Gɨye-lɔɔ 17:4 - Gabri Maja

⁴ Jubɨn̰əŋ ga pɨna wo̰ duroyge orge kardi kɔl koyi gɨŋ le, lee gɨ kan bugoŋge te Pol dan̰ Sɨlas. Gɨrɛgn̰əŋ ga ka-n̰ɨre Kumu ɗɨn̰ ɗɔngɨsɛ bɨ, kandɨ ga gusondɨge ye dan̰ kondiige leege hɨn̰ wo̰ bɨ.

Gɨye-lɔɔ 17:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 7:35

Ayɨn̰ toy a wɔlɛ gɨ nee gɨŋ le, Jubɨn̰əŋ ɨngɨrɨn̰ge gusɨge kɔl duroyge yege hɨn̰: «Kɛ, ban kɨya ɔrɛ na ani mana kɨya wayigɨŋ naŋ le ga? Kɛ ban kɨya ɔrɛ wan̰ na Jubɨn̰əŋ ga sugdoŋge duroy Gɨrɛgn̰əŋ gaŋ ga? Kɛ ban kɨya ɔrɛ gɨlɨn̰ na Gɨrɛgn̰əŋ hɨnga ga?

Gɨye-lɔɔ 13:43

Kɨɗɨn̰ ga kalaŋ ga ba dayaŋge le busoŋge ɨni na, Jubɨ bɨ, kan ga bɨle gusɨge Jubɨ ga ka-n̰ɨre Kumu bɨ, kobɨge kardi Pol dan̰ Barnabas. Boy are-kɔl koge gɨŋ na, kan dobɨge bandɨ kuduroyge ɗe kan na ƴɨman̰ ɗarwa di Kumu ba lee danage le usa bɨ.

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 14:1

Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 14:4

Kalaŋ ga a cay ƴaa-di-gumu di nee le, cudroŋge dugo: Ga pɨna bugoŋge te Jubɨn̰əŋ bɨ, ga ɗaŋ bugoŋge te ka-gɨre-gɨye ga da Jesu gaŋ bɨ.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:27

Na toy di hɨn̰ wo̰ ma, mani gɨy Jud bɨ, Sɨlas bɨ, ɗe gɨ kan na ɨra yagɨŋ kɔl nɔm gɨ ni ba wal le, dan̰ kɨbɨge nee coŋ.

Gɨye-lɔɔ 15:32

Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 15:40

Pol say ay koyi Sɨlas bɨ. Kɨɗɨn̰ ga ka-aye kudurɔ beegege kobɨ Ba-gulɔŋ ɗe gɨ ban na laa ɗarwa danage ɨni na, Pol ay gɨyəŋ koyi bɨ.

Gɨye-lɔɔ 16:3

Pol gey gɨ ban na ɨra danayi. Lee gɨ ban ayi bɨ, walii ban̰a kɨya cay Jubɨ ga somge a cay gɨsəŋ ga nee gaŋ le. Kɨya wa kan nɔm solge gɨ bay naa Gɨrɛg.

Gɨye-lɔɔ 17:10

Kɔl gɨ kɨbɨna kɛ bɨ, karmɨni say gɨyge Pol dan̰ Sɨlas duroy son̰dodo dɨŋ a Bere. Kɨɗɨn̰ ga kan bugoŋge a nee ɨni na, kan sayge orge a boy ƴaa-daye-di-da-Jubɨn̰əŋ dɨŋ.

Gɨye-lɔɔ 17:12

Kalaŋ kondɨ duroyge bɨlege ka-aye kuduroyge bɨn̰ Jesu. Duroy Gɨrɛgn̰əŋ ga ay kuduroyge le, kandɨ ga gusondɨge ye bɨ, ban̰aŋ bɨ kondɨ woyge danage nee bɨ.

Gɨye-lɔɔ 17:14

Ɨni na, kɨɗɨn̰di ga nee gaŋ le bɨ, karmɨni gɨyge Pol ɗe na or nɔ koburo gɨ gumu taa taa gɨŋ orɨn̰. Ama Sɨlas dan̰ Timote na, baage dugo a cay ƴaa di Bere dɨŋ.

Gɨye-lɔɔ 17:17

Ban ar kɔl boy ƴaa-daye-di-da-Jubɨn̰əŋ dɨŋ dan̰ Jubɨn̰əŋ bɨ, dan̰ kalaŋ ga ɗaŋ ga ka-n̰ɨre Kumu bɨ. Ban ar kɔl a gɛgɛr gɨŋ dan̰ wɔlɛ pɨna pɨna dan̰ kalaŋ ga ban wayge nee bɨ.

Gɨye-lɔɔ 17:34

Ama na hɨn̰ wo̰ kalɨn̰ ma, kan ga pɨna duroyge bugoŋge kardi bɨ, ayge kuduroyge bɨ. Deni dan̰ Damaris tama di pɨna wo̰ bɨ, dan̰ kan ga ɗaŋ ayge kuduroyge duroy kalaŋ ga bugoŋge kardi Pol le. Deni le, ban na gɨ pɨna wo̰ duroy ka-dɔɔ cay ƴaa ga dayaŋge kɨɗɨn̰ ga kan teege naa Arewopaj le.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 2:44

Ka-aye kudurɔ nɔm dayge gusɨge bɨ, hɨnga nɔm ga kan wayige le, gosnɨn̰ge gusɨge duroyge bɨ.

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

Gɨye-lɔɔ 28:24

Kan ga pɨna ga kɔl gɨ nee le ƴee kuduroyge na, ayge kuduroyge bɨn̰ Jesu bɨ, kan ga ɗaŋ kan̰ge aye kuduroyge coŋ bɨ.

Gɨye-lɔɔ 4:23

Kɨɗɨn̰ ga ka-bɔyɛ kɔl ɗege Pɨyɛr dan̰ Ja̰ daa ɨni na, kan bɨle cayge orge wan̰ kamdɨge bɨ, kan dorge kol hɨnga nɔm ga ka-cay ka-bɔgɛ kɨbar nɔm bɨ, kan ga muɗoldoŋ ga da kalaŋ ga ni Jubɨ bɨ, ba yege le bɨge.

2 Korɛ̰t 8:5

Hɨnga ga kan leege le ɗɨn̰ ga ni ba bee ɨrɨmedɨni cay nee. Kan bɨn̰ge Ba-gulɔŋ gusɨge pa dɨm ma kardi nee bɨnige gusɨge dan̰ kuduroy geye gɨ da Kumu bɨ ƴee.