Gɨye-lɔɔ 18:15 - Gabri Maja

¹⁵ Ama ɨŋ sol gɨ na man̰e-kɔl kogɨŋ gɨ ojɨ cay gɨle kɔl bɨ, gusoŋ bɨ, gasɨn̰-kɔl kagɨŋ bɨ na, na kɔl kogɨŋ kɨŋ-gandi wala, ɨŋ gey gɨ ni bɔyɛ kɔl ga hɨn̰ wo̰ naŋ.

Gɨye-lɔɔ 18:15 ပူးပေါင်းရင်းမြစ်များ

Matɨyo 27:24

Kɨɗɨn̰ ga Piladɨ sol gɨ kɔl koyi na andaŋ hɨnga bii naŋ, ama kalaŋ geyge dɨbe do̰ ɨni na, ban ay kaŋ bɨ pɨlɨn̰ kobi cɨn̰ dɨmdɨrdi kalaŋ bɨ, ye hɨn̰: «Kɨbardi ungo gɨ nee le gɨ bɔɔ canɨ naŋ. Na kɔl kogɨŋ kɨŋ-gandi hagɨŋ!»

Matɨyo 27:4

Yen̰ hɨn̰: «Ɨŋ lee ɨsɨna, kɨya gɨ ɨŋ ay cay ungo gɨ dan̰ naji toy dobii kobɨ kalaŋ ɗe na diɗiige.» Ama kan dɨbiige cay nee yeyige hɨn̰: «Ni-gandi na dɨlani naŋ! Na kɔl kon̰!»

Kɔl-gɨ-Ɗari gɨ Ja̰ wal 18:31

Ɨni na, Piladɨ yege hɨn̰: «Ayayigɨŋ bɨ, bɨyagɨŋ kɔl cayi kɨŋ-gandi gusɨgɨŋ kogɨŋ dan̰ gɨyəŋ gɨ da gasɨn̰-kɔl kogɨŋ.» Jubɨn̰əŋ yeyige hɨn̰: «Kan binige gɨyəŋ gɨ ni dɨɗɨn̰ ungo naŋ.»

Gɨye-lɔɔ 18:13

bɨ kan yege hɨn̰: «Gɨlmi gɨ kɛ le, gosɨr kalaŋ ɗe na n̰ɨrege Kumu dan̰ gɨyəŋ n̰ɨre Kumu gɨ gasɨn̰-kɔl gɨ da kalaŋ ga Rɔm nar coŋ.»

Gɨye-lɔɔ 23:29

Bɨ ɨŋ sol gɨ kɔl gɨ kan si cayi le, ojɨ na cay gasɨn̰-kɔl kage kan, ma kan man̰ge kɔl cay nee. Ama hɨnga pɨna ga ojɨ cayi gɨ ungo kɨya saɗɨdii dan̰ mɔrɨyɔŋ naŋ le, dɨɗii le, unɔ.

Gɨye-lɔɔ 25:11

Hɨn̰ gɨ kɔl na ƴɨma canɨ bɨ, ɨŋ na laa hɨnga pɨna ga dan̰ gɨyəŋdɨge naŋ ga ɓal tɨmaynɨ bɨ na, ɨŋ ɓala kan̰e mare naŋ. Ama hɨn̰ gɨ kɔl gɨ cɨndi na unɔ a boy kɔl gɨ kalaŋ ga kɛ, ba sige canɨ na, ungo pɨna ɓala ƴɔmɔŋ dɔbɔŋ kobɨge naŋ. Ɨŋ gey orɨn̰ dan̰ bɔyɛ kɔl le a tumoy kɨlma gɨ gumu Sejar.»

Gɨye-lɔɔ 25:19

Bɨ kan man̰ge kɔl danayi ojɨn̰ na cay kɔl gɨ da n̰ɨre Kumu koge bɨ, cay ungo gɨ pɨna wo̰ gɨ gusondi na Jesu gɨ ma ɨni, ama Pol ye gɨ ban na baa dan̰ cɨndi ban̰ nee ƴɔbɨ.

Gɨye-lɔɔ 26:3

Kɨya wa hada ga da kalaŋ ga ni Jubɨ nɔm bɨ, hɨnga ga kan man̰ɨn̰ge kɔl cay nee ɨngɨr bɨ le, ga mɨn̰ɨn̰ unɔ. Lee gɨ ɨŋ olɨn̰ gɨ ji dɨra sɨman̰ kuɗa jan̰ kɔl gɨ ɨŋ ba kɨya dɔrɛ kɛ le.»

1 Timote 1:4

ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

1 Timote 6:4

ban na ungo gɨ dɔgɛ-jɔrgɔ bibii bɨ, sɨla hɨnga naŋ bɨ. Ban orɨn̰ dan̰ ləgɨnə di ni man̰e-kɔl di woy naa hɨn̰ hɔmɨn̰ɛ wo̰ bɨ, di ni bɔjɨn̰ɛ cay maanadi kɔl nɔm bɨ. Na hɨnga ga nee le ba ɨrgan̰ dan̰ jangɨ bɨ, gange kɔl bɨ, yagɨde kɨɗɨn̰ bɨ, ɨrɨme ga ɨsɨni a cay gusɨna bɨ,

2 Timote 2:23

Ama ɗa man̰e-kɔl ga badɨ badɨ coŋ bɨ, dɨngali coŋ bɨ. Kɨya wa ji sol gɨ kɨya ɨrgan̰ dan̰ bɔjɨn̰ɛ.

Titɨ 3:9

Ama male te hɨnga ga kalɨn̰ wo̰ bɨ, dɔrɛ te wɨn̰je bɨ, man̰e-kɔl bɨ, gaŋgɨde kɔl cay gasɨn̰-kɔl gaŋ bɨ le, hɨnga ga nee le nɔm na hɨnga ga kɨya andaŋ hɨnga naŋ bɨ, na hɨnga ga kalɨn̰ wo̰ dugo bɨ. Ji ɗɔɔ ba dɨbe kɨbɨn̰ boy nee naŋ.