Gɨye-lɔɔ 16:19 - Gabri Maja

¹⁹ Kɨɗɨn̰ ga ka-gulondo solge gɨ kɨɗɨn̰ wɔɔ hɨnga kage toyge ayaŋ coŋ ɨni na, kan ƴomge Pol dan̰ Sɨlas sɨdɨrdege orɨn̰ danage a gɛgɛr gɨŋ tumoyi ka-dɔɔ cay ƴaa.

Gɨye-lɔɔ 16:19 ပူးပေါင်းရင်းမြစ်များ

Matɨyo 24:9

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ.

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 14:5

Jubɨ bɨ, kalaŋ ga toyge na Jubɨ naŋ bɨ, bugoŋge pɨna dan̰ ka-dɔɔ cayge age na leen̰ Pol dan̰ Barnabas ɨsɨna bɨ, worɨn̰dɨge dan̰ oru dɨɗɨge coŋ bɨ.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Gɨye-lɔɔ 15:26

Kan na kalaŋ ga ay gusɨge dɨbɨ coŋ kɨya cay guson̰ Ba-gulondɨni Jesu-Kɨris.

Gɨye-lɔɔ 15:40

Pol say ay koyi Sɨlas bɨ. Kɨɗɨn̰ ga ka-aye kudurɔ beegege kobɨ Ba-gulɔŋ ɗe gɨ ban na laa ɗarwa danage ɨni na, Pol ay gɨyəŋ koyi bɨ.

Gɨye-lɔɔ 16:16

Wɔlɛ gɨ pɨna wo̰ gɨ ni or jɨn̰ kɨɗɨn̰ ɔlɛ Kumu gɨŋ ɨni na, turmɔ ɗe-gɨye di pɨna wo̰ yal cɨndɨni. Hɨndi na tama di orɨn̰ dan̰ turnɔ di ɨsɨni di lee gɨ hɨndi bee garme. Bɨ ka-gulondo wan̰ge hɨnga wɔɔ tɔgɨ, kɨya garme ga hɨndi bee le.

Gɨye-lɔɔ 16:20

Kan orɨn̰ge danage tumoy ka-bɔyɛ kɔl bɨ, yen̰ge ka-bɔyɛ kɔl le hɨn̰: «Kalaŋ ga kɛ le, dɨbɨge do̰ a boy cay ƴaa tona di gumu dɨŋ. Kan na kalaŋ ga ni Jubɨ.

Gɨye-lɔɔ 16:25

Baa mɨnde dan̰ duroy son̰do bɔb ɨni na, Pol dan̰ Sɨlas olge Kumu bɨ, dege kɨra hɨramɨn̰ge Kumu bɨ. Kamdige ka-dangay jege noyge bɨ.

Gɨye-lɔɔ 16:29

Ɨni na, ba-game ka-dangay le, ɨngɨr tɨwa bɨ, say gɨrɨn̰ daa andɨn̰ pɨla boy ƴaa dangay dɨŋ bɨ, ban̰ tumoyi Pol dan̰ Sɨlas. Hundɔrɔ leeyi gɨ ban saydɨde paɗɨ paɗɨ.

Gɨye-lɔɔ 17:6

Bɨ kɨɗɨn̰ ga kan wayage naŋ ɨni na, kan sɨdɨrdege Jaso̰ bɨ karmɨni ga pɨna wo̰ bɨ, orɨn̰ge danage tumoy ka-dɔɔ cay ƴaa gaŋ. Kan dege sɨle yege hɨn̰: «Kalaŋ ga kɛ le dɨbɨge do̰ a kɨɗɨn̰ gaŋ nɔm bɨ, haw kɛ kan bugoŋge a cay ƴaa toni dɨŋ bɨ.»

Gɨye-lɔɔ 21:30

Kɔl gɨ nee le, ƴee cay ƴaa-di-gumu nɔm, lee gɨ kalaŋ dulomge nɔm ɨrgage. Kan ƴomge Pol, siriige doriige coŋ duroy ƴaa-di-da-Kumu dɨŋ bɨ, kɔl gɨ kɨbɨna kɛ bɨ, kan lɨgɨdege kɨbɨ ƴaan̰əŋ daa bɨ.

Gɨye-lɔɔ 8:3

Ama Sol na lɨgɨ cɨndi daa mɨjag gɨ ni mondɨn̰ Ka-Daye coŋ. Ban andɨdaŋ duroy ƴaan̰əŋ gaŋ kɨya torɨn̰ ban̰aŋ dan̰ kandɨ dan̰ dɔnɔ bogɨge dangay.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

2 Korɛ̰t 6:5

Tenige bɨ, beenige dangay dɨŋ bɨ, gosɨrge kalaŋ cayni bɨ, ni lee gɨye ga osɨdəŋ osɨdəŋ bɨ, ni narɨn̰ cɨndɨni kuŋ bɨ, ni hay kɨbɨni bɨ.

Pilib 1:30

Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.

1 Tesalonigɨ 2:2

Hɨn̰ gɨ kɨŋ ba sol le, tumɔ pa dɨm ma gɨ ni kɨya bugoŋ tagɨŋ le, gɨlnige-cɨn̰ bɨ, yagɨdɨnige bɨ, a cay ƴaa-di-gumu di Pilib dɨŋ. Ama Kumu bɨni bandɨ lee gɨ ni tee bɛrnɛ di Kɔl-gɨ-Ɗari koyi, dɨle hundɔrɔ duroy kondɨwadi kɨmbɨl.

1 Timote 6:10

Kɨya wa tabɨlaŋ di gursu le, na te sarnay hɨnga ga ɨsɨni nɔm. Kɨɗɨn̰ ga kalaŋ na aya gusɨge bɨn̰ gursu ɨni na, kɨya ɗɔɔge aye kudurɔ coŋ bɨ, kɨya kayaŋge hen̰ bɨ, hɨnga ga ni mɨrɨn̰tɨn̰i ga toyge kan̰dɨge kan̰dɨge kɨya looge bɨ.

Magtubu di Jag wal 2:6

Ama kɨŋ-gandi, kɨŋ dɨbɨ dasi cay ba-n̰age. Kɛ na ka-wɔɔ hɨnga tɔgɨ ba loogɨŋge hɨnga ga homi bɨ, orɨn̰ge danagɨŋ kɨbɨ ka-bɔyɛ kɔl bɨ naŋ ga?