Gɨye-lɔɔ 19:4 - Gabri Maja

⁴ Ɨni na, Pol yege hɨn̰: «Batɛm di Ja̰ ba-lɔɔ batɛm ba leen̰ kalaŋ le, na batɛm di gɨl gɨ kalaŋ na bɨlege gɨye-lɔɔdɨge. Bɨ ban yen̰ karɨn̰ Ɨsɨrayɛl gɨ na ojɨ gɨ kan na bɨga kuduroyge a cay ungo gɨ ni ba kɨya ɨrga kardi le. Ungo gɨ nee le, na Jesu.»

Gɨye-lɔɔ 19:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:15

Ja̰ lee tɨmon̰ kol cayi ye hɨn̰: «Sɨlagɨŋ, ungo gɨ ɨŋ ba ye koldi ye hɨn̰: A karɨnɨ, ungo gɨ pɨna wo̰ tɨlga nee, gɨ de tumonɨ. Kɨya wa ban som nee tumɔ pa dɨm ma wɔɔŋge ƴee.»

Kɔl-gɨ-Ɗari gɨ Ja̰ wal 1:26

Ja̰ jɨga dɨbɨge cay nee yege hɨn̰: «Ɨŋ-bandi le, ɨŋ leen̰ kalaŋ batɛm na duroy kaŋ gaŋ, ama ungo gɨ pɨna wo̰ gɨ kɨŋ sɨlayi naŋ woy duroy gɨŋ.

Kɔl-gɨ-Ɗari gɨ Ja̰ wal 1:27

Ban tɨlga karɨnɨ nee, ban ɗəŋ ɓɨrɨŋ gɨ ɨŋ ɓala pɨndɨre gangɨdi gɨyabe ga tɨbayi naŋ.»

Kɔl-gɨ-Ɗari gɨ Ja̰ wal 1:7

Ban ɨrga na kɨya lɔɔ tɨmon̰ bɨ. Ban lee na tɨmon̰ da asɨn̰a, ɗe gɨ kalaŋ nɔm na bɨgan̰ge kuduroyge cay asɨn̰a gɨŋ, dan̰ gɨyəŋ gɨ da tɨmon̰ toyi.

Gɨye-lɔɔ 1:5

Kɨya wa Ja̰ leen̰ kalaŋ batɛm na duroy kaŋ gaŋ, ama baa wɔlɛ dḛ wo̰ gɨ Kumu kɨya loogɨŋ batɛm da Turnɔ ɗe-kuduroy-bɛrɛ.»

Gɨye-lɔɔ 11:16

Kɨɗɨn̰di ga nee gaŋ le bɨ, ɨŋ ɨrɨm cay kɔl gɨ Ba-gulɔŋ ba ye tumɔ le ban ye hɨn̰: «Ja̰ leen̰ kalaŋ batɛm na dan̰ kaŋ, ama kɨŋ na kan kɨya loogɨŋ batɛm na dan̰ Turnɔ ɗe-kuduroy-bɛrɛ.»