Gɨye-lɔɔ 18:4 - Gabri Maja

⁴ Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 18:4 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:31

Ama Abɨraham jɨga dɨbii cay nee yeyi hɨn̰: “Hɨn̰ gɨ kan na ja kɔl gɨ da magtubu gasɨn̰-kɔl gɨ da Moyis dan̰ magtubu di da ka-yɔɔ-kɔl-gɨ-Kumu-ba-yɔɔ naŋ na, hɨn̰ gɨ ungo na sa lɨbɨ duroy kalaŋ ga madɨrdaŋ kalɨn̰ ma kan kɨya jɔɔge naŋ.”»

Kɔl-gɨ-Ɗari gɨ Lug wal 4:16

Wɔlɛ gɨ pɨna wo̰, Jesu or a Najarɛt a cay gulɔŋ gɨ ban malgɨn̰ nee. Kɨɗɨn̰ ga wɔlɛ gɨ da dɔrɛ gɨlale gɨ da Jubɨ ɓal ɨni na, ban say or duroy ƴaa-daye-di-da-Jubɨn̰əŋ gɨŋ hɨn̰ gɨ ban ba leede daa daa bɨ, ban say kɨya ɗɔngɨsɛ magtubu gasɨn̰-kɔl gɨ da Kumu.

Kɔl-gɨ-Ɗari gɨ Ja̰ wal 7:35

Ayɨn̰ toy a wɔlɛ gɨ nee gɨŋ le, Jubɨn̰əŋ ɨngɨrɨn̰ge gusɨge kɔl duroyge yege hɨn̰: «Kɛ, ban kɨya ɔrɛ na ani mana kɨya wayigɨŋ naŋ le ga? Kɛ ban kɨya ɔrɛ wan̰ na Jubɨn̰əŋ ga sugdoŋge duroy Gɨrɛgn̰əŋ gaŋ ga? Kɛ ban kɨya ɔrɛ gɨlɨn̰ na Gɨrɛgn̰əŋ hɨnga ga?

Gɨye-lɔɔ 13:14

Ama kan orge tɨrga toge cɨndɨge tumɔ, ayɨn̰ toy a Pɛrjɨ orɨn̰ bugoŋ cay ƴaa-di-gumu di Antɨyɔs, di woy a cay gɨsəŋ ga Pisidi gaŋ. Wɔlɛ dɔrɛ gɨlale gɨ da Jubɨn̰əŋ gɨŋ na, kan andaŋge duroy ƴaa-daye-di-da-Jubɨn̰əŋ dɨŋ orge sɔmɛ dugo.

Gɨye-lɔɔ 14:1

Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 17:11

Jubɨ ga Bere orɨn̰ge dan̰ ɨrɨme gɨ kuɗa ɗɨn̰ Jubɨ ga Tesalonigɨ. Kan ƴeege kɔl gɨ da Kumu haw tɔgɨ bɨ, dan̰ wɔlɛ pɨna pɨna kan kobɨge te kɔl gɨ kan ba walge duroy Magtubu di da Kumu dɨŋ kɨya solɨn̰ kɛ, kɔl gɨ Pol ba gɨlge le, naa nee hayi ga?

Gɨye-lɔɔ 17:17

Ban ar kɔl boy ƴaa-daye-di-da-Jubɨn̰əŋ dɨŋ dan̰ Jubɨn̰əŋ bɨ, dan̰ kalaŋ ga ɗaŋ ga ka-n̰ɨre Kumu bɨ. Ban ar kɔl a gɛgɛr gɨŋ dan̰ wɔlɛ pɨna pɨna dan̰ kalaŋ ga ban wayge nee bɨ.

Gɨye-lɔɔ 18:13

bɨ kan yege hɨn̰: «Gɨlmi gɨ kɛ le, gosɨr kalaŋ ɗe na n̰ɨrege Kumu dan̰ gɨyəŋ n̰ɨre Kumu gɨ gasɨn̰-kɔl gɨ da kalaŋ ga Rɔm nar coŋ.»

Gɨye-lɔɔ 18:19

Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ.

Gɨye-lɔɔ 19:26

Ama hɨnga ga Pol gɨ nee ba lee le, kɨŋ sol bɨ je bɨ. Ban ye hɨn̰: “Kulan̰əŋ ga kalaŋ na leege dan̰ kobɨge le, naa kumun̰əŋ naŋ.” Ban nar kalaŋ lee gɨ kalaŋ kondɨ bugoŋge kardi. Na a cay ƴaa toni di Epɛs dɨŋ kɛ ƴɔbɨ naŋ, ama baa dḛ wo̰ gɨ kɨya ƴɔɔ cay gɨsəŋ ga Aji nɔm.

Gɨye-lɔɔ 19:8

Pol or boy ƴaa-daye-di-da-Jubɨn̰əŋ dɨŋ bɨ, dor kɔl dan̰ cɨn̰-bandɨ ɓal kɨdɨrɛ sɨbɨ. Ban dor kɔl gɨ ojɨ cay dɔɔ-ƴaa di da Kumu, malɨn̰ gɨyəŋ gɨ ni ɨrgan̰ dan̰ kan ga ka-jɔɔ kɔl koyi le, a te gɨyəŋ gɨŋ.

Gɨye-lɔɔ 26:28

Ɨni na, Agɨripa jɨga yen̰ Pol ye hɨn̰: «Baa mɨnde gɨ ji kɨya bɔgɛ kɔl kuduronɨ ɗe gɨ ɨŋ na bɨlɨn̰ ba kɔbɛ Kɨris ɨni!»

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

2 Korɛ̰t 5:11

Na-gandi na sol gɨ, na wa ma na hundɔrɔ Ba-gulɔŋ. Lee gɨ na mal na gɨ ni gɨlɨn̰ kalaŋ ɗe na solge kɔl gɨ cɨndi. Kumu solna kuɗa bɨ, ɨŋ ɨrɨm gɨ kɨŋ solni kuduroygɨŋ kuɗa bɨ.