Gɨye-lɔɔ 17:5 - Gabri Maja

⁵ Ama jangɨ say lee Jubɨ ga ayage kuduroyge naŋ, lee gɨ kan donge kalaŋ ka-matɨr, ga kan waygege te gɨyəŋ gɨ woli gɨŋ bɨ, dayge kan ga kan gosɨrge le pɨna bɨ, leege gɨ kalaŋ san̰ge dan̰ kuduroy-hɔmɛ a cay ƴaa-di-gumu dɨŋ. Kardi nee na, kan orge a da Jaso̰ malɨn̰ge Pol dan̰ Sɨlas kɨya orɨn̰ danage tumoyi dɨmdɨrdi kalaŋ ga dayaŋge le.

Gɨye-lɔɔ 17:5 ပူးပေါင်းရင်းမြစ်များ

Matɨyo 27:18

Piladɨ yege kɔl gɨ nee le, na kɨya gɨ ban sol gɨ na cɨn̰-pɨɗɨma ba lɔɔ gɨ ka-cay ka-bɔgɛ kɨbar ayɨn̰ge cay Jesu bii.

Gɨye-lɔɔ 13:45

Kɨɗɨn̰ ga Jubɨn̰əŋ ba solge dɨmdɨrdi kalaŋ ga ba dayaŋge le na, cɨn̰-pɨɗɨma say leege tɔgɨ lee gɨ kan jɨbɨ kɔl nɔm ga da Pol sɛdɨ coŋ bɨ, yagɨdiige bɨ.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 14:2

Ama Jubɨn̰əŋ ga ba ayage kuduroyge naŋ le, gosɨrge kalaŋ ga toyge na Jubɨ naŋ, lee gɨ kan ɨrɨmge gɨ ni lɔɔ hɨnga ga ɨsɨni dan̰ karmɨni ka-aye kudurɔ.

Gɨye-lɔɔ 17:13

Ama kɨɗɨn̰ ga Jubɨ ga Tesalonigɨ jege gɨ Pol na tee bɛrnɛ kɔl gɨ da Kumu a cay ƴaa-di-gumu di Bere dɨŋ na, kan ɨrgage gosɨrge kalaŋ bɨ, dɨbɨge do̰ ɗe kuduroy kalaŋ na homge cay Pol bɨ.

Gɨye-lɔɔ 17:6

Bɨ kɨɗɨn̰ ga kan wayage naŋ ɨni na, kan sɨdɨrdege Jaso̰ bɨ karmɨni ga pɨna wo̰ bɨ, orɨn̰ge danage tumoy ka-dɔɔ cay ƴaa gaŋ. Kan dege sɨle yege hɨn̰: «Kalaŋ ga kɛ le dɨbɨge do̰ a kɨɗɨn̰ gaŋ nɔm bɨ, haw kɛ kan bugoŋge a cay ƴaa toni dɨŋ bɨ.»

Gɨye-lɔɔ 17:7

Jaso̰ ƴomge gusi. Kan nɔm na ka-kan̰e gasɨn̰-kɔl gɨ da kɨlma gɨ gumu Sejar bɨ, kan yege gɨ kɨlma gɨ ɗaŋ gɨ gusondi naa Jesu na woy nee bɨ.

Gɨye-lɔɔ 17:9

Lee gɨ ka-dɔɔ cay ƴaa-di-gumu ɨngɨrɨn̰ge Jaso̰ bɨ, kamdi ga ɗaŋ bɨ, na bɨgage gursu dugo pa dɨm ma, ke na kɨya ɗoge daa ƴee.

Gɨye-lɔɔ 18:12

Kɨɗɨn̰ ga Galɨyo̰ diin̰ cay gɨsəŋ ga Agay le, Jubɨn̰əŋ nɔm beege toyge pɨna bɨ, geyge Pol naŋ. Kan orɨn̰ge danayi kɨɗɨn̰ bɔyɛ kɔl gɨŋ,

Gɨye-lɔɔ 19:40

Dayaŋ kona gɨ labɨde kɛ le na ɓalgɨŋ won̰ kɔl nee. Bɨ ɓal gɨ kan kɨya ɗɔɔ kɔl gɨ ni gɔsɨrɛ kalaŋ ɗe na kayɨn̰ge kɔl kɨbɨ kɛrɨmbɛlɛŋ kana cayna bɨ. Kɨya wa na ɨran̰ dan̰ kɔl pɨna gɨ ni gɨlɨn̰ kalaŋ te dayaŋ kona le naŋ.» Kɨɗɨn̰ ga ban ye kɔl gɨ nee le ɨni na, ban yen̰ kalaŋ ga ba dayaŋge le, ɗe na busoŋge.

Gɨye-lɔɔ 7:9

«Mon̰inagɨŋ ga ka-ɗɔ te wɔɔdɨnagɨŋ leege jangɨ dan̰ Jɨsɛb bɨ, ƴomiige kɨliige coŋ ɗe gɨ kan na ɨran̰ danayi Ejɨpt, ama Kumu baa danayi.

Magtubu di Pol wal bɨn̰ kalaŋ ga Rɔm 16:21

Timote mɨganɨ ba-lɔɔ gɨye ləgɨŋ lapɨya. Kanɨ Lisɨyus bɨ, Jaso̰ bɨ, Sosipatɛr bɨ, kalɨn̰ ma ləgɨŋge lapɨya bɨ.

1 Korɛ̰t 3:3

Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

2 Korɛ̰t 11:26

Ɨŋ or tɨrga tɨba kondɨ, lee gɨ ɨŋ way hɨnga ga ɓal tɨma a cay kuray gɨŋ bɨ, kobɨ ka-dɨɗe kalaŋ bɨ, kobɨ karmɨnɨ ga ni te wɔɔ hɨnge gaŋ bɨ, kobɨ te kalaŋ ga toyge na Jubɨ naŋ bɨ. Ɨŋ way hɨnga ga ɓal tɨma a cay ƴaa-di-gumu dɨŋ bɨ duroy daldɨŋ bɨ. Ɨŋ way hɨnga ga ɓal tɨma a cay kuray gɨ gumu taa taa gɨŋ bɨ, kobɨ ka-aye kudurɔ ga cɨndi naŋ bɨ.

Galad 5:21

orɨn̰ dan̰ tabɨlaŋdi hɨnga ga da mɨgan̰ bɨ, kɔydɛ cɛrɛ tɔgɨ bɨ, lɔɔ harne bɨ, hɨnga ga ɗaŋ ga gɨlɨn̰ hɨn̰ wo̰ bɨ. Aŋ yəgɨŋ tumɔ jugu hɨn̰ gɨ ɨŋ ba yəgɨŋ le, kalaŋ ga ka-lɔɔ hɨnga ga hɨn̰ wo̰ le, kɨya andaŋge a boy dɔɔ-ƴaa di da Kumu dɨŋ naŋ.

Galad 5:26

Ɗɔɔnagɨŋ ba dɔgɛ jorgɨynagɨŋ naŋ bɨ! Bɔjɨn̰dɛnagɨŋ dan̰ gusɨnagɨŋ naŋ bɨ, lɔɔnagɨŋ cɨn̰-pɨɗɨma dan̰ gusɨnagɨŋ naŋ bɨ.

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

Magtubu di Jag wal 4:5

Kɔl gɨ kan wal duroy Magtubu di da Kumu dɨŋ ye hɨn̰: «Kumu gey turnɔ di ban ɗo som kuduroynagɨŋ le bɨrɨŋ leen̰ jangɨ.» Kɛ kɨŋ ɨrɨm hɨn̰ gɨ, Magtubu di da Kumu le, na ye kɔl gɨ nee le na kalɨn̰ wo̰ dugo ga?