Gɨye-lɔɔ 18:12 - Gabri Maja

¹² Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ,

Gɨye-lɔɔ 18:12 ပူးပေါင်းရင်းမြစ်များ

Matɨyo 27:19

Kɨɗɨn̰ ga Piladɨ som a kɨɗɨn̰ bɔyɛ kɔl gɨŋ na, tamdi gɨygɨ yeyi hɨn̰: «Ɗɔɔ ba dɔbɛ gusɨn̰ a duroy kɔl gɨ da ungo gɨ dan̰ durɔ ɗɨngar gɨ nee gɨŋ le naŋ. Kɨya wa labɨde mɨrɨn̰tɨn̰i ləŋ duroy sɔndɛ gɨŋ tɔgɨ kol cayi.»

Kɔl-gɨ-Ɗari gɨ Ja̰ wal 19:13

Kɨɗɨn̰ ga Piladɨ je kɔl gɨ nee le ɨni na, ban andɨn̰ dan̰ Jesu doŋ. Bɨ Piladɨ or sɔmɛ a cay kali di ni bon̰ kɔl dɨŋ, a cay kɨɗɨn̰ ga say daa lam gaŋ ga leege dan̰ garma, na kɨɗɨn̰ ga hogi daa, ga nee le ma kan teegege dan̰ kɨbɨ əbɨro naa Gabada le.

Gɨye-lɔɔ 13:12

Kɨɗɨn̰ ga ba-dɔɔ cay gɨsəŋ sol hɨnga ga ba lee gusɨge le ɨni na, ban ay kuduroy. Kɨya wa hɨnga ga ni gɨle ga da Ba-gulɔŋ le dor turnoyi.

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 13:7

Ban na Serjus Pawlos gɨ na ba-dɔɔ cay gɨsəŋ le ba-pogii gɨ dɛj. Serjus Pawlos le, na ungo gɨ cay woy bɨra. Ban te Barnabas dan̰ Sol, kɨya wa ban orɨn̰ dan̰ tabɨlaŋdi jɔɔ kɔl gɨ da Kumu.

Gɨye-lɔɔ 13:8

Ama Elimas gɨ gusondi duroy na ba-lɔɔ tɨmba dan̰ kɨbɨ koge le, jɨbɨge sɛdɨ coŋ bɨ, mal gɨyəŋ gɨ ni gosɨrɛ ba-dɔɔ cay gɨsəŋ ɗe gɨ ban na gɨ aye kuduroy naŋ.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 14:2

Ama Jubɨn̰əŋ ga ba ayage kuduroyge naŋ le, gosɨrge kalaŋ ga toyge na Jubɨ naŋ, lee gɨ kan ɨrɨmge gɨ ni lɔɔ hɨnga ga ɨsɨni dan̰ karmɨni ka-aye kudurɔ.

Gɨye-lɔɔ 17:13

Ama kɨɗɨn̰ ga Jubɨ ga Tesalonigɨ jege gɨ Pol na tee bɛrnɛ kɔl gɨ da Kumu a cay ƴaa-di-gumu di Bere dɨŋ na, kan ɨrgage gosɨrge kalaŋ bɨ, dɨbɨge do̰ ɗe kuduroy kalaŋ na homge cay Pol bɨ.

Gɨye-lɔɔ 17:5

Ama jangɨ say lee Jubɨ ga ayage kuduroyge naŋ, lee gɨ kan donge kalaŋ ka-matɨr, ga kan waygege te gɨyəŋ gɨ woli gɨŋ bɨ, dayge kan ga kan gosɨrge le pɨna bɨ, leege gɨ kalaŋ san̰ge dan̰ kuduroy-hɔmɛ a cay ƴaa-di-gumu dɨŋ. Kardi nee na, kan orge a da Jaso̰ malɨn̰ge Pol dan̰ Sɨlas kɨya orɨn̰ danage tumoyi dɨmdɨrdi kalaŋ ga dayaŋge le.

Gɨye-lɔɔ 18:11

Pol som a Korɛ̰t ɓal ɨlge pɨna dan̰ kɨɗɨrɛ jii, gɨlɨn̰ kalaŋ kɔl gɨ da Kumu a nee.

Gɨye-lɔɔ 18:27

Kardi nee ɨni na, Apolos ojɨ gɨ ni ɔrɛ a cay gɨsəŋ ga Agay gaŋ ɨni na, ka-aye kudurɔ dobɨge bandɨ kuduroy ɗe gɨ ban na ɨra. Na toy di hɨn̰ wo̰ ma, kan walge magtubu bɨn̰ge ka-aye kudurɔ ga Agay ɗe gɨ kan na ƴɨmayi gusɨge bɨ. Kɨɗɨn̰ ga ban bugoŋ nee ɨni na, ban say jɨbɨ te kan ga bɨləŋge ka-aye kudurɔ dan̰ gɨyəŋ gɨ da ɗarwa di da Kumu.

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 25:10

Ama Pol jɨga dɨbii cay nee yey hɨn̰: «Ɨŋ ɨre na kɨɗɨn̰ bɔyɛ kɔl ga da kɨlma gɨ gumu gaŋ kɛ. Na a kɛ ma, ojɨ gɨ kan kɨya bɔyɛ kɔl canɨ a nee. Ɨŋ laa hɨnga ga dan̰ gɨyəŋdɨge naŋ dḛ wo̰ dan̰ kalaŋ ga ni Jubɨ naŋ. Hɨn̰ gɨ ji-bandi kalɨn̰ ma mɨn̰ ba solɨn̰ kuɗa le kɔ.

Magtubu di Pol wal bɨn̰ kalaŋ ga Rɔm 15:26

Kɨya wa ka-aye kudurɔ ga a cay gɨsəŋ ga Masedɨwan gaŋ dan̰ ga Agay ojɨge duroyge gɨ ni gɨyɨn̰ dan̰ hɨnga ga ni jɨbɨn̰ te ka-n̰age ga woyge duroy kan ga woyge dan̰ cɨndɨge ga a Jerusalɛm.

Magtubu di Pol wal bɨn̰ kalaŋ ga Rɔm 16:5

Laan̰gɨŋ Ka-Daye ga daydaŋge tage le, lapɨya bəŋ bɨ. Laan̰gɨŋ ban gɨ ɨŋ lee-toyi Epayinɛt lapɨya bəŋ bɨ. Ban na ungo gɨ cay wase cɨg cɨg gɨ ay kuduroyi bɨn̰ Jesu-Kɨris a cay gɨsəŋ ga Aji gaŋ.

1 Korɛ̰t 16:15

Ay, karmɨnɨ ga ban̰aŋ dan̰ ga kandɨ, kɨŋ sol Ɛstepanas dan̰ kalaŋ ga duroy ƴaadi dɨŋ: Kɨŋ sol gɨ a cay gɨsəŋ ga Agay gaŋ le, na kan ba-aye kuduroyge cay wase bɨ ɗɔge gusɨge kɨbɨ gɨye gɨŋ ojɨn̰ cay kalaŋ ga woyge dan̰ cɨndɨge bɨ. Ɨŋ bandɨ,

2 Korɛ̰t 1:1

Na ɨŋ-bandi Pol ba-gɨre-gɨye gɨ da Jesu-Kɨris dan̰ gɨyəŋ gɨ da kuduroy geye gɨ da Kumu bɨ, kurɨndɨgɨŋ Timote bɨ, ba gɨyɨn̰ge dan̰ magtubu di kɛ le. Ni gɨyɨn̰ bɨn̰ na Ka-Daye ga da Kumu ga a cay ƴaa-di-gumu di Korɛ̰t bɨ, kan ga woyge dan̰ cɨndɨge ga somge a cay gɨsəŋ ga Agay gaŋ nɔm bɨ.

2 Korɛ̰t 11:10

Dan̰ gɨyəŋ gɨ da kɔl gɨ cɨndi gɨ da Kɨris gɨ woy a canɨ le, aŋ yəgɨŋ daa waŋ: Hɨnga ga ojɨ cay gusi-mɔwa tɨnge di nee le, ungo pɨna wo̰ kɨya ɓale ƴɔɔ kɔbɔŋ a cay gɨsəŋ ga Agay gaŋ naŋ.

2 Korɛ̰t 11:26

Ɨŋ or tɨrga tɨba kondɨ, lee gɨ ɨŋ way hɨnga ga ɓal tɨma a cay kuray gɨŋ bɨ, kobɨ ka-dɨɗe kalaŋ bɨ, kobɨ karmɨnɨ ga ni te wɔɔ hɨnge gaŋ bɨ, kobɨ te kalaŋ ga toyge na Jubɨ naŋ bɨ. Ɨŋ way hɨnga ga ɓal tɨma a cay ƴaa-di-gumu dɨŋ bɨ duroy daldɨŋ bɨ. Ɨŋ way hɨnga ga ɓal tɨma a cay kuray gɨ gumu taa taa gɨŋ bɨ, kobɨ ka-aye kudurɔ ga cɨndi naŋ bɨ.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

1 Tesalonigɨ 2:14

Ay, karmɨnɨ ga ban̰aŋ dan̰ ga kandɨ, kɨŋ ay cay tɨban̰ gɨyəŋ gɨ nee le, hɨn̰ Ka-Daye ga da Kumu ga bugoŋge pɨna dan̰ Jesu-Kɨris, ga somge a cay gɨsəŋ ga Jude gaŋ le. Kɨŋ woy na hɨn̰ kan wo̰ bɨ. Kalaŋ ga a cay gɨsəŋ kagɨŋ gaŋ gɨlgɨŋge cɨn̰ na hɨn̰ gɨ Jubɨn̰əŋ kalɨn̰ ma ba gɨlɨn̰ge kalaŋ ga da Jesu ga a cay gɨsəŋ kage gaŋ cɨn̰ wo̰ bɨ.

1 Tesalonigɨ 2:16

Ni-gandi ni tee bɛrnɛ bɨn̰ kalaŋ ga toyge na Jubɨ naŋ ɗe na poɗɨn̰ge, ama Jubɨn̰əŋ ga nee le narnige coŋ. Hɨn̰ wo̰ na, kan kɨya dɨɗe kɨbɨ hada gɨ da ɨsɨna koge yɔd. Ama kagadi gɨŋ na, kuduroy-hɔmɛ di da Kumu ba cayge.

Magtubu di Jag wal 2:6

Ama kɨŋ-gandi, kɨŋ dɨbɨ dasi cay ba-n̰age. Kɛ na ka-wɔɔ hɨnga tɔgɨ ba loogɨŋge hɨnga ga homi bɨ, orɨn̰ge danagɨŋ kɨbɨ ka-bɔyɛ kɔl bɨ naŋ ga?