Gɨye-lɔɔ 16:25 - Gabri Maja

²⁵ Baa mɨnde dan̰ duroy son̰do bɔb ɨni na, Pol dan̰ Sɨlas olge Kumu bɨ, dege kɨra hɨramɨn̰ge Kumu bɨ. Kamdige ka-dangay jege noyge bɨ.

Gɨye-lɔɔ 16:25 ပူးပေါင်းရင်းမြစ်များ

Kɔl-gɨ-Ɗari gɨ Lug wal 22:44

Kɨɗɨn̰ ga ɗugoy dusoŋ bɨ ɨrɨme kɔl ɗɨn̰ cayi bɨ le, ban ol Kumu dan̰ togi jɨn̰ nee nee, lee gɨ kɨjan̰e di andaŋ hɨn̰ kɨbar wo̰ ulgudoŋ dugo gɨsəŋ.]

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 16:19

Kɨɗɨn̰ ga ka-gulondo solge gɨ kɨɗɨn̰ wɔɔ hɨnga kage toyge ayaŋ coŋ ɨni na, kan ƴomge Pol dan̰ Sɨlas sɨdɨrdege orɨn̰ danage a gɛgɛr gɨŋ tumoyi ka-dɔɔ cay ƴaa.

Gɨye-lɔɔ 16:33

Ba-game ka-dangay le donge orɨn̰ danage duroy son̰dodo di nee dɨŋ le pɨle cɨn̰ ɨya toge bɨ, kardi nee ɨni na, kan leeyige batɛm kɨɗɨn̰di ga nee gaŋ le, dan̰ ka-ƴaadi nɔm.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

Epɛs 5:19

Dɨban̰gɨŋ gusɨgɨŋ bandɨ dan̰ kɨra gɨ ni hɨramɨn̰ Kumu bɨ, gɨ ni dɨbɨn̰ gusoŋ-tɔgɛ bɨ, dan̰ kɨra gɨ Turnɔ ɗe-kuduroy-bɛrɛ ba bɨgɨŋ bɨ. Ayagɨŋ kɨra hɨraman̰gɨŋ Ba-gulɔŋ dan̰ ɗugoygɨŋ di pɨna.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

Əbɨro 5:7

Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

Magtubu di Jag wal 1:2

Karmɨnɨ ga ban̰aŋ dan̰ ga kandɨ, hɨnga ga ni gɨwase ga dan̰ cɨndɨge cɨndɨge ga ba andɨdaŋ caygɨŋ le, kuɗa gɨ kɨŋ sɨlagegɨŋ hɨn̰ hɨnga ga ni gusi-mɔwa wo̰.

Magtubu di Jag wal 5:13

Kɛ ungo pɨna duroygɨŋ som duroy gɨle cɨn̰ dɨŋ ga? Kuɗa gɨ ban ula Kumu. Kɛ ungo pɨna duroygɨŋ som duroy gusi-mɔwa dɨŋ ga? Kuɗa gɨ ban kɨbɨ kɨra hɨrame bɨn̰ Kumu.

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.