Gɨye-lɔɔ 16:6 - Gabri Maja

⁶ Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 16:6 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:2

Kan walge na dan̰ gɨyəŋdɨge gɨyəŋdɨge, hɨn̰ gɨ kan ga ba solge dan̰ cɨndɨge a toy dɨŋ bɨ, ba dorge koldi bɨge le bɨ. Kan ga ba solge dan̰ cɨndɨge le, bɨləŋge labɨde na ka-tɔgɛ bɛrnɛ ga da Kumu.

Gɨye-lɔɔ 10:19

Kɨɗɨn̰ ga Pɨyɛr som ɨrɨm kɔl a cay te hɨnga ga ba buyoŋ cɨndi hɨn̰ dḛḛ wo̰ le ban̰ nee ƴee bɨ ga ma, Turnɔ di da Kumu yey hɨn̰: «Sɨla, kalaŋ sɨbɨ ɨre malɨn̰ge kɛ.

Gɨye-lɔɔ 11:12

Turnɔ di da Kumu yəŋ ɨŋ na sa ɨra danage dɨle ɗɔɔ ɗugonɨ alaŋ. Karmɨnɨ ga jii ga ba ɨrege kɛ ga ɨŋ ɨrgan̰ danage le bəŋge a Sejare bɨ, ni andaŋ nɔm toni dɨŋ a duroy ƴaa di da Kɔrney dɨŋ bɨ.

Gɨye-lɔɔ 16:7

Kɨɗɨn̰ ga kan ɨrgage mɨnde dan̰ cay gɨsəŋ ga Miji ɨni na, kan malge gɨyəŋ gɨ ni ɔrɛ a cay gɨsəŋ ga Bitini gaŋ, ama Turnɔ di da Jesu narge coŋ.

Gɨye-lɔɔ 18:23

Ban wol sɨm a cay ƴaa di nee dɨŋ le bɨ, say orɨn̰ tɨrga toyi. Ban gan̰ cay ƴaan̰əŋ ga a cay gɨsəŋ ga Galasi gaŋ bɨ, ga Pɨrɨji gaŋ bɨ. Dobɨn̰ bandɨ kuduroy ka-aye-cay-tɨbay Jesu, ɗe gɨ kan na ɨrɨn̰ usa a cay aye kudurɔ koge gɨŋ.

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 20:16

Kɨya wa Pol gey pɨde Epɛs dɨle ɨre dugo, kɨya gɨ ban gey nɨngɨdɨde tɔgɨ a cay gɨsəŋ ga Aji gaŋ naŋ. Kɨya wa ban gey ɔrɛ haw dan̰ cɨndi tumɔ. Bɨ hɨn̰ gɨ na uja na, ban gey bugoŋ a cay ƴaa-di-gumu di Jerusalɛm tumoy wɔlɛ gɨ ni leen̰ kɨdɨrɛ gɨ ni Pantekot.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 20:4

Kan ga beeyige te gɨyəŋ di tɨrga toyi dɨŋ le gusondɨge ba kɛ: Sopater, kurɨn̰ Pirus gɨ a Bere bɨ, Aristarg dan̰ Sugundus gɨ a Tesalonigɨ bɨ, Gayus gɨ a Dɛrbɨ bɨ, Timote bɨ, Tisig dan̰ Tɨropim, kan na kalaŋ ga a cay gɨsəŋ ga Aji gaŋ bɨ.

Gɨye-lɔɔ 21:27

Kɨɗɨn̰ ga baa mɨnde gɨ wɔlɛ gɨ jurgum gɨ ojɨ gɨ ni dorɨn̰ gusɨ mɨra ɓal dɛj ɨni na, kalaŋ ga ni Jubɨ ga saygage a cay gɨsəŋ ga Aji gaŋ solge Pol duroy ƴaa-di-da-Kumu dɨŋ na, kan gosɨrge dɨmdɨrdi kalaŋ bɨ, ƴomge Pol.

Gɨye-lɔɔ 6:9

Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.

Gɨye-lɔɔ 8:29

Turnɔ di da Kumu yen̰ Pilib hɨn̰: «Ɨra tumɔ, ɨra mɨnde bongi pusu gɨ kɛ le.»

Magtubu di Pol wal bɨn̰ kalaŋ ga Rɔm 16:5

Laan̰gɨŋ Ka-Daye ga daydaŋge tage le, lapɨya bəŋ bɨ. Laan̰gɨŋ ban gɨ ɨŋ lee-toyi Epayinɛt lapɨya bəŋ bɨ. Ban na ungo gɨ cay wase cɨg cɨg gɨ ay kuduroyi bɨn̰ Jesu-Kɨris a cay gɨsəŋ ga Aji gaŋ.

1 Korɛ̰t 12:11

Na Turnɔ di da Kumu di pɨnaa di nee le ba lɔɔ hɨnga ga nee le nɔm. Hɨndi gosɨn hɨnga ga ni bee-kalɨn̰ ga nee le bɨn̰ waŋ waŋ kalɨn̰ ma dan̰ kuduroy geye kɔɔ.

1 Korɛ̰t 16:1

Kɔl gɨ ojɨ cay hɨnga ga ni hɔgɛ ga ojɨ cay kalaŋ ga woyge dan̰ cɨndɨge a cay ƴaa-di-gumu di Jerusalɛm dɨŋ gɨ ɨŋ ba gɨlɨn̰ Ka-Daye ga a cay gɨsəŋ ga Galasi gaŋ le, ojɨ gɨ kɨŋ-gandi kalɨn̰ ma kɨŋ laa hɨn̰ koge wo̰ bɨ.

1 Korɛ̰t 16:19

Kalaŋ ga a duroy Ka-Daye ga a cay gɨsəŋ ga Aji gaŋ ləgɨŋge lapɨya. Agilas bɨ Pɨrisil bɨ, dan̰ kalaŋ ga a duroy Ka-Daye ga daydaŋge a duroy ƴaadɨge gaŋ ləgɨŋge lapɨya dan̰ guson̰ Ba-gulɔŋ.

2 Korɛ̰t 1:8

Ay karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla kardi hɨnga ga ni dɔsɛ-ɗugɔ ga andaŋ cayni a cay gɨsəŋ ga Aji gaŋ: Hɨnga ga ni dɔsɛ-ɗugɔ ga nee le nɨn̰ni tɔgɨ, kɔjɛdɨge ɗɨn̰ togɨyni, bɨrɨŋ gɨ ni ɨrɨm hɨn̰ gɨ ni na kɨya sɔmɛ-bɨra hɨn̰ wo̰ naŋ.

Galad 1:2

Na ɨŋ-bandi bɨ, karmɨnɨ nɔm ga danaŋ bɨ le, ba gɨyɨn̰ dan̰ magtubu di kɛ le. Ni gɨyɨn̰ bɨn̰ na kalaŋ ga a duroy Ka-Daye ga a cay gɨsəŋ ga Galasi gaŋ.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

2 Timote 1:15

Hɨn̰ gɨ ji ba sol le, kalaŋ ga a cay gɨsəŋ ga Aji nɔm ɗəŋge coŋ. Pijɛl dan̰ Ɛrmojɛn na danage bɨ.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

Əbɨro 11:8

Na dan̰ gɨyəŋ gɨ da aye kudurɔ ma, Abɨraham je kɔl kɨbɨ Kumu, kɨɗɨn̰ ga Kumu teeyi. Lee gɨ ban say ɗe cay gɨsəŋ kayi coŋ orɨn̰ a cay gɨsəŋ ga Kumu ojɨ bii leen̰ cay gɨsəŋ kayi. Ban say or dɨle sɔlɛ kɨɗɨn̰ ga ban or jɨn̰ nee jɛɗɨ.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.