Gɨye-lɔɔ 16:34 - Gabri Maja

³⁴ Ban orɨn̰ dan̰ Pol bɨ, Sɨlas bɨ, a tayi. Bɨ bɨge hɨnga ga ni dɔɔ diige bɨ, leen̰ge gusi-mɔwa dan̰ ka-ƴaadi, kɨya cay bɔgɛ gɨ kan bee kuduroyge cay Kumu.

Gɨye-lɔɔ 16:34 ပူးပေါင်းရင်းမြစ်များ

Kɔl-gɨ-Ɗari gɨ Lug wal 15:32

Ama ojɨ gɨ na ləgɨŋ dɔɔ ten̰gɨŋ pɨre bɨ, leen̰gɨŋ gusi-mɔwa bɨ, kɨya wa kurdɨn̰ gɨ ba kɛ le, ban na ungo gɨ ma, ma ban boy lɨbɨ bɨ, ban na ungo gɨ kayaŋ, ma maŋ wayi bɨ.”»

Kɔl-gɨ-Ɗari gɨ Lug wal 19:6

Jase boy gusi cɛd gɨsɨn dugo ƴom Jesu gusi dan̰ gusi-mɔwa.

Kɔl-gɨ-Ɗari gɨ Lug wal 5:29

Kardi nee na, Lebi lee dɔɔ dan̰ kondi hayi leen̰ Jesu tɨrga a tayi. Ka-hɔgɛ lambo dan̰ kondige dan̰ kalaŋ ga ɗaŋ somge danage kɨbɨ dɔɔ gɨŋ nee bɨ.

Gɨye-lɔɔ 11:14

Ban kɨya yon̰ kɔl gɨ kɨya poɗɨn̰ ji-bandi gusɨn̰ bɨ, ka-ƴaadɨn̰ nɔm bɨ.»

Gɨye-lɔɔ 16:15

Kan looge batɛm dan̰ ka-ƴaado pɨna bɨ, hɨndi molni, yeni hɨn̰: «Hɨn̰ gɨ kɨŋ na sɨla gɨ ɨŋ naa ɗe-aye kudurɔ bɨn̰ Ba-gulɔŋ na, kɨŋ ɨre sɨma tange.» Hɨndi loɗɨdɨde toyni bɨrɨŋ gɨ ni ɨrga som a taa.

Gɨye-lɔɔ 16:35

Kɨɗɨn̰ ga kɨɗɨn̰ wol ɨni na, ka-bɔyɛ kɔl gɨygɨge ka-gɨye kage yen̰ge ba-game ka-dangay le ye hɨn̰: «Ɗa kalaŋ ga nee le daa ɗe orge.»

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 8:39

Kɨɗɨn̰ ga kan andaŋge boy kaŋ gaŋ doŋ ɨni na, Turnoy Ba-gulɔŋ dor Pilib orɨn̰ danayi. Bɨ ban gɨ kan dor toyi le sɨlay naŋ ɨni. Ama ban codɨ gɨyəŋ koyi orɨn̰ dan̰ gusi-mɔwa.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 5:11

Ɗɨn̰ gɨ nee le na, haw kɛ na, na ɨre lee gusi-mɔwa kɨya cay Kumu dan̰ gɨyəŋ gɨ da Ba-gulondɨna Jesu-Kɨris, kɨya wa na ban ba hangɨna gɨyəŋ gɨ da bugoŋ pɨna dan̰ Kumu.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Pilib 4:17

Ɨŋ na ya kɔl hɨn̰ wo̰ na, ɨŋ mala na ɗe gɨ kalaŋ na bəŋ hɨnga naŋ, ama ɨŋ mal na gɨ cay kobɨgɨŋ na sa cay mɨgay mɨgay.

Pilib 4:4

Laagɨŋ gusi-mɔwa dan̰ tɨwa nɔm, te bugoŋ pɨna dan̰ Ba-gulɔŋ. Ɨŋ jɨga yəgɨŋ ɗaŋ coŋ, laagɨŋ gusi-mɔwa.

Pilemo 1:7

Ay kurɨnɨ, leen̰ cɨndi na, kol geye kon̰ bəŋ gusi-mɔwa di gumu bɨ, jal kuduronɨ bɨ, kɨya wa hɨnga nɔm ga ji ba lee le dobɨ bandɨ kuduroy kalaŋ ga woyge dan̰ cɨndɨge.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.