Gɨye-lɔɔ 17:30 - Gabri Maja

³⁰ Gɨye-lɔɔ gɨ da kalaŋ boy wɔlɛ gɨ jɨne gɨ kan sɨlan̰ Kumu naŋ ƴee le, Kumu ay cɨndi cay nee coŋ. Ama haw kɛ na, ban ay noyi bɨn̰ kalaŋ nɔm dan̰ kɨɗɨn̰ nɔm ɗe gɨ kan na bɨl gɨye-lɔɔdɨge.

Gɨye-lɔɔ 17:30 ပူးပေါင်းရင်းမြစ်များ

Matɨyo 20:7

Ɨni na, kan dɨbiige cay nee yeyige hɨn̰: Na kɨya gɨ ungo dɨnani gɨye gɨŋ naŋ.» Ɨni na, ban yege hɨn̰: «“Naa hɨn̰ wo̰ na, ɨragɨŋ lɔɔ gɨye duroy yagedi suru tɨnge dɨŋ.”

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

Marg 6:12

Ɨni na, kan sayge orge tɔgɛ bɛrnɛ yen̰ge hɨn̰: «Bɨlgɨŋ gɨye-lɔɔdɨgɨŋ.»

Kɔl-gɨ-Ɗari gɨ Lug wal 13:5

Naŋ, aŋ yəgɨŋ, ama hɨn̰ gɨ kɨŋ na bɨl gɨye-lɔɔdɨgɨŋ naŋ na, kɨŋ kɨya mare nɔm na hɨn̰ kan wo̰ bɨ.»

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 14:16

Boy ɨlge nɔm ga pɨde le, Kumu ɗe te wɔɔ gɨ da kalaŋ nɔm orge, waŋ waŋ kalɨn̰ ma ay gɨyəŋ gɨ kuduroy gey.

Gɨye-lɔɔ 17:23

Kɨya wa kɨɗɨn̰ ga ɨŋ gor a cay ƴaa togɨŋ di gumu dɨŋ na, ɨŋ sol kɨɗɨn̰ ga kɨŋ n̰ɨrɨn̰ hɨnga nee bɨ, ɨŋ or bɨrɨŋ wɔɔ kɨɗɨn̰ n̰ɨre hɨnga kagɨŋ ga pɨna wo̰, ga kan walge kɔl gɨ kɛ le cay nee yege hɨn̰: “Na kɨya cay kumu gɨ pɨna wo̰, gɨ ni sɨlay naŋ.” Kuɗa! Hɨnga ga kɨŋ n̰ɨrge dɨle solge le, na ban ma maŋ ɨrga kɨya tɔgɛ bɛrnɛdɨge bɨgɨŋ.

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

Magtubu di Pol wal bɨn̰ kalaŋ ga Rɔm 3:23

Kalaŋ nɔm na ka-lɔɔ ɨsɨna, na wo̰ ma kan kɨya ɓale andaŋ a duroy gusoŋ-tɔgɛ gɨ da Kumu dɨŋ naŋ.

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

2 Korɛ̰t 7:10

Kɨya wa ɨle gɨ da ungo gɨ Kumu ay leen̰ gɨye le, kɨya wɔɔ na hal gɨ bɨli gɨ kɨya orɨn̰ dan̰ ungo dobii kɨɗɨn̰ pɔɗɛ gaŋ bɨ, ungo gɨ ɨrɨmde koldi karu naŋ bɨ. Ama ɨle gɨ da ungo gɨ a cay gɨsəŋ gaŋ kɛ, gɨ sɔlɛ ba ɨrgan̰ le, wɔɔ na tɨma.

1 Pɨyɛr 4:3

Na cɨndi, tumɔ le kɨŋ gey na lɔɔ hɨnga nɔm ga ƴom kuduroy kalaŋ ga sɨlage Kumu gɨ cɨndi naŋ tɔgɨ. Lee gɨ kɨŋ lee hɨnga ga ɨsɨni ga tabɨlaŋdɨge woy kuduroygɨŋ bɨ, kɨŋ na ka-yɔyɛ gorɨn̰ daa bɨ, ka-kɔydɛ cɛrɛ bɨ, ka-lɔɔ harɨne bɨ, ka-sɔ cɛrɛ tɔgɨ a kɨɗɨn̰ lɔɔ kɨdɨrɛ gaŋ bɨ, ka-n̰ɨre kula ga ɨsɨn bɨ.