Gɨye-lɔɔ 18:6 - Gabri Maja

⁶ Ama kalaŋ ga ni Jubɨn̰əŋ kan̰ge kɔl koyi coŋ bɨ, yagɨdiige bɨ. Kɨɗɨn̰di ga nee gaŋ le, Pol gagɨde bundu di a badɨge kayi gaŋ cag cag coŋ dorɨn̰ naji toyi beege cayge bɨ yege hɨn̰: «Hɨn̰ gɨ kɨŋ na kan̰aŋ na, kɨbardɨgɨŋ baa caygɨŋ! Ɨŋ-bandi na, kɔl unɔ canɨ. Ayɨn̰ toy haw kɛ na, ɨŋ kɨya ɔrɛ na gusi kalaŋ ga toyge na Jubɨ naŋ.»

Gɨye-lɔɔ 18:6 ပူးပေါင်းရင်းမြစ်များ

Matɨyo 10:14

Hɨn̰ gɨ kalaŋ na ƴɨmagɨŋge gusɨge naŋ bɨ, jage kɔl kogɨŋ naŋ bɨ na, andaŋgɨŋ duroy ƴaa di nee le, wala duroy cay ƴaa-di-gumu di nee dɨŋ le coŋ. Bɨ ɗagɨdagɨŋ bundu di cay tɨbaygɨŋ dɨŋ ɗɨga ɗɨga dɨran̰gɨŋ naji togɨŋ bɨgage cayge.

Matɨyo 21:41

Kan ga Jesu ɨre ye kɔl danage le, dɨbiige cay nee yeyige hɨn̰: «Ban kɨya dɨɗe ka-dɨɗe kɨɗɨn̰ ga nee le, dɨle sɔlɛ cɨn̰-n̰age toge bɨ, kɨya agɨre yagedi suru le, dan̰ ka-yage suru ga ɗaŋ, ɗe gamge bɨ, biige cɨn̰ suru tɨwado dɨŋ bɨ.»

Matɨyo 21:43

Na toy di hɨn̰ wo̰ ma aŋ yəgɨŋ, kan kɨya ƴɔɔ dɔɔ-ƴaa di da Kumu kobɨgɨŋ kɨya bɨn̰ te wɔɔ gɨ da kalaŋ ga kɨya ɨrgan̰ge dan̰ kaŋdo.

Matɨyo 22:10

Gɔyɔŋ le orge cuduroŋ gɨyəŋ gɨŋ bɨ, ɨrgan̰ge dan̰ kalaŋ nɔm ga kan waygege. Daygege nɔm kɨɗɨn̰ pɨna, kan ga kuɗudaŋ bɨ, kan ga ɨsɨndəŋ bɨ. Lee gɨ ƴaa gɨ da gɔrɛ ƴaa le, kalaŋ wanɨn̰ge duroyi jɨŋ jɨŋ daa.

Matɨyo 27:25

Ɨni na, dɨmdɨrdi kalaŋ le jɨgage dɨbiige cay nee yeyige hɨn̰: «Ɗa ɗe kɨbardi ƴom cayni bɨ, ƴom cay karɨndɨni bɨ!»

Matɨyo 8:11

Aŋ yəgɨŋ, kalaŋ dan̰ kondɨwayge kɨya sɔge jɨn̰ te kumu dan̰ kɨɗɨn̰ ɗɔbɛ ga da tɨwa bɨ, ɨrgage sɔmɛge kɨbɨ hɨnga ga ni dɔɔ ga ni gusi-mɔwa ga gumu, dan̰ Abɨraham bɨ, Isag bɨ, Jagob bɨ, boy dɔɔ-ƴaa di daa nii dɨŋ.

Kɔl-gɨ-Ɗari gɨ Lug wal 22:65

Bɨ kan say yagɨdiige dan̰ kɔl ga ni terɨn̰ ga ɗaŋ dan̰ kondige nee coŋ.

Kɔl-gɨ-Ɗari gɨ Lug wal 9:5

Kɨɗɨn̰ ga ka-ƴaa na ƴɨmagɨŋ gusɨge naŋ na, andaŋgɨŋ ɗagɨŋ cay ƴaa toge di gumu le coŋ ɨragɨŋ bɨ, ɗagɨdagɨŋ bundu di cay tɨbaygɨŋ dɨŋ ɗɨga ɗɨga dɨran̰gɨŋ naji togɨŋ bɨga cayge, ɗe gɨl gɨ kan leege ɨsɨna tumoy Kumu.»

Gɨye-lɔɔ 13:51

Pol dan̰ Barnabas gagɨdege bundu di cay tɨbayge dɨŋ ɗɨga ɗɨga, dorɨn̰ naji toge cayge coŋ orɨn̰ge a Ikonɨyɔm.

Gɨye-lɔɔ 26:11

Ɨŋ kobɨ kardi ƴaa-daye-di-da-Jubɨn̰əŋ pɨna pɨna, gɨlɨn̰ ka-bɔgɛ kuduroyge cay Kɨris cɨn̰-gɨle-cɨn̰ bɨ, ɨŋ si tɔgɨ cayge ɗe kan na yagɨdan̰ ban gɨ kan bee kuduroyge cayi le bɨ. Kuduroy-ɨlwa tɨnge di ba ləŋ cayge le, lee gɨ ɨŋ mal cay tɨbayge bɨrɨŋ andɨn̰ a cay ƴaa ga gɨmdəŋ ga ɗaŋ gaŋ.

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Gɨye-lɔɔ 28:28

Bɨ Pol dɨbɨge cay nee yege hɨn̰: «Sɨlagɨŋ kuɗa caygɨŋ: Ay toy haw kɛ na, kɔl gɨ ni pɔɗɛ gɨ sayga gusi Kumu le, orɨn̰ge bɨn̰ na kalaŋ ga toyge na Jubɨ naŋ. Kan na, kan kɨya jɔɔge bɛrnɛ di nee le.»

Magtubu di Pol wal bɨn̰ kalaŋ ga Rɔm 3:29

Kɛ, kɨŋ ɨrɨm hɨn̰ gɨ Kumu naa Kumu gɨ da Jubɨn̰əŋ kan̰dɨge ga? Kɛ, te kalaŋ ga toyge na Jubɨ naŋ le, ban na Kumu koge bɨ naŋ ga? Ban na Kumu koge bɨ leen̰ cɨndi,

1 Timote 5:22

Ji ɗɔɔ ba sɔ kɨrɛd dɨbe kobɨn̰ cay ungo gɨ ni bogii gɨye kobi naŋ. Dɔbɛ gusɨn̰ boy ɨsɨna gɨ da ungo gɨŋ naŋ. Ɗa muɗɔlɛ cay gusɨn̰, mɔndɛ gɨye-lɔɔdɨn̰ gɨ arɨn̰ cərərə le coŋ naŋ.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.

1 Pɨyɛr 4:4

Na toy di hɨn̰ wo̰ ma haw kɛ na, kɔl kay kalaŋ ga sɨlage Kumu gɨ cɨndi naŋ sɛl sɛl. Kɨya wa kɨŋ laa gɨye lɔɔ gɨ ni dasi gɨ hɨn̰ wo̰ le danage naŋ, lee gɨ kan yagɨdɨgɨŋge.