Gɨye-lɔɔ 16:9 - Gabri Maja

⁹ Duroy son̰dodo dɨŋ na, hɨnga buyoŋ cɨn̰ Pol hɨn̰ dḛḛ wo̰: Ban sol ungo gɨ Masedɨwan gɨ pɨna wo̰. Ungo gɨ nee le ɨre daa dan̰ tɨbay olii yey hɨn̰: «Ɨre gɨrni daa, a Masedɨwan.»

Gɨye-lɔɔ 16:9 ပူးပေါင်းရင်းမြစ်များ

Gɨye-lɔɔ 10:3

Wɔlɛ gɨ pɨna wo̰ dan̰ tɨwa sɨbɨ di ni borundo na, hɨnga buyoŋ cɨndi hɨn̰ dḛ wo̰ lee gɨ ban sol ba-ƴɔbɛ gɨ daa nii gɨ da Kumu arɨn̰ cərərə, andaŋ kardi ƴen̰ bɨ yey hɨn̰: «Kɔrney!»

Gɨye-lɔɔ 10:30

Ɨni na, Kɔrney jɨga dɨbi cay nee yey hɨn̰: «Ɓal wɔlɛ sɨbɨ labɨde, dan̰ tɨwa sɨbɨdi ni borundo na, ɨŋ som ol Kumu ƴaanɨ dɨŋ bɨ, bara gɨ pɨna wo̰ gɨ dobɨ badɨge ga jɨran̰de gusi andaŋ canɨ dus ɨre tumonɨ,

Gɨye-lɔɔ 16:10

Kardi hɨnga ga ba buyoŋ cɨn̰ Pol hɨn̰ dḛḛ wo̰ le, kɨɗɨn̰di ga nee gaŋ le bɨ, ni mal gɨyəŋ gɨ ni ɔrɛ a Masedɨwan, kɨya wa ni sol kuɗa gɨ Kumu teeni gɨ ni na ɨra tɔgɛ bɛrnɛ Kɔl-gɨ-Ɗari a cay gɨsəŋ ga nee gaŋ le.

Gɨye-lɔɔ 16:12

Ni say nee or a cay ƴaa-di-gumu di Pilib dɨŋ. Hɨndi na cay ƴaa di a cay gɨsəŋ ga Masedɨwan di ɗɨn̰ kamdo nɔm bɨ, kalaŋ ga somge nee kondɨ, na kalaŋ ga Rɔm bɨ. Ni wol a cay ƴaa-di-gumu di nee dɨŋ le, lee wɔlɛ kondɨ.

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 19:22

Ban gɨy kalaŋ sɔɔ duroy ka-lɔɔ gɨye danayi, na Timote bɨ, Erasɨ bɨ. Kan orge Masedɨwan tumoyi, ama na ban ba bɔɔ karu a cay gɨsəŋ ga Aji gaŋ ɓale wɔlɛ lam.

Gɨye-lɔɔ 19:29

Kɔl gɨ nee le ƴee cay ƴaa-di-gumu nɔm, lee gɨ kalaŋ kondɨ dulomge orge kɨɗɨn̰ dayaŋ gaŋ, bɨ sɨdɨrdege Gayus dan̰ Aristarg ga na kalaŋ ga a cay ƴaa di Masedɨwan dɨŋ bɨ, na Pol ka-pogɨn̰ii bɨ, orɨn̰ge danage.

Gɨye-lɔɔ 20:1

Kɨɗɨn̰ ga do̰ di baa le tɔɔ ayaŋ ɨni na, Pol te ka-aye-cay-tɨbay Jesu bɨ, dobɨ bandɨ kuduroyge bɨ. Kardi nee ɨni na, ban leege lapɨya bɨ ay gɨyəŋ orɨn̰ Masedɨwan.

Gɨye-lɔɔ 20:3

Bɨ ban som nee leen̰ kɨdɨrɛ sɨbɨ. Kɨɗɨn̰ ga ban or kɨya aye koburo gɨ gumu taa taa kɨya orɨn̰ a cay gɨsəŋ ga Siri gaŋ ɨni na, ban je gɨ Jubɨn̰əŋ na boyge koldi kɨya looyiige ɨsɨna. Ɨni na, ban ojɨ gɨ ni bɨle cay jɔgɛ Siri dan̰ gɨyəŋ gɨ Masedɨwan dan̰ tɨbayi.

Gɨye-lɔɔ 27:2

Kɨɗɨn̰ ga nee le, ni nay a boy koburo gɨ gumu taa taa gɨŋ gɨ pɨna wo̰ gɨ Adɨramit, gɨ or jɨn̰ gɨba gɨ Aji gɨŋ. Koburo gɨ gumu taa taa le duroŋ danani daa. Ungo gɨ danani na Aristarg ban na ungo gɨ a cay ƴaa-di-gumu di Tesalonigɨ di woy a cay gɨsəŋ ga Masedɨwan gaŋ.

Gɨye-lɔɔ 9:38

Ka-aye-cay-tɨbay Jesu ga somge a cay ƴaa-di-gumu di Jope le, jege gɨ Pɨyɛr na woy a cay gɨsəŋ ga Lida gaŋ. Sɔ Lida ɔrɛ Jope na mɨnde. Kan gɨyge kalaŋ sɔɔ ɗe gɨ kan na ɨra yay hɨn̰: «Kɔgɨɗɔ, ɨre haw wayani.»

Magtubu di Pol wal bɨn̰ kalaŋ ga Rɔm 15:26

Kɨya wa ka-aye kudurɔ ga a cay gɨsəŋ ga Masedɨwan gaŋ dan̰ ga Agay ojɨge duroyge gɨ ni gɨyɨn̰ dan̰ hɨnga ga ni jɨbɨn̰ te ka-n̰age ga woyge duroy kan ga woyge dan̰ cɨndɨge ga a Jerusalɛm.

2 Korɛ̰t 11:9

Kɨɗɨn̰ ga ɨŋ ba ban̰ duroygɨŋ le n̰agedi hɨnga na laaŋ na, ɨŋ ɗa nɨn̰wa cay ungo wo̰ duroygɨŋ naŋ. Na karmɨgɨŋ ga saygage a cay gɨsəŋ ga Masedɨwan ba bəŋge hɨnga nɔm ga wɨyəŋ. Ɨŋ kan̰ ɗɔ nɨn̰wa caygɨŋ ojɨn̰ cay hɨnga ga ɨŋ or n̰agedɨge bɨ, ɨŋ kɨya ɗɔ nɨn̰wa caygɨŋ naŋ bɨrɨŋ bɨ.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

2 Korɛ̰t 7:5

Na cɨndi, kɨɗɨn̰ ga ni bugoŋ a cay gɨsəŋ ga Masedɨwan gaŋ na, ni dɨra gɨlale naŋ bɨrɨŋ. Gɨle-cɨn̰ ba cayni dan̰ gɨyəŋ gɨ toy kan̰di kan̰di: Ni worɨn̰dɨde dan̰ kalaŋ ga ɗaŋ bɨ, hundɔrɔ woy kuduroyni bɨ.

2 Korɛ̰t 8:1

Ay, karmɨni ga ban̰aŋ dan̰ ga kandɨ, ni gey gɨ kɨŋ na sɨla ɗarwa di Kumu ba lee dan̰ Ka-Daye ga a cay gɨsəŋ ga Masedɨwan gaŋ.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

1 Tesalonigɨ 4:10

Na hɨnga ga nee le ma magɨŋ lee, kɨya wa kɨŋ gey karmɨgɨŋ ga ban̰aŋ dan̰ ga kandɨ nɔm ga a cay gɨsəŋ ga Masedɨwan gaŋ. Ama ni bəgɨŋ kɔl-gɨ-ɗari kuduroygɨŋ gɨ kɨŋ na gey gusɨgɨŋ jɨn̰ tumɔ nee coŋ.