Gɨye-lɔɔ 16:17 - Gabri Maja

¹⁷ Turmɔ ɗe-gɨye le ay te kɔbɛ kardini ni-gandi dan̰ Pol bɨ, den̰ sɨle ye hɨn̰: «Kalaŋ ga kɛ le, na ka-lɔɔ gɨye ga da Kumu gɨ ɗɨn̰ cay hɨnga nɔm! Kan kɨya gɨlgɨŋ na gɨyəŋ gɨ ungo na aya na, kɨya wan̰ pɔɗɛ.»

Gɨye-lɔɔ 16:17 ပူးပေါင်းရင်းမြစ်များ

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Matɨyo 8:29

Bɨ ga ma, kan kaydege gɔsɛ yen̰ge hɨn̰: «Kurɨn̰-Kumu, na wa ma mɨn̰ gey gusɨni ga? Ji ɨrga na kɨya looni mɨrɨn̰tɨn̰i tumoy wɔlɛ koni ga?»

Marg 1:24

«Jesu gɨ Najarɛt, ji gey na wa gusɨni ga? Ji ɨrga na kɨya mondɨni ga? Ɨŋ solɨn̰ kuɗa wo̰: Ji woy dan̰ cɨndɨn̰, na Kumu ba gɨygɨn̰.»

Marg 12:14

Bugoŋge gusi ɨni na, kan yeyige hɨn̰: «Ba-gɨlɨn̰ kalaŋ hɨnga, ni sol gɨ ji na ungo ba yɔɔ kɔl gɨ cɨndi bɨ, ji hɨndara cɨn̰ ungo naŋ bɨ, kɨya wa ji dɨra cɨn̰ ungo naŋ. Ama ji gɨlɨn̰ kɔl kalaŋ na te gɨyəŋ gɨ da Kumu dan̰ gɨyəŋ gɨ da kɔl gɨ cɨndi. Yani ƴee bɨ, kɛ gasɨn̰-kɔl bɨn̰ ungo gɨyəŋ gɨ ni bɨn̰ kɨlma gɨ gumu Sejar lambo wala, narii ga? Kɛ ojɨ gɨ ni gɨ bee wala bee naŋ ga?»

Marg 5:7

Ɨni na, ban gay gɔsɛ hal ye hɨn̰: «Jesu, Kurɨn̰-Kumu gɨ ɗɨn̰ cay hɨnga nɔm na wa ma mɨn̰ gey gusɨnɨ ga? Kogɨɗɔ, ɨŋ olɨn̰ dan̰ guson̰ Kumu, gɨləŋ mɨrɨn̰tɨn̰i naŋ.»

Kɔl-gɨ-Ɗari gɨ Lug wal 1:77

Kɨya leen̰ gɨ ɗe kalaŋ kayi na sɨlan̰ge Gɨ ban na ɨrgan̰ naa dan̰ pɔɗɛ, Kɨya cay kuduroyi ga ban ɗe jal A cay ɨsɨnan̰əŋ gaŋ.

Kɔl-gɨ-Ɗari gɨ Lug wal 1:79

Ɗe asɨn̰ kalaŋ ga somge duroy dɨlɨm dɨŋ bɨ, Ga somge kɨbɨ tɨma dɨŋ bɨ. Kɨya dorɨn̰ tumoynagɨŋ a gɨyəŋ Di gusi-dɔbɛ gɨŋ bɨ.»

Kɔl-gɨ-Ɗari gɨ Lug wal 20:21

Ka-nare cɨn̰ kalaŋ le, say ɨngɨrge Jesu hɨn̰: «Ba-gɨlni hɨnga, ni sol gɨ kɔl yɔ dɨn̰ bɨ, gɨle hɨnga kan̰ bɨ le, na kɔl cɨndi hayi, ji dɨra cɨn̰ ungo naŋ bɨ, ji gɨlɨn̰ kalaŋ hɨnga na dan̰ gɨyəŋ gɨ da kɔl gɨ da Kumu gɨ cɨndi nee bɨ.

Kɔl-gɨ-Ɗari gɨ Lug wal 4:34

Haya ga! Jesu gɨ Najarɛt, ji gey na wa gusɨnɨ ga? Ji ɨrga na kɨya mondɨni ga? Ɨŋ solɨn̰ kuɗa wo̰: «Ji woy dan̰ cɨndɨn̰ na Kumu ba gɨygɨn̰.»

Kɔl-gɨ-Ɗari gɨ Lug wal 4:41

Jesu tay turnɔn̰əŋ ga ɨsɨni dan̰ kondige a kuduroy kalaŋ nɔm ga ba ɨrgage gusi le, turnɔn̰əŋ ga ɨsɨni kaydege gɔsɛ cayi yen̰ge hɨn̰: «Ji na Kurɨn̰-Kumu!» Ama Jesu al toyi cayge ɗe kan na lɨgɨ kɨbɨge, kɨya gɨ kan soliige gɨ ban na Kɨris ban gɨ Kumu dorii le.

Kɔl-gɨ-Ɗari gɨ Lug wal 8:28

Kɨɗɨn̰ ga ban sol Jesu hug bɨ na, ban gay gɔsɛ bɨ ba bib tumoyi bɨ ye dan̰ tumoyi di daa pəŋ ye hɨn̰: «Jesu, Kurɨn̰-Kumu gɨ ɗɨn̰ cay hɨnga nɔm na wa ma mɨn̰ gey gusɨnɨ ga? Ɨŋ olɨn̰ gɨləŋ mɨrɨn̰tɨn̰i naŋ.»

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Gɨye-lɔɔ 18:26

Ban say ye kɔl dan̰ cɨn̰-bandɨ duroy ƴaa-daye-di-da-Jubɨn̰əŋ dɨŋ. Kɨɗɨn̰ ga Pɨrisil dan̰ Agilas jege kɔl koyi ɨni na, kan ƴomiige walaŋ bɨ, gɨliige gɨyəŋ gɨ da Kumu dan̰ gɨyəŋdi tɛrɛrɛ tɛrɛrɛ ɗɨn̰ gɨ tumɔ ƴee.

Gɨye-lɔɔ 19:13

Kalaŋ ga ni Jubɨ ga pɨna ga ka-gɔrɛ dan̰ kɨɗɨn̰ kɨɗɨn̰ tan̰ turnɔ ga ɨsɨndəŋ le, samge gɨ ni tɔgɛ guson̰ Ba-gulɔŋ Jesu, cay kan ga orɨn̰ dan̰ turnɔ ga ɨsɨndəŋ yen̰ge hɨn̰: «Ɨŋ ay nonɨ bɨgɨŋ! Andaŋgɨŋ coŋ dan̰ guson̰ Jesu gɨ Pol tee bɛrnɛdi le.»

1 Pɨyɛr 2:16

Laagɨŋ gɨye-lɔɔ gɨ da kalaŋ ga cayge kalɨn̰. Ama kɨŋ ɗɔɔ ba aye gɔrɛ cay-kalɨn̰ le loon̰ badɨge ga ni tolɨn̰ cay ɨsɨna naŋ. Ama kɨŋ hale gɨybəŋ gɨ kɨŋ naa gɔyɔŋ ga da Kumu naŋ.

2 Pɨyɛr 2:2

Kondɨwadi kalaŋ kɨya kɔbɛge kardɨge kɨɗɨn̰ yɔyɛ gorɨn̰ daa gaŋ le bɨ, kɨya cay kalaŋ ga nee le, kan kɨya yagɨdege te gɨyəŋ gɨ da Kɔl gɨ cɨndi kol cay gɨye-lɔɔdɨge bɨ.