Gɨye-lɔɔ 19:26 - Gabri Maja

²⁶ Ama hɨnga ga Pol gɨ nee ba lee le, kɨŋ sol bɨ je bɨ. Ban ye hɨn̰: “Kulan̰əŋ ga kalaŋ na leege dan̰ kobɨge le, naa kumun̰əŋ naŋ.” Ban nar kalaŋ lee gɨ kalaŋ kondɨ bugoŋge kardi. Na a cay ƴaa toni di Epɛs dɨŋ kɛ ƴɔbɨ naŋ, ama baa dḛ wo̰ gɨ kɨya ƴɔɔ cay gɨsəŋ ga Aji nɔm.

Gɨye-lɔɔ 19:26 ပူးပေါင်းရင်းမြစ်များ

Gɨye-lɔɔ 14:15

«Ka-pogɨn̰ɨni, kɨŋ le na wa ba hɨn̰ wo̰ ga? Ni na kalaŋ ga ɨndəŋ hɨn̰ kɨŋ-gandi wo̰ bɨ! Kɔl-gɨ-Ɗari gɨ ni ba tee bɛrnɛdi le, na gɨ agɨŋ na ɗen̰ kardi kulan̰əŋ ga kalɨn̰ wo̰ coŋ bɨ, agɨŋ na bɨlɨn̰ gusɨgɨŋ gusi Kumu gɨ som-bɨra. Ban na ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, hɨnga nɔm ga ba woy boy kuray gɨ gumu taa taa gɨŋ bɨ, gɨɗɨgɨ-Kumu gɨŋ bɨ.

Gɨye-lɔɔ 17:29

«Hɨn̰ gɨ na naa kongɨn̰i Kumu na, ojɨ gɨ na kɨya ɗɔɔ boy ɨrɨmedɨnagɨŋ gɨŋ gɨ Kumu na gɨlɨn̰ naa hɨn̰ kula lɔr naŋ bɨ, wala kula nare gɨ ni arja̰ naŋ bɨ, wala kula garma gɨ ni marbɨr gɨ kan dosdege dan̰ kobɨge dan̰ gɨyəŋ gɨ da ɨrɨme gɨ da ungo naŋ bɨ.

Gɨye-lɔɔ 18:19

Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ.

Gɨye-lɔɔ 19:1

Kɨɗɨn̰ ga Apolos baa a Korɛ̰t ƴee na, Pol gay cay gɨsəŋ ga Aji ga garman̰əŋ kondɨ nee bɨ, ɨrgan̰ bugoŋ a cay ƴaa-di-gumu di Epɛs dɨŋ. Ban way ka-aye-cay-tɨbay Jesu ga pɨna wo̰ a nee.

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 19:25

Ban day cayge kɨɗɨn̰ pɨna, dan̰ kan ga gɨye-lɔɔdɨge or dan̰ koge bɨ yege hɨn̰: «Ka-pogɨn̰ɨnɨ, kɨŋ sol gɨ na somgɨŋ kuɗa na kɨya cay gɨye gɨ nee le.

1 Korɛ̰t 12:2

Kɨŋ sol kuɗa gɨ kɨɗɨn̰ ga kɨŋ ba ban̰ solɨn̰ Kumu gɨ cɨndi ƴee le, kɨŋ n̰ɨre kulan̰əŋ ga toyge kan̰dɨge kan̰dɨge bɨ, kɨŋ godɨrde badɨ badɨ gusi kulan̰əŋ ga kɨbɨge munduŋ ga nee le.

1 Korɛ̰t 8:4

Naa hɨn̰ wo̰ na, kɛ ni gɨ ɓale dɔɔ culom gɨ been̰ge kɨbar bɨn̰ kulan̰əŋ ga? Ni sol kuɗa, gɨ kula pɨna wo̰ kalɨn̰ ma unɔ a cay gɨsəŋ gaŋ kɛ bɨ, ni sol gɨ Kumu kalɨn̰ ma na pɨna hayi kəɗ kəɗ bɨ Kumu gɨ ɗaŋ unɔ.

Galad 4:8

Jɨne, kɨɗɨn̰ ga kɨŋ sɨlan̰ Kumu naŋ ƴee na, kɨŋ lee gɨye guyɔŋdu ga da kulan̰əŋ ga na kumu gɨ hɨnde naŋ le.

1 Tesalonigɨ 1:9

Kɨya wa kalaŋ nɔm dorge kol ƴɔmɛ gɨ kɨŋ ƴomni gusɨgɨŋ kɨɗɨn̰ ga ni ba orɨn̰ tagɨŋ le bɨ, te ɗɔɔ gɨ kɨŋ ɗe kulan̰əŋ coŋ bɨ, kɨŋ bɨle gusɨgɨŋ gusi Kumu gɨ hɨnde gɨ som-bɨra kɨya loon̰ gɨye koyi,

Wasɨn̰a 9:20

Te kalaŋ nɔm ga hɨnga ga ɨsɨni ga ka-mɔndɛ kɨɗɨn̰ dɨɗɨge naŋ le, bɨlge gɨye-lɔɔdɨge naŋ. Kan woyge te n̰ɨrege turnɔn̰əŋ ga ɨsɨndəŋ bɨ, kulan̰əŋ ga ɓalage sɔlɛ kɨɗɨn̰ naŋ bɨ, jɔɔ kɔl naŋ bɨ, ɔrɛ daa naŋ bɨ. Kulan̰əŋ ga nee le, na kalaŋ ba uyge dan̰ nare gɨ ni lɔr bɨ, dan̰ nare gɨ ni arja̰ bɨ, dan̰ nare gɨ yɨle naŋ le dan̰ garma wala sɨya bɨ.