Gɨye-lɔɔ 19:34 - Gabri Maja

³⁴ Ama kɨɗɨn̰ ga kan solge gɨ Alegjandɨr naa Jubɨ na, kan nɔm beege kɨbɨge pɨna den̰ge sɨle ɓal hɨn̰ karɨn̰ tɨwa sɔɔ wo̰, yen̰ge hɨn̰: «Artemis di da kalaŋ ga Epɛs na di gumu tɔgɨ!»

Gɨye-lɔɔ 19:34 ပူးပေါင်းရင်းမြစ်များ

Matɨyo 6:7

Kɨɗɨn̰ ga kɨŋ na kɨya ɔlɛ Kumu na, kɨŋ ɗɔɔ ba ɗɔŋsɨdɛ kɔl kondɨwa hɨn̰ kalaŋ ga toyge na Jubɨ naŋ wo̰ naŋ. Kan ɨrɨmge hɨn̰ gɨ ke na ɗɨngɨsɨda kɔl kunda na, ban na kɨya jɔɔ ɔlɛ koge.

Gɨye-lɔɔ 16:20

Kan orɨn̰ge danage tumoy ka-bɔyɛ kɔl bɨ, yen̰ge ka-bɔyɛ kɔl le hɨn̰: «Kalaŋ ga kɛ le, dɨbɨge do̰ a boy cay ƴaa tona di gumu dɨŋ. Kan na kalaŋ ga ni Jubɨ.

Gɨye-lɔɔ 19:24

Ungo gɨ pɨna wo̰ som nee, gusondi na Demetrɨyus. Ban na ba uye nare gɨ ni arja̰. Ban uy nare gɨ ni arja̰ leen̰ karɨn̰ ƴaa-di-da-kula di tama di pɨna wo̰ di da Artemis ga n̰ən̰əŋ. Lee gɨ ka-uye hɨnga ga ban bɨge gɨye gɨ nee le wan̰ge hɨnga tɔgɨ cay nee.

Gɨye-lɔɔ 19:26

Ama hɨnga ga Pol gɨ nee ba lee le, kɨŋ sol bɨ je bɨ. Ban ye hɨn̰: “Kulan̰əŋ ga kalaŋ na leege dan̰ kobɨge le, naa kumun̰əŋ naŋ.” Ban nar kalaŋ lee gɨ kalaŋ kondɨ bugoŋge kardi. Na a cay ƴaa toni di Epɛs dɨŋ kɛ ƴɔbɨ naŋ, ama baa dḛ wo̰ gɨ kɨya ƴɔɔ cay gɨsəŋ ga Aji nɔm.

Gɨye-lɔɔ 19:28

Kɨɗɨn̰ ga kan jege kɔl gɨ nee le na, kuduroyge say homge gɨɗaŋ, lee gɨ kan dege sɨle yen̰ge hɨn̰: «Artemis di da kalaŋ ga Epɛs le, na di gumu tɔgɨ.»

Gɨye-lɔɔ 19:33

Kalaŋ ga pɨna wo̰ duroy dɨmdɨrdi kalaŋ le, dorge te kɔl le bɨn̰ge ungo gɨ pɨna wo̰ gɨ gusondi na Alegjandɨr gɨ kalaŋ ga ni Jubɨ nongige ɗeyge tumɔ. Ban say lee kobi: Gɨ ɗi na gey yɔɔ kɔl bɨn̰ kalaŋ, gɨ kalaŋ ga ni Jubɨ naa ka te kɔl naŋ.

Gɨye-lɔɔ 19:35

Kɨɗɨn̰ ga ba-wale magtubu di da ba kɨbɨ kɨlma gɨ gumu gɨ a cay ƴaa di nee le, lee gɨ kalaŋ sogɨyge lam na, ban yege hɨn̰: «Kalaŋ ga Epɛs, kɛ ungo ba sɔlɛ gɨ cay ƴaa-di-gumu di Epɛs di woy dan̰ cɨndo di da kumu di tama di pɨna wo̰ di da Artemis di gumu tɔgɨ bɨ, di da garma gɨ gɨlɨn̰ dana gɨ sayga gɨɗɨgɨ-Kumu gɨŋ ba dugo le woy nee ga?

Magtubu di Pol wal bɨn̰ kalaŋ ga Rɔm 2:22

Ji gɨ ba nare yɔyɛ tam mɨgan̰ wala bara gɨ da mɨgɛɛ le, kɛ na kɨya wa ma man̰ jɨga yoy tam mɨgan̰ ga? Ji gɨ kuduron̰ aya kulan̰əŋ naŋ yɔd le, kɛ na kɨya wa man̰ jɨga don hɨnga ga a duroy ƴaa gɨ da kulan̰əŋ gaŋ coŋ ga?

Wasɨn̰a 13:4

Kalaŋ nɔm ayge te n̰ɨre kɨmana gɨ ni dɨrago̰ le, kɨya gɨ ban bɨn̰ kɨmana gɨ gɨlɨn̰ hɨn̰ kɨjɨbar wo̰ le dɔnɔ toyi. Lee gɨ kalaŋ n̰ɨrege kɨmana gɨ gɨlɨn̰ hɨn̰ kɨjɨbar wo̰ le, yen̰ge hɨn̰: «Kɛ na waŋ ma dɔnɔ toyi ɓalɨn̰ dan̰ da kɨmana le ga? Kɛ na waŋ ba kɨya ɓale wɔrɨn̰ɛ danayi ga?»