Gɨye-lɔɔ 17:23 - Gabri Maja

²³ Kɨya wa kɨɗɨn̰ ga ɨŋ gor a cay ƴaa togɨŋ di gumu dɨŋ na, ɨŋ sol kɨɗɨn̰ ga kɨŋ n̰ɨrɨn̰ hɨnga nee bɨ, ɨŋ or bɨrɨŋ wɔɔ kɨɗɨn̰ n̰ɨre hɨnga kagɨŋ ga pɨna wo̰, ga kan walge kɔl gɨ kɛ le cay nee yege hɨn̰: “Na kɨya cay kumu gɨ pɨna wo̰, gɨ ni sɨlay naŋ.” Kuɗa! Hɨnga ga kɨŋ n̰ɨrge dɨle solge le, na ban ma maŋ ɨrga kɨya tɔgɛ bɛrnɛdɨge bɨgɨŋ.

Gɨye-lɔɔ 17:23 ပူးပေါင်းရင်းမြစ်များ

Matɨyo 15:9

Kan leege gɨye hɨnge na kalɨn̰ wo̰, Kɨya gɨ hɨnga ga kan gɨlɨn̰ kalaŋ le, Na gasɨn̰-kɔl gɨ da kalaŋ ƴɔbɨ.”»

Kɔl-gɨ-Ɗari gɨ Ja̰ wal 17:25

Ay Banɨ, ji gɨ dan̰ durɔ ɗɨngar. Kalaŋ ga cay gɨsəŋ gaŋ sɨlan̰ge naŋ. Ama ɨŋ-bandi ɨŋ solɨn̰ bɨ, kan ga ba kɛ solge gɨ ji na ba gɨyigəŋ bɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 4:22

Kɨŋ kalaŋ ga Samari le, kɨŋ n̰ɨre Kumu dɨle solii gɨ ban naa waŋ ga? Ama ni-gandi ga na Jubɨ na, ni n̰ɨrii bɨ, ni solii gɨ ban naa waŋ bɨ. Kɨya wa pɔɗɛ sayga na gusi Jubɨn̰əŋ.

Kɔl-gɨ-Ɗari gɨ Ja̰ wal 8:54

Jesu jɨga dɨbɨge cay nee yege hɨn̰: «Hɨn̰ gɨ ɨŋ-bandi na ba mɨlawa gusɨnɨ hɨnge na, mɨlawe hɨnge na hɨnga ga kalɨn̰ wo̰ dugo. Ungo gɨ ba mɨlawaŋ le, na Banɨ gɨ kɨŋ ye naa Kumu kogɨŋ le.

Gɨye-lɔɔ 17:30

Gɨye-lɔɔ gɨ da kalaŋ boy wɔlɛ gɨ jɨne gɨ kan sɨlan̰ Kumu naŋ ƴee le, Kumu ay cɨndi cay nee coŋ. Ama haw kɛ na, ban ay noyi bɨn̰ kalaŋ nɔm dan̰ kɨɗɨn̰ nɔm ɗe gɨ kan na bɨl gɨye-lɔɔdɨge.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 8:5

Ko, hɨn̰ gɨ kalaŋ ga pɨna na yage hɨn̰ kumun̰əŋ na woyge gɨɗɨgɨ-Kumu gɨŋ, naŋ le na woyge cay gɨsəŋ gaŋ kɛ kalɨn̰ ma, kumun̰əŋ kondɨge leen̰ cɨndi bɨ, ka-gulɔŋn̰əŋ kondɨge leen̰ cɨndi bɨ.

Epɛs 2:12

Hɨngɨŋ gɨ a boy wɔlɛdi gɨ nee gɨŋ le, kɨŋ sɨla Kɨris ban gɨ Kumu dorii le naŋ bɨ, kɨŋ ɓala ɨre duroy te wɨn̰je gɨ da Ɨsɨrayɛl, kalaŋ ga Kumu torge tumɔ le naŋ bɨ. Hɨnga ga Kumu gɨsɨ kɨya cay saɗe kɨbɨ pɨna ɓɨse gusu le kɨŋ mɨnde durdɨne naŋ bɨ, hɨnga ga kɨŋ kɨya bɔgɛ ɨrɨmedɨgɨŋ cay nee unɔ bɨ, Kumu kalɨn̰ ma kɨŋ sɨlayi tumɔ naŋ bɨ.

2 Tesalonigɨ 2:4

Ban na ba baa gɨ da hɨnga nɔm ga kalaŋ solge leen̰ kumu koge. Ban lee gusi leen̰ gumu a cay hɨnga nɔm ga kalaŋ n̰ɨrege. Ban kɨya ɗɔɔ kali toyi a duroy ƴaa-di-da-Kumu dɨŋ bɨ yɔɔ hɨn̰: «Ɗi naa Kumu.»

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.