ban caga ɨni na, kɨŋ ay cayi bɨ, dɨɗii coŋ bɨ.

Magtubu di Pol wal bɨn̰ kalaŋ ga Rɔm 2:12

Kalaŋ nɔm ga ba leege ɨsɨna dɨle sɔlɛge gasɨn̰-kɔl gɨ da Moyis le, Kumu kɨya bɔyɛ kɔl tɨma cayge, ama na dan̰ gɨyəŋ gɨ da gasɨn̰-kɔl gɨ da Moyis naŋ. Ama kalaŋ nɔm ga ba leege ɨsɨna a te gasɨn̰-kɔl gɨ da Moyis gaŋ le, kɨya bɔyɛge kɔl cayge na dan̰ gɨyəŋ gɨ da gasɨn̰-kɔl bɨ.

Magtubu di Pol wal bɨn̰ kalaŋ ga Rɔm 4:17

Na hɨn̰ gɨ ba walge a duroy Magtubu di da Kumu dɨŋ ye hɨn̰: «Na ji-bandi ma maŋ lee gɨ ji bɨle mon̰ gɨ da te wɔɔ gɨ da kalaŋ ga dan̰ kondiige.» Ban na mon̰dɨna a cɨn̰ Kumu gɨ ban bee kuduroy cayi, gɨ ba bɨn̰ kalaŋ ga mage sɔmɛ gɨ bɨra bɨ, ba andɨn̰ dan̰ hɨnga ga unɔ bɨ.

1 Tesalonigɨ 2:15

Jubɨn̰əŋ ga nee le, kan naa ba dɨɗege Ba-gulɔŋ Jesu bɨ, ka-yɔɔ-kɔl-gɨ-Kumu-ba-yɔɔ ga tumoyi bɨ, gɨlnige ni-gandi kalɨn̰ ma cɨn̰ tɔgɨ bɨ. Mondɨge kuduroy Kumu bɨ, bɨlege ka-baa ga da kalaŋ nɔm bɨ.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Pɨyɛr 2:8

Bɨ walge duroy Magtubu di da Kumu dɨŋ ɗaŋ coŋ yege hɨn̰: «Na oru gɨ kɨya dɔgɛ tɨbay ungo bɨ, Na garma gɨ kɨya lɔɔ gɨ ungo kɨya bɔɔ bɨ.» Kalaŋ ga nee le, dege tɨbayge oru gɨŋ le na kɨya gɨ kan kan̰ge bɔgɛge kɔl a cay kɔl gɨ da Kumu gɨŋ. Na toy di hɨn̰ wo̰ ma, hɨnga ga kan ojɨ kol cayge le andaŋ cayge.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.