Gɨye-lɔɔ 17:14 - Gabri Maja

¹⁴ Ɨni na, kɨɗɨn̰di ga nee gaŋ le bɨ, karmɨni gɨyge Pol ɗe na or nɔ koburo gɨ gumu taa taa gɨŋ orɨn̰. Ama Sɨlas dan̰ Timote na, baage dugo a cay ƴaa di Bere dɨŋ.

Gɨye-lɔɔ 17:14 ပူးပေါင်းရင်းမြစ်များ

Matɨyo 10:23

Kɨɗɨn̰ ga kan na gɨlgɨŋ-cɨn̰ a cay ƴaa-di-gumu di pɨna dɨŋ na, gɨrgɨŋ ɨragɨŋ a cay ƴaadi ɗaŋ dɨŋ. Aŋ yəgɨŋ daa waŋ na cɨndi: Kɨŋ kɨya gɔrɛ a cay ƴaan̰əŋ ga gɨmdəŋ ga Ɨsɨrayɛl gon̰ cayge nɔm togɨn̰-bɛrnɛ naŋ ƴee bɨ ga ma, Kurɨn̰-ungo kɨya caga.

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 16:1

Pol or bugoŋ a Dɛrbɨ bɨ, Listɨr bɨ. Ba-aye-cay-tɨbay Jesu gɨ pɨna wo̰ som a cay ƴaa di Listɨr dɨŋ, gusondi na Timote. Ban na kurɨn̰ tama Jubɨ di pɨna wo̰. Ƴoyi na ɗe-aye kudurɔ bɨ, bay na Gɨrɛg bɨ.

Gɨye-lɔɔ 17:10

Kɔl gɨ kɨbɨna kɛ bɨ, karmɨni say gɨyge Pol dan̰ Sɨlas duroy son̰dodo dɨŋ a Bere. Kɨɗɨn̰ ga kan bugoŋge a nee ɨni na, kan sayge orge a boy ƴaa-daye-di-da-Jubɨn̰əŋ dɨŋ.

Gɨye-lɔɔ 17:15

Kan ga beege Pol le, orɨn̰ge danayi bɨrɨŋ andɨn̰ge a Atɛn dɨm ma jɨgage ƴee. Bɨ Pol ay noyi bɨge ɗe gɨ kan na yan̰ Sɨlas bɨ, Timote bɨ, gɨ kan na ɨre haw wayay a cay ƴaa-di-gumu di Atɛn dɨŋ.

Gɨye-lɔɔ 17:4

Jubɨn̰əŋ ga pɨna wo̰ duroyge orge kardi kɔl koyi gɨŋ le, lee gɨ kan bugoŋge te Pol dan̰ Sɨlas. Gɨrɛgn̰əŋ ga ka-n̰ɨre Kumu ɗɨn̰ ɗɔngɨsɛ bɨ, kandɨ ga gusondɨge ye dan̰ kondiige leege hɨn̰ wo̰ bɨ.

Gɨye-lɔɔ 17:6

Bɨ kɨɗɨn̰ ga kan wayage naŋ ɨni na, kan sɨdɨrdege Jaso̰ bɨ karmɨni ga pɨna wo̰ bɨ, orɨn̰ge danage tumoy ka-dɔɔ cay ƴaa gaŋ. Kan dege sɨle yege hɨn̰: «Kalaŋ ga kɛ le dɨbɨge do̰ a kɨɗɨn̰ gaŋ nɔm bɨ, haw kɛ kan bugoŋge a cay ƴaa toni dɨŋ bɨ.»

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 19:22

Ban gɨy kalaŋ sɔɔ duroy ka-lɔɔ gɨye danayi, na Timote bɨ, Erasɨ bɨ. Kan orge Masedɨwan tumoyi, ama na ban ba bɔɔ karu a cay gɨsəŋ ga Aji gaŋ ɓale wɔlɛ lam.

Gɨye-lɔɔ 20:3

Bɨ ban som nee leen̰ kɨdɨrɛ sɨbɨ. Kɨɗɨn̰ ga ban or kɨya aye koburo gɨ gumu taa taa kɨya orɨn̰ a cay gɨsəŋ ga Siri gaŋ ɨni na, ban je gɨ Jubɨn̰əŋ na boyge koldi kɨya looyiige ɨsɨna. Ɨni na, ban ojɨ gɨ ni bɨle cay jɔgɛ Siri dan̰ gɨyəŋ gɨ Masedɨwan dan̰ tɨbayi.

Gɨye-lɔɔ 9:25

Ama ka-aye-cay-tɨbayi ayige dan̰ son̰do sige duroy gɔy gɨ gumu gɨŋ bɨ, gɨsɨnige dan̰ gangɨ kardi bɨrɨm gɨ kan gaɗɨge na dan̰ garma nɨwrɨn̰ge cay ƴaa-di-gumu le.

Gɨye-lɔɔ 9:30

Kɨɗɨn̰ ga karmii jege koldi ɨni na, kan orɨn̰ge danayi a Sejare bɨ, gɨyɨn̰ge danayi a Tars bɨ.

1 Timote 1:3

Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

Titɨ 1:5

Ɨŋ ɗen̰ a cay gɨsəŋ ga Kɨrɛtɨ gaŋ na ɗe gɨ an̰ na ɗen̰ hɨnga ga ba baa ƴee le dan̰ durɔ bɨ, ɗe an̰ na ɗen̰ ka-muɗɔlɛ a cay ƴaa ga gɨmdəŋ gaŋ pɨna pɨna hɨn̰ gɨ ɨŋ ba yen̰ le bɨ.