Gɨye-lɔɔ 2:1 - Gabri Maja

¹ Kɨɗɨn̰ ga wɔlɛ gɨ ni leen̰ kɨdɨrɛ gɨ ni Pantekot ɓal ɨni na, kan nɔm dayge cayge kɨɗɨn̰ ga pɨna gaŋ.

Gɨye-lɔɔ 2:1 ပူးပေါင်းရင်းမြစ်များ

Gɨye-lɔɔ 1:5

Kɨya wa Ja̰ leen̰ kalaŋ batɛm na duroy kaŋ gaŋ, ama baa wɔlɛ dḛ wo̰ gɨ Kumu kɨya loogɨŋ batɛm da Turnɔ ɗe-kuduroy-bɛrɛ.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 20:16

Kɨya wa Pol gey pɨde Epɛs dɨle ɨre dugo, kɨya gɨ ban gey nɨngɨdɨde tɔgɨ a cay gɨsəŋ ga Aji gaŋ naŋ. Kɨya wa ban gey ɔrɛ haw dan̰ cɨndi tumɔ. Bɨ hɨn̰ gɨ na uja na, ban gey bugoŋ a cay ƴaa-di-gumu di Jerusalɛm tumoy wɔlɛ gɨ ni leen̰ kɨdɨrɛ gɨ ni Pantekot.

Gɨye-lɔɔ 4:24

Kɨɗɨn̰ ga kan jege kɔl gɨ nee le ɨni na, kan beege noyge pɨna olɨn̰ge Kumu yen̰ge hɨn̰: «Ba-cayni, na ji ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa dan̰ hɨnga nɔm ga woy boy nee bɨ.

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Gɨye-lɔɔ 4:32

Kalaŋ nɔm ga ba ayge kuduroyge le, beege kuduroyge dan̰ ɨrɨmedɨge pɨna. Ungo gɨ ba-lɔɔ hɨnga wɔɔdi leen̰ kayi dan̰ cay gusi unɔ bɨ. Hɨnga nɔm na kage nɔm.

Gɨye-lɔɔ 5:12

Hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ lee gusɨge tɔgɨ, duroy karɨn̰ Ɨsɨrayɛl dan̰ kobɨ ka-gɨre-gɨye. Kan nɔm beege kuduroyge pɨna dayɨn̰ge kɨɗɨn̰ pɨna te dabaŋ gɨ da Salomo gɨŋ, gɨ kan leege dan̰ garma le.

Magtubu di Pol wal bɨn̰ kalaŋ ga Rɔm 15:6

ɗe gɨ kɨŋ-gandi nɔm togɨŋ dɨŋ, kɨŋ na dɨbɨn̰ gusoŋ-tɔgɛ a cay Kumu, Ba-gulondɨna Jesu-Kɨris bayi le.

1 Korɛ̰t 16:8

Ama ɨŋ kɨya sɔmɛ a cay ƴaa-di-gumu di Epɛs dɨŋ kɛ bɨrɨŋ gɨsɨn̰ wɔlɛ gɨ da kɨdɨrɛ gɨ ni Pantekot,

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 2:2

Hɨn̰ wo̰ na, bugoŋgɨŋ pɨna ɗe gusi-mɔwa tɨnge duroŋ cɨrɛɗ. Kuɗa gɨ geye gɨ pɨna hayi gɨ nee le, ba ƴɔmɛ kuduroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, hɨnga ga kɨŋ kɨya male lɔɔ le na bɔgɛ toygɨŋ pɨna.