Gɨye-lɔɔ 17:24 - Gabri Maja

²⁴ Kumu gɨ ba lɔɔ gɨɗɨgɨ-Kumu bɨ, cay gɨsəŋ bɨ, hɨnga nɔm ga boy nee bɨ le, ban ma na Ba-gulondi hɨnga ga gɨɗɨgɨ-Kumu gɨŋ bɨ, cay gɨsəŋ gaŋ bɨ. Ban sɨma na a boy ƴaan̰əŋ ga kalaŋ n̰ɨrɨn̰ kumu gɨ pɨna wo̰, gɨ kalaŋ ba gaɗe naŋ bɨ.

Gɨye-lɔɔ 17:24 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 5:34

Ama ɨŋ-bandi na, ɨŋ yəgɨŋ dɔrɛgɨŋ gusɨgɨŋ dan̰ gɨɗɨgɨ-Kumu naŋ bɨrɨŋ, kɨya wa na kali-tɨrɨmbala da Kumu.

Kɔl-gɨ-Ɗari gɨ Lug wal 10:21

A kɨɗɨn̰di ga nee gaŋ le bɨ, Turnɔ ɗe-kuduroy-bɛrɛ lee gɨ gusi-mɔwa walɨn̰ kuduroy Jesu bɨ, ye hɨn̰: «Banɨ, ji Ba-gulɔŋ hɨnga nɔm ga daa nii dan̰ ga cay gɨsəŋ gaŋ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga. Ho’o Banɨ, na ban ma na hɨnga ga ji ojɨ dan̰ kuduroy geye kon̰.»

Kɔl-gɨ-Ɗari gɨ Ja̰ wal 1:1

Tumɔ ɓɨragɨ gɨ cay gɨsəŋ laan̰ gusɨge naŋ ƴee le, ban gɨ kan teeyige Kɔl le woy nee ɨni. Ban som pɨna na dan̰ Kumu bɨ, Kɔl na Kumu bɨ.

Gɨye-lɔɔ 14:15

«Ka-pogɨn̰ɨni, kɨŋ le na wa ba hɨn̰ wo̰ ga? Ni na kalaŋ ga ɨndəŋ hɨn̰ kɨŋ-gandi wo̰ bɨ! Kɔl-gɨ-Ɗari gɨ ni ba tee bɛrnɛdi le, na gɨ agɨŋ na ɗen̰ kardi kulan̰əŋ ga kalɨn̰ wo̰ coŋ bɨ, agɨŋ na bɨlɨn̰ gusɨgɨŋ gusi Kumu gɨ som-bɨra. Ban na ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, hɨnga nɔm ga ba woy boy kuray gɨ gumu taa taa gɨŋ bɨ, gɨɗɨgɨ-Kumu gɨŋ bɨ.

Gɨye-lɔɔ 4:24

Kɨɗɨn̰ ga kan jege kɔl gɨ nee le ɨni na, kan beege noyge pɨna olɨn̰ge Kumu yen̰ge hɨn̰: «Ba-cayni, na ji ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa dan̰ hɨnga nɔm ga woy boy nee bɨ.

Gɨye-lɔɔ 7:48

Ama Kumu gɨ ɗɨn̰ cay hɨnga nɔm le, kɨya sɔmɛ a duroy ƴaa di kobɨ kalaŋ ga ɨndəŋ ba gaɗe dɨŋ naŋ. Hɨn̰ gɨ ba-yɔɔ-kɔl-gɨ-Kumu-ba-yɔɔ ba ye le.

Magtubu di Pol wal bɨn̰ kalaŋ ga Rɔm 1:19

Kɨya wa hɨnga ga ojɨ cay Kumu ga kalaŋ ɓal sɔlɛ le duroyge woy arɨn̰ kol cayge. Kumu gusi koyi dor toyge daa waŋ bɨge.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Əbɨro 3:4

Na cɨndi, ƴaa gɨ ani ani kalɨn̰ ma orɨn̰ dan̰ ba gaɗedi. Ama ba gaɗe hɨnga nɔm na, na Kumu.

Wasɨn̰a 20:11

Kardi nee, ɨŋ sol kali-tɨrɨmbala di gumu di bɛrɛ bɨ, ungo gɨ ba sɔmɛ cay nee bɨ. Cay gɨsəŋ bɨ gɨɗɨgɨ-Kumu bɨ gɨrege muɗɔg tumoyi coŋ bɨ, ungo waa cay tɨbayge naŋ.