Gɨye-lɔɔ 2:20 - Gabri Maja

²⁰ Tɨwa kɨya ɨndɨwa bɨ, kɨdɨrɛ kɨya yɨlwa hɨn̰ kɨbar wo̰ bɨ, Tumɔ pa dɨm ma wɔlɛ gɨ da Ba-gulɔŋ kɨya caga ƴee. Wɔlɛ gɨ nee le na wɔlɛ gɨ gumu bɨ, Na wɔlɛ gɨ ni gusoŋ-tɔgɛ bɨ.

Gɨye-lɔɔ 2:20 ပူးပေါင်းရင်းမြစ်များ

Matɨyo 24:29

«Lam wo̰ ƴɔbɨ kardi hɨnga ga ni dɔsɛ-ɗugɔ ga da wɔlɛ gɨ nee le na, tɨwa kɨya dɔbɛ ɨndɨwa bɨ, kɨdɨrɛ kɨya asɨn̰e naŋ bɨ, dɛsɨɗɛŋ ga gɨɗɨgɨ-Kumu gɨŋ kɨya laydaŋ dugo bɨ, dɔnɔ di da hɨnga ga gɨɗɨgɨ-Kumu gaŋ kɨya yɨbagdaŋ bɨ.

Matɨyo 27:45

Dan̰ duroy tɨwa di ɨni ɗɨrɨj na, kɨɗɨn̰ buyoŋ ɨndi tɨlɨm. Lee gɨ dɨlɨm ƴee cay gɨsəŋ nɔm bɨrɨŋ gɨsɨn̰ tɨwa sɨbɨ di ni borundo.

Marg 13:24

«Ama boy wɔlɛdi gɨ nee le kardi hɨnga ga ni dɔsɛ-ɗugɔ ga nee le na, tɨwa kɨya dɔbɛ ɨndɨwa tɨlɨm bɨ, kɨdɨrɛ kɨya asɨn̰a naŋ bɨ,

Kɔl-gɨ-Ɗari gɨ Lug wal 21:25

«Hɨnga ga ɗɨn̰ cɨn̰-kɨɗɨn̰ kɨya lɔɔ gusɨge boy tɨwa di daa dɨŋ bɨ, boy kɨdɨrɛ gɨŋ bɨ, boy dɛsɨɗɛŋ gaŋ bɨ. A cay gɨsəŋ gaŋ na, te wɔɔ gɨ da kalaŋ kɨya sɔmɛge dan̰ hundɔrɔ kɨya noy kaŋdi kuray gɨ gumu taa taa gɨ say dan̰ togii bɨ, kɨya mɛw ga te pɨj pɨj bɨ.

Gɨye-lɔɔ 2:19

Ɨŋ kɨya lɔɔ hɨnga ga ni beli gɨɗɨgɨ-Kumu gɨŋ bɨ, Hɨnga ga ɗɨn̰ cɨn̰-kɨɗɨn̰ cay gɨsəŋ gaŋ kɛ bɨ. Kɨbar bɨ, tɨwa bɨ, gusa gɨ say hɨn̰ gɨrɨmbale wo̰ bɨ, Kɨya wɔyɛ.

Gɨye-lɔɔ 2:21

Boy wɔlɛdi gɨ nee le, Waŋ waŋ gɨ na tɨga guson̰ Ba-gulɔŋ na, Kɨya pɔɗɛ.”

1 Korɛ̰t 5:5

Tɨwado di nee dɨŋ le, dɨragɨŋ ungo gɨ nee le duroygɨŋ coŋ, dibiigɨŋ bɨn̰ Sidan. Ɗe gɨye-lɔɔ kuyoŋdi-gusi mundoŋ ama turnoyi way pɔɗɛ a boy wɔlɛ gɨ Ba-gulɔŋ kɨya jɨga.

1 Tesalonigɨ 5:2

Kɨya wa kɨŋ-gandi gusɨgɨŋ kɨŋ sol kuɗa, wɔlɛ gɨ Ba-gulɔŋ kɨya cagan̰ le, kɨya wɔyɛ gɨlɨn̰a na hɨn̰ gɨ da ba-hase gɨ kɨya ɨrga duroy son̰do dɨŋ wo̰.

2 Pɨyɛr 3:10

Wɔlɛ gɨ da Ba-gulɔŋ le, kɨya ɨrga na hɨn̰ gɨ da ba-hase wo̰. Wɔlɛdi gɨ nee le, gɨɗɨgɨ-Kumu dan̰ noy hɨnga ga pɨna wo̰ ga ye lee hundɔrɔ tɔgɨ kɨya kaɗɨn̰a bɛɗ. Hɨnga ga Kumu ɗege ga tɨwa woy boy nee le, kɨya mundoŋge coŋ bɨ, cay gɨsəŋ dan̰ hɨnga nɔm ga boy nee, kɨya unɔge coŋ bɨ.

2 Pɨyɛr 3:7

Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.

Wasɨn̰a 16:8

Ba-ƴɔbɛ gɨ daa nii gɨ cay poɗɨn̰dɨge ɓɨgɨ kobo koyi a cay tɨwa di daa dɨŋ, lee gɨ dɔnɔ di da tɨwa ɓɨgɨ man̰edo a cay kalaŋ ɗe ulge.

Wasɨn̰a 6:12

Kardi nee, ɨŋ sol Kurɨn̰-dɨmangɨ le haŋgɨ tambo di ni jiido na, ɨŋ sol cay gɨsəŋ ay te yɨbagde dan̰ togɨyge jɨg jɨg. Kɨɗɨn̰di ga nee gaŋ le bɨ, tɨwa dobɨ ɨndi tɨlɨm hɨn̰ pir wo̰ bɨ, kɨdɨrɛ bɨle gɨlɨn̰ hɨn̰ kɨbar wo̰ bɨ.