Gɨye-lɔɔ 17:11 - Gabri Maja

¹¹ Jubɨ ga Bere orɨn̰ge dan̰ ɨrɨme gɨ kuɗa ɗɨn̰ Jubɨ ga Tesalonigɨ. Kan ƴeege kɔl gɨ da Kumu haw tɔgɨ bɨ, dan̰ wɔlɛ pɨna pɨna kan kobɨge te kɔl gɨ kan ba walge duroy Magtubu di da Kumu dɨŋ kɨya solɨn̰ kɛ, kɔl gɨ Pol ba gɨlge le, naa nee hayi ga?

Gɨye-lɔɔ 17:11 ပူးပေါင်းရင်းမြစ်များ

Matɨyo 13:23

Gasi-gɨse ga bugoŋ a cay gɨsəŋ ga ɗari gaŋ le, na kalaŋ ga jege kɔl gɨ da Kumu kuɗa bɨ, solge toyi bɨ. Lee gɨ cɨndɨge andaŋ. Kan ga pɨna, cɨndɨge won̰ aru bɨ, cayge ga ɗaŋ cɨndɨge won̰ toyge-jii bɨ, ga ɗaŋ coŋ cɨndɨge won̰ toyge-sɨbɨ bɨ.»

Kɔl-gɨ-Ɗari gɨ Lug wal 1:2

Kan walge na dan̰ gɨyəŋdɨge gɨyəŋdɨge, hɨn̰ gɨ kan ga ba solge dan̰ cɨndɨge a toy dɨŋ bɨ, ba dorge koldi bɨge le bɨ. Kan ga ba solge dan̰ cɨndɨge le, bɨləŋge labɨde na ka-tɔgɛ bɛrnɛ ga da Kumu.

Kɔl-gɨ-Ɗari gɨ Lug wal 11:3

Bɨni hɨnga kani ga ni dɔɔ Ani di sɨdɨldəŋ dan̰ wɔlɛ pɨna pɨna bɨ.

Kɔl-gɨ-Ɗari gɨ Lug wal 16:29

Abɨraham jɨga dɨbii cay nee yeyi hɨn̰: “Magtubu di da Moyis dan̰ magtubu di da ka-yɔɔ-kɔl-gɨ-Kumu-ba-yɔɔ woyge nee kɨya halge: Kuɗa gɨ kan ja kɔl koge.”

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 3:21

Ama ungo gɨ gɨye-lɔɔdi or pɨna dan̰ kɔl gɨ cɨndi le, kɨya ɔrɛ na cɨn̰-kɨɗɨn̰ ga asɨn̰ gaŋ, ɗe gɨ gɨye-lɔɔdi na wɨya doŋ waŋ, kɨya wa hɨnga ga ban lee le na dan̰ gɨyəŋ gɨ da Kumu.

Kɔl-gɨ-Ɗari gɨ Ja̰ wal 5:39

Kɨŋ madɨlde te kɔl duroy Magtubu di da Kumu di kan walge jɨne dɨŋ, kɨya wa kɨŋ ɨrɨm gɨ kɨŋ na kɨya sɔmɛ-bɨra dan̰ cɨndɨgɨŋ naa kol caa. Na magtubu di nee ba lɔɔ tɨmon̰ kol canɨ.

Gɨye-lɔɔ 10:33

Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.»

Gɨye-lɔɔ 11:1

Ka-gɨre-gɨye bɨ, karmɨni bɨ, ga somge a cay gɨsəŋ ga Jude gaŋ le, jege gɨ kalaŋ ga toyge na Jubɨ naŋ le na ƴeege kɔl gɨ da Kumu bɨ.

Gɨye-lɔɔ 17:1

Pol dan̰ Sɨlas gayge cay gɨsəŋ ga Ampipolis bɨ, Apoloni bɨ andɨn̰ge, orɨn̰ge bugoŋ a cay ƴaa-di-gumu di Tesalonigɨ dɨŋ. Ƴaa-daye-di-da-Jubɨn̰əŋ woy a cay ƴaa di nee dɨŋ le.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

2 Tesalonigɨ 2:10

Ba-Kuduroy-Ɨndɨwa gɨ nee le, kɨya ɨrga lɔɔ hɨnga ga ɨsɨni ga toyge kan̰dɨge kan̰dɨge ga ni narɨn̰ kalaŋ ga kɨya mundoŋ coŋ. Kɨya wa kan kan̰ge ƴɔɔ bɨ geye kɔl gɨ cɨndi bɨ gɨ ni ba kɨya ɓale poɗɨge le.

Magtubu di Jag wal 1:21

Na toy di hɨn̰ wo̰ ma, ɗagɨŋ hɨnga ga lee kɨni nɔm coŋ bɨ, hɨnga ga ni kuduroy-ɨndɨwa nɔm coŋ bɨ. Ama kɔl gɨ Kumu ba gɨsɨ kuduroygɨŋ le, ƴaygɨŋ dan̰ kaledɨgɨŋ ga jali. Kɨya wa kɔl gɨ nee le, orɨn̰ dan̰ dɔnɔ di ni poɗɨn̰ turnoygɨŋ.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.