Gɨye-lɔɔ 17:25 - Gabri Maja

²⁵ Gɨye koyi kalɨn̰ ma, gey kobɨ kalaŋ ga ɨndəŋ naŋ bɨ, ban ɨran̰ dan̰ n̰agedi hɨnga pɨna wo̰ ɗe ungo na bii naŋ bɨ. Kɨya wa ban mana ba bɨn̰ kalaŋ nɔm sɔmɛ-bɨra bɨ, ba dɔbɛ habe kuduroyge bɨ, ba bɨge hɨnga nɔm ga ba baa bɨ.

Gɨye-lɔɔ 17:25 ပူးပေါင်းရင်းမြစ်များ

Matɨyo 5:45

Ɗe gɨ agɨŋ bɨlɨn̰ karɨn̰ Baygɨŋ gɨ woy a daa le, kɨya gɨ ban lee gɨ tɨwa toy say cay ka-lɔɔ ɨsɨna bɨ, cay ka-lɔɔ ɗarwa bɨ. Ban lee gɨ kumu ongɨ cay kalaŋ ga dan̰ durɔ ɗɨngar bɨ, cay kalaŋ ga dan̰ durɔ ɗɨngar naŋ bɨ.

Matɨyo 9:13

Ɨragɨŋ tɨrabe duroy kɔl gɨ da Kumu gɨ ye hɨn̰: “Hɨnga ga ɨŋ gey gusɨgɨŋ le, na sɔlɛ cɨn̰-n̰age wala na bɔgɛ kɨbar naŋ.” Kɨya wa ɨŋ ɨrga na kɨya tɔgɛ kalaŋ ga ɨrɨmge kuduroyge gɨ ke naa kalaŋ ga dan̰ durɔ ɗɨngar naŋ. Ama ɨŋ ɨrga na kɨya tɔgɛ kalaŋ ga ɨrɨmge gɨ ke naa ka-lɔɔ ɨsɨna.»

Gɨye-lɔɔ 14:17

Naa hɨn̰ wo̰ kalɨn̰ ma, Ban gɨl lɔɔ ɗarwa toyi di ban lee danage jɨn̰ tumɔ tumɔ. Kɨya wa ban bɨgɨŋ kaŋdi Kumu ga sayga daa bɨ, ɨlge nɔm gɨ gasa andɨn̰ kondɨ bɨ, bɨgɨŋ hɨnga ga ni dɔɔ ga kɨŋ dii ɗe kuduroygɨŋ sɨdɨldəŋ bɨ, ban lee gɨ gusɨgɨŋ moogɨŋ tɔgɨ bɨ.»

Gɨye-lɔɔ 17:28

«Na cɨndi, kɨya gɨ na kol cay ma mana somɨn̰gɨŋ-bɨra bɨ, mana leen̰ gɨŋ gusɨna gɨŋ daa bɨ, mana somɨn̰ gɨŋ ban̰ nee bɨ, hɨn̰ gɨ ka-kɨbe kɨra kagɨŋ ga pɨna wo̰ ba yege tumɔ hɨn̰: “Ni-gandi kalɨn̰ ma, ni na kongɨn̰ii bɨ.”»

Magtubu di Pol wal bɨn̰ kalaŋ ga Rɔm 11:35

«Kɛ, na waŋ ba bɨn̰ Kumu tugɨla, Ɗe Kumu na jɨgen̰ daa bii ban̰di nee ga?»

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.