Gɨye-lɔɔ 17:20 - Gabri Maja

²⁰ Kɨya wa kɔl gɨ ji ba dor gɨ ni ba je le, dor turnoyni. Bɨ ni gey sɔlɛ toyi.»

Gɨye-lɔɔ 17:20 ပူးပေါင်းရင်းမြစ်များ

Marg 9:10

Kan beege kɔl a cay te tumoyi di ban ay bɨge le, ama kan ɨngɨrɨn̰ gusɨge kɔl duroyge yen̰ge hɨn̰: «Kɛ kɔl gɨ ban ye gɨ ɗi na kɨya mare bɨ bɔyɛ lɨbe bɨ le kɛ, duroy na wa ga?»

Kɔl-gɨ-Ɗari gɨ Ja̰ wal 6:60

Kɨɗɨn̰ ga ka-aye-cay-tɨbayi jege kɔl gɨ nee le ɨni na, kondɨwayge duroyge ayge te yɔ hɨn̰: «Kɔl gɨ kɛ le osu tɔgɨ, na waŋ ba kɨya ɓale jɔɔ ga?»

Gɨye-lɔɔ 10:17

Kɨɗɨn̰ ga Pɨyɛr ba mal gɨ ni sɔlɛ te hɨnga ga ba buyoŋ cɨndi hɨn̰ dḛḛ wo̰ ay na solɨn̰ duroyge na, kalaŋ ga Kɔrney ba gɨyge le, ɨngɨrge ƴaa di da Simo le jɨn̰ kɛ kɛ bɨ, ɨrgage ɨrege kɨbɨ ƴaa gɨŋ le.

Gɨye-lɔɔ 17:19

Kan ƴom Pol bɨ, orɨn̰ge danayi boy kɨɗɨn̰ dayaŋ ga ka-dɔɔ cay ƴaa dayaŋge nee, ga teege naa Arewopaj bɨ yeyge hɨn̰: «Kɔl gɨ hɨrɨwa gɨ ji ba gɨlɨn̰ kalaŋ kɛ le, ji gɨ ɓale dɔrɛ toy bɨni gɨ ni gɨ jɔɔ naŋ ga?

Gɨye-lɔɔ 17:21

Kalaŋ ga cay ƴaa-di-gumu di Atɛn, dan̰ kɨrge ga som duroyge le, gɨye-lɔɔdɨge gɨ ɗaŋ unɔ. Ama na are-kɔl bɨ, jɔɔ kol hɨnga ga ba andaŋ hɨrɨwa bɨ, ma na gɨye-lɔɔdɨge dan̰ wɔlɛ pɨna pɨna.

Gɨye-lɔɔ 2:12

Kan nɔm kɔl kayge yɔd bɨ, waage kɔl gɨ ni dɨbe cay nee naŋ bɨ.» Lee gɨ kan nɔm ɨngɨrge gusɨge yege hɨn̰: «Hɨnga ga kɛ le toyge na mɨna ga?»

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 2:14

Ungo gɨ kalɨn̰ gɨ Turnɔ di da Kumu wɨya kuduroy naŋ le, kɨya ɓale ƴɔɔ hɨnga ga sayga gusi Turnoyi Kumu naŋ. Hɨnga ga da Turnoyi Kumu woy gɨlɨn̰ na hɨn̰ hɨnga ga ni dɨngale a cɨndi. Ban ɓala sɔlɛ toyge naŋ, kɨya wa na Turnoyi Kumu ba kɨya ɗɔɔ cɨn̰ ungo sagaŋ a cayi a cay dɔrɛ cɨn̰ hɨnga gaŋ.

Əbɨro 5:11

Ni orɨn̰ dan̰ kɔl kondɨ gɨ ni yɔ cay hɨnga ga nee le, ama kɨɗɨn̰ dɔrɛ toyi osu tɔgɨ, kɨya wa kɨŋ bɨle kalaŋ ga sɨlage duroy kɔl haw naŋ.

1 Pɨyɛr 4:4

Na toy di hɨn̰ wo̰ ma haw kɛ na, kɔl kay kalaŋ ga sɨlage Kumu gɨ cɨndi naŋ sɛl sɛl. Kɨya wa kɨŋ laa gɨye lɔɔ gɨ ni dasi gɨ hɨn̰ wo̰ le danage naŋ, lee gɨ kan yagɨdɨgɨŋge.