Gɨye-lɔɔ 19:8 - Gabri Maja

⁸ Pol or boy ƴaa-daye-di-da-Jubɨn̰əŋ dɨŋ bɨ, dor kɔl dan̰ cɨn̰-bandɨ ɓal kɨdɨrɛ sɨbɨ. Ban dor kɔl gɨ ojɨ cay dɔɔ-ƴaa di da Kumu, malɨn̰ gɨyəŋ gɨ ni ɨrgan̰ dan̰ kan ga ka-jɔɔ kɔl koyi le, a te gɨyəŋ gɨŋ.

Gɨye-lɔɔ 19:8 ပူးပေါင်းရင်းမြစ်များ

Gɨye-lɔɔ 1:3

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Gɨye-lɔɔ 13:14

Ama kan orge tɨrga toge cɨndɨge tumɔ, ayɨn̰ toy a Pɛrjɨ orɨn̰ bugoŋ cay ƴaa-di-gumu di Antɨyɔs, di woy a cay gɨsəŋ ga Pisidi gaŋ. Wɔlɛ dɔrɛ gɨlale gɨ da Jubɨn̰əŋ gɨŋ na, kan andaŋge duroy ƴaa-daye-di-da-Jubɨn̰əŋ dɨŋ orge sɔmɛ dugo.

Gɨye-lɔɔ 13:46

Kɨɗɨn̰ ga nee le, Pol dan̰ Barnabas yege kɔl dan̰ cɨn̰-bandɨ yen̰ge hɨn̰: «Kumu ojɨ gɨ kɨŋ na ba ja kɔl koyi cay wase pa dɨm. Ama hɨn̰ gɨ kɨŋ ba jɨbɨ sɛdɨ coŋ bɨ, kɨŋ sol sɔmɛ-bɨra gɨ dan̰ cɨndɨgɨŋ hɨn̰ hɨnga ga uja caygɨŋ naŋ wo̰ bɨ le, na toy di hɨn̰ wo̰ ma haw kɛ na, ni kɨya bɨle gusɨni gusi kalaŋ ga toyge na Jubɨ naŋ le.

Gɨye-lɔɔ 14:1

Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 17:17

Ban ar kɔl boy ƴaa-daye-di-da-Jubɨn̰əŋ dɨŋ dan̰ Jubɨn̰əŋ bɨ, dan̰ kalaŋ ga ɗaŋ ga ka-n̰ɨre Kumu bɨ. Ban ar kɔl a gɛgɛr gɨŋ dan̰ wɔlɛ pɨna pɨna dan̰ kalaŋ ga ban wayge nee bɨ.

Gɨye-lɔɔ 18:19

Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ.

Gɨye-lɔɔ 18:26

Ban say ye kɔl dan̰ cɨn̰-bandɨ duroy ƴaa-daye-di-da-Jubɨn̰əŋ dɨŋ. Kɨɗɨn̰ ga Pɨrisil dan̰ Agilas jege kɔl koyi ɨni na, kan ƴomiige walaŋ bɨ, gɨliige gɨyəŋ gɨ da Kumu dan̰ gɨyəŋdi tɛrɛrɛ tɛrɛrɛ ɗɨn̰ gɨ tumɔ ƴee.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 19:7

Kalaŋ ga nee le nɔm ɓalge na hɨn̰ kalaŋ mɔjɨ-cayge-sɔɔ wo̰.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 20:31

Hɨn̰ wo̰ na, sɨgɨŋ muɗɔlɛ cay gusɨgɨŋ gɨŋ bɨ. Hɨngɨŋ cay ɨlge gɨ sɨbɨ, gɨ son̰do bɨ, tɨwa di ɨni bɨ, ɨŋ ba dɨl halgɨŋ pɨna pɨna dan̰ ɨle cɨnɨ naŋ le.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.